سؤال بخصوص السفر فى فترة التليين

**matantawy** · 02-05-2013 01:21 AM

انا حاليا فى فترة تليين الrb بتاعتى، عاملة حوالى 520 km دلوقتى، و لسه حوالى 80 km يوم المقابلة فى الرحاب يعنى هتقفل 600

و احتمال اسافر انا و واحد صاحبى 3 ايام اسكندرية، ف ينفع اسافر بيها؟ علما بإنى كده هعمل صيانة ال1000 مش قبل 1300 او 1200 مثلا :(

لو سافرت بيها هلتزم بنصايح التليين اللى هي rpm لا يتعدى 3000 و محرقش بالموتور و مفرملش فجأة و مش هبقى محمل كتير لأننا هنبقى اتنين بس و شنط 3 ايام يعنى مفيش تحميل على العربية

بس اكيييييد هعدى ال1000 بشوية

ف ايه رأيكوا؟ هل السفر ده غلط على العربية فى فترة التليين؟ و هل تأخر صيانة ال1000 ل 200 او 300 كيلو فيه مشكلة؟

**YHYAKOTB** · 02-05-2013 01:25 AM

اعتقد ان التليين على طريق سفر احسن يعنى متقلقش طبق الى انتا قولتة واتوكل على الله

**khaabas** · 02-05-2013 01:26 AM

سافر عادى وخليك على 80 - 90
المهم الار بى ام ميعديش 3
واعمل صيانة الالف فى اى مركز معتمد فى اسكندرية دى زيت وفلتر بس

**Ashraf_Ibrahim** · 02-05-2013 02:26 AM

توكل على الله
تروح وترجع بالسلامة ولا تقلق دا أفضل للعربية كمان بس متثبتش على سرعة واحدة فترة طويلة يعني تطلع شوية وتنزل شوية وكدة يعني وسرعتك تكون 90/100 حاول متزودش عن كدة
بس ايا ما كان المهم ان الار بي ام ميزيدش عن 3 :]
بالتوفيق ان شاء الله

**Land_Cruiser** · 02-05-2013 02:51 AM

المشاركة الأصلية كتبت بواسطة khaabas

سافر عادى وخليك على 80 - 90
المهم الار بى ام ميعديش 3
واعمل صيانة الالف فى اى مركز معتمد فى اسكندرية دى زيت وفلتر بس

+1
ده حل كويس قوي بس ما تنساش تاخد دفتر الضمان معاك

**Samir Elshahawy** · 02-05-2013 10:40 AM

مافيش أي مشكلة , حضرتك أستمتع بعربيتك عادي جدا خلال فترة التليين و سافر و شغل التكييف و أعمل كل اللي نفسك فيه بس ماتعديش ال 3,000 rpm و ماتحرقش علي الموتور و ماتفرملش جامد

و بالنسبة لو عديت 200 أو 300 كم مافيش مشكلة , انا شخصيا ا|ستلمت العربية (ألنترا md 2012) يوم 15 سبتمبر 2011 و في نفس اليوم طلعت بيها مدينة بدر و تاني يوم طلعت سفرية طويلة (بورسعيد - دمياط) و العودة تاني يوم و بعدها بكام يوم أخدت الاولاد في أجازة و سافرنا أسكندرية و علي مارجعت كنت عامل 2,000 كم مش بس 1,000 كم

ماتقلقش خالص

**matantawy** · 02-05-2013 11:40 AM

طمنتوني :D
هاخد بالى من الRPM و الحرق و الفرامل ان شاء الله و اكيد مفيش حاجة اسمها سرعة ثابتة فى مصر :D
الصيانة ان شاء الله هعملها فى العبور اما ارجع لأنى برتاح فيه لحد دلوقتى بعد صيانتين للi10 فيه و ربنا ما يحوجنا ليه فى حاجة بره الصيانة الدورية

**Samir Elshahawy** · 02-05-2013 11:52 AM

المشاركة الأصلية كتبت بواسطة matantawy

طمنتوني :d
هاخد بالى من الrpm و الحرق و الفرامل ان شاء الله و اكيد مفيش حاجة اسمها سرعة ثابتة فى مصر :d
الصيانة ان شاء الله هعملها فى العبور اما ارجع لأنى برتاح فيه لحد دلوقتى بعد صيانتين للi10 فيه و ربنا ما يحوجنا ليه فى حاجة بره الصيانة الدورية

ماهو في فترة التليين مش المفروض أنك تمشي بسرعة ثابته لفترات طويلة
يعني المفروض تمشي شوية 90 و شوية 100 و شوية 110 و بعدين تبدأ تنزل تاني

و كمان لو تقدر جرب السيبترونيك بس نصيحة جربه قرب ال 1,000 كم أو بعد ال 1,000 علشان ماتغلطش و ترفع الار بي أم من غير ماتقصد زي ماحصل معايا و لاقيته عدي ال 4,000 لفة دقيقة

و أن شاء الله نتقابل في الرحاب بكرة و أقولك شوية نصايح مهمة تعملها أثناء السفر بالعربية الجديدة

**matantawy** · 02-05-2013 12:03 PM

المشاركة الأصلية كتبت بواسطة samir elshahawy

ماهو في فترة التليين مش المفروض أنك تمشي بسرعة ثابته لفترات طويلة
يعني المفروض تمشي شوية 90 و شوية 100 و شوية 110 و بعدين تبدأ تنزل تاني

و كمان لو تقدر جرب السيبترونيك بس نصيحة جربه قرب ال 1,000 كم أو بعد ال 1,000 علشان ماتغلطش و ترفع الار بي أم من غير ماتقصد زي ماحصل معايا و لاقيته عدي ال 4,000 لفة دقيقة

و أن شاء الله نتقابل في الرحاب بكرة و أقولك شوية نصايح مهمة تعملها أثناء السفر بالعربية الجديدة

انا فاهم نقطة عدم السير بسرعة ثابتة، و كان قصدى انى حتى لو عاوز امشى على سرعة ثابتة مش هعرف فى مصرنا الحلوة
بصراحة معرفتش امسك ايدى و جربت السيبترونيك :d
و غدا لنا لقاء ان شاء الله