خطوات شراء سيارة اوبل من توكيل منصور

بعد استخارة الله عز وجل
يتم الذهاب الي معارض منصور ( وكيل اوبل ) ويتم حجز السيارة وتحديد اللون والفئة
وسيقوم الموظف باخد البطاقة الشخصية وتصويرها ويكتب علي الصورة رقم موبايلك ولون العربية وفئتها ورقم الشاسية
ثم تقوم بدفع دفعة الحجز وهي 20,000 جنية
لازم تكون عشرين الف عشان يبعت الاوردر اللي يجيب العربية
لو دفعت خمسة موظف الخزنة مش هيقولك حاجة وهيديك طبعا ايصال استلام المبلغ بس موظف الحجز مش هيبعت الاوردر بتاع العربية وهيقولك لازم تدفع عشريين
المهم بعد دفع العشرين هيديك نسخة ورقة كربون فيها تفاصيل العربية هتمضي عليها وهيمضيك علي اقرار بعدم الرجوع لمنصور قانونيا بس مش عارف اية فايدته
وفي خلال 4 او 5 ايام هيتصل بيك الموظف يقولك تعالي استلم العربية
ومش هيسلمك العربية الا لما تدفع باقي المبلغ
المهم قبل ماتمضي علي اي حاجة هتشيك علي العربية كلة تمام الحمد لله
تروح تختم كتالوج العربية وتمضي علي ورق كربون اللي فية بيانات العربية وتمضي علي نموذج ارضاء العميل وتمضي علي اقرار باستلام العربية ان العربية تمام
وهيسلمك فاتورة البيع ومبايعة من منصور اليك ومبايعة من شركة مانترا للسيارات الي منصور والافراج الجمركي
والف مبروك عليكم السيارة :wink:
وحفظنا الله وحفظ سياراتنا وحفظ مصر من كل سوء