سؤال الموسم تكييف شارب ولا ال جى

**topfield** · 24-05-2013 07:27 PM

انا اشتريت جهاز كاريير بقاله ٣ سنوات للحاجة والدتي
جهاز ٤ حصان n3 والجهاز الصراحة ١٠٠٪ تمام زي الفل مكيف الاستقبال
علي درجة٢٦ واحيانا ٢٧ او ٢٨ والله زي ما بقولكم والجو جميل وصوته
خافت واداؤه راقي جدا جدا
اما في شقتي انا فقد عثرت علي جهاز باور ٥ حصان من بتوع زمان بس
الجهاز زيرو بالبلاستيك بتاعه امريكاني اصلي ودايرة الكنترول والريموت
ياباني اصلي كومبريسور usa الاستقبال عندي ٤٠ متر وفتوح علي السفرة
والمطبخ يعني كمان ٢٠ متر الجهاز مكيف المساحة كلها وبسم الله ما شاء الله بيفصل
ويشتغل تمام بس انا بخليه علي ٢٥ درجة
الجهاز الكاريير تصنيعه وتأفيله في مصر الان اتغير عن تلات اربع سنين
ولا الكاريير قاعد زي ماهو بنفس كفائته واداؤه المعرووف عن كاريير

**hazemhany** · 25-05-2013 10:49 AM

المشاركة الأصلية كتبت بواسطة abou-yahia

سؤال علي جنب للخبراء

هو تشغيل التكييف علي نظام dry بيستهلك كهرباء اقل من نظام cool

وشكرا

بيستهلك اقل بس مش بمقدار كبير عشان كل الأختلاف بين وضع ال Cool وال Dry هو سرعة المروحة الداخلية ..في وضع ال Dry بتكون المروحة ع اقل سرعة عشان تدي الهوا وقت اطول يقضيه ع الكويل وبالتالي يكثف اكبر كمية من المياه فيه وبالتالي يطلع الهوا جاف اكتر ..اما في وضع الكول انت بتقدر تغير سرعات المروحة بمزاجك وبناءا عليه ممكن تشغل ع الهاي اللي بتخلي الموتور يستهلك امبير اكتر ...بس في كل الأحوال الفرق ضعيف جدا عشان شغل الكباس في الحالتين واحد وهوا ده اللي بيستهلك حوالي 80% من اجمالي استهلاك الجهاز للكهرباء

**abou-yahia** · 25-05-2013 02:50 PM

المشاركة الأصلية كتبت بواسطة hazemhany

بيستهلك اقل بس مش بمقدار كبير عشان كل الأختلاف بين وضع ال cool وال dry هو سرعة المروحة الداخلية ..في وضع ال dry بتكون المروحة ع اقل سرعة عشان تدي الهوا وقت اطول يقضيه ع الكويل وبالتالي يكثف اكبر كمية من المياه فيه وبالتالي يطلع الهوا جاف اكتر ..اما في وضع الكول انت بتقدر تغير سرعات المروحة بمزاجك وبناءا عليه ممكن تشغل ع الهاي اللي بتخلي الموتور يستهلك امبير اكتر ...بس في كل الأحوال الفرق ضعيف جدا عشان شغل الكباس في الحالتين واحد وهوا ده اللي بيستهلك حوالي 80% من اجمالي استهلاك الجهاز للكهرباء

لك جزيل الشكر

فعلا لاحظت ان المروحه سرعتها شبه ثابته

بس فترات تشغيل الكباس طولت عن بعضها

**hazemhany** · 26-05-2013 09:17 PM

المشاركة الأصلية كتبت بواسطة msspower

كل الاخوة الاعضاء يقولوا انطباعاتهم كمستخدمين ياريت حد يعملنا مقارنة فنية بالمواصفات
انا كنت في شركة تكييف حالا وبيحاولوا يقنعوني ان lg حاليا افضل من شارب وانه تجميع سعودي والكباس بتاعه احسن لكن الصراحة محتار ومش عارف اوصل لموقع يوضح المواصفات التفصيليلة فضلا عن اني اخدت رقم الموديل ودخلت علي موقع ال جي ولم اجد هذا الموديل كلمت الخط الساخن وسالته علي الصيانة وقطع الغيار والوكلاء قالي كل حاجة متوفرة انت بس تكلمنا واحنا هنبعتلك اقرب مركز صيانة لحضرتك فقلتله قوللي علي اسمهم بطلوع الروح قاللي علي اسمين الله اعلم في حد بالسم ده ولا لا
وهنا السؤال ايهما افضل وايه نوع الكمبريسور وتوافر قطع الغيار
شارب
ال جي
كاريير
فريش

اولا متاخدش بكلام اي موزع مهما كان لأن هوا بيحاول يقنعك بأكتر ماركة هوا مستفيد من بيعها بخصم من الشركة الموزعة له او عمولة ...ثانيا من حيث قطع الغيار والصيانة كاريير رقم واحد ودي مش محتاجة كلام لأنها شركة بقالها اكتر من 30 سنة في السوق وبتصين كل الأجهزة اللي منتجاها طول السنين دي زائد ان مصنعهم هنا في مصر فأكيد اكيد قطع الغيار متوفرة بكثرة عكس lg ابن امبارح ده واللي اصلا بلد التصنيع بتاعه مش هنا ..

**msspower** · 27-05-2013 01:52 PM

طيب حد يعرف حاجة عن يورك مين الوكيل بتاعه ومراكز الخدمة وقطع الغيار

**mhanafy** · 29-08-2013 04:57 AM

المشاركة الأصلية كتبت بواسطة devil_storm

انا اشتريت شارب و هاريني طقطقه طول الليل!!! البلستيك عمال يطقطق و بيخليني مش عارف انام ... حد عنده المشكله دي؟؟؟
كان عندي قبله كاريير عمره ما طقطق كده!!!

دى مشكلة عامة فى شارب 2.25 و 3 حصان. الشركة مش عارفة تحلهاز أنا بدلت الوحدة الداخلية 4 مرات وبردو نفس المشكلة بتاعة الطقطقة دى.

**lonedoctor** · 29-08-2013 10:42 AM

المشاركة الأصلية كتبت بواسطة abo-berry

بعد اذن صاحب الموضوع , هل شارب افضل من يونيون اير ولا لا ؟؟؟؟

يونيون اير اسوء مكيف فى السوق المصرى فاحذر منه
انا راييى كارير افضل عن تجربة
يمكنك المقارنة بنفسك اذا كان لديك بعض الاصدقاء او الجيران لديهم مكيفات من انواع متعددة بنفس القوة فتختار على بينة واقتناع
والله يوفقك للافضل
تقبل تحياتى

**شريف** · 29-08-2013 12:54 PM

متابع

**Mohamed_Hamid** · 29-08-2013 01:02 PM

انا معايا شارب 2,25 بارد بلازما.. ماشاء الله لا قوة الا بالله .. ممتاز جدا وصوته هادى وتبريده حلو.. بالنسبة لموضوع الطقطقة ده فعلا موجود اول ما اشغل الجهاز وبعد كدة كل ساعة مثلا يقوم عامل صوت طقطقة كدة بس مش مزعجة يعنى انت مش بتاخد بالك وانت نايم اصلا