الكاوتش اتخرم من الجنب اعمل فيه ايه؟؟

**cobraa2008** · 16-08-2008 06:56 PM

السلام عليكم ازيكم

انا النهاردة وانا نازل الصبح لقيت الفردة اللي قدام على الجنط المهم غيرتها ورحت مشاوري

دلوقتي رحت للبتاع الكاوتش لقيت
ايه

الخرم في الجنبببببببب ايوة في جنب الكاتوش ومن جوه كمان

المهم انا عايز الكاوتش يبقى تيوبلس موش عادي

المهم الراجل قلي انا هاعملك لزقة من جوه واركبلك شنبر

والكلام ده ب45 جنيه دون شغل ايده

المهم انا موش عايز شنبر انا عايزه كاوتشي

يبقى تيوبلس اعمل ايه

ولو ممكن اسعار الكاوتشات اللي مقاسها 13/175/70 يبقى سعره كام

والانواع اللي بفكر فيها
1- كومهو
2- gt
3- بردجستون
4- بيرللي
5- يوكاهما
6- ميشلان

وانا اسف اذا طولت عليكم

**sab3aawy** · 17-08-2008 10:05 AM

الأسعار من 200 الى 250 للفردة فى معظم الماركات اللى انت كاتبها، بس مينفعش تركب فردتين مختلفين عن بعض على محور عرضى واحد، لذلك لو هتشترى لازم تشترى فردتين، او تجيب واحدة من نفس نوع اللى عندك ونفس الرسمة، كونك تلحم الفردة بتاعتك وتحطلها داخلى وتنقلها ورا، آمن من انك تركب فردتين مش زى بعض وخصوصا قدام وبالذات فى الملفات والفرملة

**aliabutaleb** · 17-08-2008 10:39 AM

وياريت متعملش اللحام غير في مكان موثوق منه زي برديجستون
انا عامل لحام لكاوتش مثقوب من الجنب برضة هناك
باستخدام اللاصق الالماني تيب توب
واتكلف 20 جنيه بس مش 45 زي ما اتقال لك

**Nasieem** · 17-08-2008 01:45 PM

نفس المشكلة برده بس كان الخرم صغير وقالى هعملهوللك والعربية واقفة زى ما هيا جاب حاجه زى عمود الشمع لونه بنى وملزق اوى ودخل عمود الشمع مكان الخرم بطريقته بحاجة زى المفك والكاوتش معايا زى الفل من ساعتها ع فكرة خاد ف الموضوع ده مبلغ مش بطال 3 جنيه بس

**cobraa2008** · 17-08-2008 07:21 PM

ما انا رحت والخرم كبير حبتين المهم انا عاملته وركبت تيب توب وحطيت شنبر داخللي علشان الخرم ماكنش ينفع بالخابور او بمعنى اصح الكفر جنابه مشققة وموش هايستحمل الخابور فاده افضل حل

المهم متشكر ليكم وانا كنت ياسل علشان احتمال اغير قريب فقلت اخد فكرة عن السعر اقبل ماانزل

بس