السلام عليكم ورحمة الله
اخوانى اعضاء قسم SEAT :hello:
قسم SEAT المعروف عنه انه من الاقسام الهادية فى المنتدى نظرا لقلة اعضائه مقارنة بباقى الأقسام وده كان بخلينا كلنا عارفين بعض وعارفين مواصفات عربيات بعض ولكن فى الفترة الاخيرة بفضل الله تعالى ثم بفضل اعضاء القسم تشرفنا بأنضمام اعضاء وملاك جدد لماركة SEAT وكمان انضمام بعض من اخواتنا من قسم VW وخصوصا ملاك البولو نظرا لتطابق العربيتين فى كل حاجة تقريبا
تقريبا فوق الـ 95% من اعضاء القسم معاهم ابيزا او كوردوبا وبولو والنسبة الأكبر للموديلات اللى ما بين 94 الى 99 ويجى بعد كده الموديلات من 2000 الى 2002
ولأن العربيات دى بتنزل بأنواع واحجام ومواصفات مواتير مختلفة فأصبح من الصعب علينا تشخيص الأعطال بدون مانعرف مواصفات الموتور صاحب المشكلة اذا كان كاربراتير - انجيكشن - 1.0 - 1.3 - 1.4 - 1.6 - 1.8 - 2.0 - 8V - 16V
فى المنتديات الاجنبية كل عضو بيكتب فى التوقيع الخاص بيه مواصفات عربيته عشان لما يسأل سؤال يتجاوب عليه باجابة صحيحة وبسرعة
وعشان كده اتمنى من كل عضو انه يكتبلنا مواصفات عربيته عشان نقدر نفيده بالحلول الصحيحة لمشكلته
الموضوع بسيط جدا وده توقيعى كمثال: SEAT Ibiza 6k 1.6 AFT 101HP
المطلوب 5 حاجات
1- ماركة العربية: SEAT - VW
2- نوع العربية: Polo - Golf - Bora - Ibiza - Cordoba - Toledo - Leon
3- موديل العربية: 94 - 98 - 99 - 2000 أو 6k - 6n - 6j - 6L أو Mk1 - Mk2 - Mk3
4- سعة الموتور: 1.0 - 1.3 - 1.4 - 1.6 - 1.8 - 2.0
5- كود الموتور: وده من خلاله هنقدر نعرف اذا كان الموتور انجيكشن ولا كاربراتير - 8V ولا 16V وقطع الغيار المناسبة ليه وبتشترك مع مين تانى من المواتير (اللى ميعرفش كود موتوره هيلاقيه مكتوب أعلى يمين البلوكة أو استيكر أعلى غطاء سير التقسيمة ومكون من 3 أحرف)
http://nileup.com/up/uploads/nilemotors_13674193221.png
طريقة تعديل التوقيع:
1- اضغط على (لوحة التحكم)
2- على اليمين اضغط على (تعديل التوقيع)
3- اكتب توقيعك ثم اضغط حفظ التوقيع
برجاء التعاون
وشكرا
