الموضوع: كلام مهم جدا فى الماتريكس و الهيونداى عامة

اليوم وصلت سيارتى الماتريكس الى ال 100,000 كيلو خلال 6 سنوات و قد كنت أقرأ من فترة كبيرة التعليمات من هذا المنتدى و النصائح التى يجب ان اتبعها منذ ان اشتريت السيارة
و لكن للاسف الشديد مع التجربة اتضح ان هذه المعلومات غير دقيقة و ما هى الا من مستخدمين عاديين ليسوا خبرة فى شىء
و للاسف مازال الوضع قائم حتى الان و مازلت اجد نصائح ليس لها علاقة بالواقع و من يتبعها سيخسر كثيرا

و على سبيل المثال
كلما دخل مالك سيارة هيونداى جديدة لطلب نصيحة يبدأ الناس هنا فى المنتدى بنصحه بالتمسك بالتوكيل و المحافظة على الصيانة الدورية به و شراء قطع الغيار الاصلية منه .

و للاسف انا وقعت فى هذا الكلام من قبل و تمسكت بالصيانة الدورية بالتوكيل الى ان تخطيت صيانة ال 15,000
و بعد ذلك قررت ان ارحم نفسى و جيبى و سيارتى من البهدلة و الاستهبال و النصب فى التوكيل.

كل ما اروح التوكيل اتركن ساعتين تلاتة و ادفع مبلغ يعتبر كبير بالنسبة لصيانة دورية عادية
عشان فى الاخر يرجلش صامولة فرامل اليد و صامولة دواسة الفرامل و اكتشف بعد كدة ان السيارة تقيلة بسبب الرجلاش العشوائى
او حدث بها مشاكل اخرى يعنى ممكن الاقى السنتر فيه مشكلة رغم انى داخل به سليم
او اخدوا فرشة الشنطة و فرشوها على الارض و وبها هباب
او اقولهم على ملحوظة و يخدوك على اد عقلك و تخرج السيارة كما هى .
و مرة ضيعوا مفتاح الانذار و طلبوا من اجيب واحد غيره من عند محل تبعهم فى مصر الجديدة و انا فى ابو رواش .
و مرة اتخلع اسم هيونداى من على باب الشنطة و يقولك ثمنه 50 جنية و كأنها قطعة غيرا اصلية لا يوجد مثيل لها مع انها المفروض تكون ببلاش او بمبلغ رمزى لانها دعاية للشركة!!!!!
استهبال فى استهبال و سرقة علنى و للاسف احنا اللى اديناهم الفرصة
المهم
قررت الا اعمل صيانة دورية بعد صيانة ال 15,000و سيبك من موضوع سقوط الضمان و الكلام الاونطة اللى بيضحكوا بيه على اصحاب الهيونداى لانهم مسؤولين قانونا عن الضمان امامك و امام جهاز حماية المستهلك و احد اصدقائى معاه فيرنا و ابتعد عنهم مثلى و كان عنده مشكلة و عملها داخل الضمان و لكن بسياسة الصوت العالى الرائجة عندهم .

و انا اليوم وصلت 100 الف و لا رجلشت فرامل يد و لا دواسة فرامل و لا ربطت عفشة و لا روحت التوكيل و السيارة ماشاء الله زى الجديدة و مسطرة على الطريق .
و لا يوجد بها اى مشاكل تذكر بعد ان بعدت عنهم
و كل اللى عملته فقط فى السيارة منذ ان تركتهم الاتى:
غيرت تيل فرامل بنوع محترم جدا و ب 60 جنية فقط خارج التوكيل
بوجيهات
فلتر بنزين
فلتر هواء
سير كاتينة اصلى و بلية و كل السيور بالمصنعية 600 جنية فى حين ان التوكيل بياخد 1000

طبعا فى وفر كبير فى كل شىء و كفاية انك وفرت فلوس الصيانة الاونطة الدورية كل هذه الفترة و رحمت نفسك من ضياع الوقت و الانتظار فى التوكيل
و حافظت على سيارتك من مافيا التوكيل .
و مش عايز حد يرجع يفتى تانى و يقولى اصل التوكيل هو الاساس و احسن و الكلام اللى بيخسر معظم ملاك هيونداى

لان الصيانة اللى عملتها خارج التوكيل مش افتكاسة و لا محتاجة توكيل اساسا و اوفر منه بكتير جدا

و لكن انا عاذر الناس اللى مش عارفة او مش فهم الموضوع ماشى ازاى لانها بتروح التوكيل عشان خايفة على السيارة
ولكن اللى فاهم كويس هو اللى بيخاف اصلا على السيارة من التوكيل و خاصة توكيل هيونداى.

ما شاء الله
ربنا يبارك