الموضوع: ناوى اغير كاوتش بكرة لعربية النترا ومحتاج مساعدتكم

السلام عليكم يا رجالة
ناوى ان شاء الله بكرة اغير كاوتش عربيتى النترا 2008 هى راكب فيها 15/185/65 وكنت بفكر اركب المقاس 15/195/65 المقاسين موجودين على القايم بتاع العربية بس محتار فى الأنواع انا عارف وبسمع ان البريدجستون احسن حاجة بس بصراحة غالى اوى انا بدور على حاجة ما تزدتش عن 550 جنيه للفردة هقولكو انا بفكر فى ايه او كنت هشترى ايه ولو حد عنده اقتراحات احسن يا ريت يفيدنى او لو حاجة من اللى فكرت فيها كويسة برضو فيدونى
1- دانلوب المانى 15/195/65 ولقيت سعرها 525 جنيه (كويس ولا فيه سعر احسن)
2- كونتنتال المانى 15/195/65 كان سعرها 550 جنيه
الدانلوب ولا الكونتنتال احسن ولا فيه حاجة احسن انا المهم عندى اوى موضوع الثبات والصوت والفرامل ولو فردة ناعمة يبقى طبعا كويس
انا مركب الهانكوك معقدانى فى حياتى صوتها عالى فراملها زفت وناشفة وما كملتش 30000 كيلو والاربع فرد بيودعوا خلاص.
مش هوصيكو بأى رأى او مشورة ومعلش يا ريت قبل ما انزل اشترى