اللى بيقول مبيعملش و اللى بيعمل مبيقلش
عنوان غريب و قد يحمل معانى و إيحاءات و لكن قبل إساءة الظن أرجوا منكم تفهموا الأول أنا ايه اللى ميدايقنى
الصراحه إكتشفت ان فيه ناس لما يبقى الواحد فيهم عنده مشكله فل عربيه , يخش و يقول و يشرد لها و يسيحلها و يسيح للوكيل و للعربيه , ده انا عربيتى فيها كذا و كذا و عمات كذا و كذا
مع بعض الحسبنه و الشتيمه و الكلام الإنفعالى و لكن بدون محاوله منه لحل مشكلته بشكل جدى و واقعى
أهو ده اللى ينطبق عليه مقطع "اللى بيقول مابيعملش"
طب و التانى
واحد راح فعلا وجد حل للمشكله اللى فى عربيته , سواء عند الوكيل أو عند الميكانيكى أو حاول يجتهد و حلها بنفسه و بقى مبسوط و طاير من الفرحه و مستمتع بعربيته و انتهت المشكله و الأرق
و لكن للأسف مايخشش المنتدى يبل ريق الناس و يقولهم هو حل المشكله إزاى و فين و بكام
أهو ده اللى بيتقال عليه "اللى بيعمل مابيقلش"
ليه كده ؟؟؟؟؟؟؟؟؟؟؟؟؟؟؟؟؟؟
الأولانى ما نابه غير انه شوه صورة العربيه بذكاءه الفذ و شوه صورة الوكيل و كل اللى داخل يقرأ يقولك ايه العربيه ال ....... ديه
و التانى لم يساعد الناس , لوجه الله , و فضل انه يحتفظ بالمعلومه لنفسه , هل هو أنانى ؟ , هل خايف من الحسد و العين ؟ مش عارف
أنا لاحظت الموضوع ده فى كذا قسم هنا فل منتدى
ليه يا جماعه كده ؟؟
المفروض انه اللى بيجمعنا الخير و حب مساعدة الأخرين
يا أخى فيد و إستفيد مش كده
و إذا اتكلمت معاهم يا اما يسكتوا مايردوش أو يقولوا مبررات واهيه لا ترقى الى المنطق و الحكمه و مكارم الأخلاق
واخدين بالكم من مكارم الأخلاق ديه
"إنما بعثت لأتمم مكارم الأخلاق" كلام مين ده ,, ماتصلوا عليه
عليه أفضل الصلاة و السلام
يا خساره
أرجوا من جميع الأخوه هنا فل منتدى سواء النوع الأول أو النوع التانى يراجعوا نفسهم و يغيروا من نهجهم عشان ربنا يكرمهم فى رزقهم و عيالهم و ربنا شاهد عليهم
و كل ما ححس ان فيه واحد لسه ماشى على نفس النهج ده ,, للأسف ,, أنا أسف جدا ,, بس أنا مضطر أرد عليه بإضافة رابط الموضوع ده فى ردى عليه يمكن يتكسف و يحس على دمه و يغير من نهجه
أسف ان كنت زعلت حد بس الحقيقه ساعات بتزعل
يالا سلام عليكم
