صيانة الف كيلو للكيا ريو الخليجي في اﻻسكنرية

**Dentist800** · 02-05-2013 06:30 AM

مساء او صباح الفل
ان شاء الله هتم 1000 كيلو في الريو سيدان الخليجي
السؤال هو انا من اسكندرية و شاري ضمان تريبل ايه
اعمل الصيانه فين؟
هيعملو ايه في الصيانه؟
المبلغ المدفوع مقابل الصيانه؟

واشكركم

**ahmedwagdy03** · 02-05-2013 09:26 AM

صباح الفل
الصيانة مالهاش علاقة بالضمان . التوكيل حيعملك الصيانة اللى إنت عايزها حتى لو خليجى المهم حتدفع و أسعار التوكيل ثابتة على الكل بس حراقة جدا (و مش عارف ليه )
المهم عندل الآتى :
1 توكيل الصحراوى عند الكيلو 26 تقريبا عند أوبل و ده الرئيسى
2 توكيل سموحة تخلى حديقة الحيوانات على يمينك و تعدى الكوبرى و تكمل حتلاقيه ع الشمال
3 طارق إسماعيل عامل توكيل فى سكة المنشية الجديدة بس بصراحة مجربتوش

اللى يهمك إن التوكيلات كلها زحمة و أنصحك تسلم العربية و تروح تقضى مصالحك و ترجع بعد الساعة 2 تستلمها

أرقام التوكيلات 19542 ودة مجانى لكل الفروع أما سموحة معاك برضه 01003437464 هم بينصحوا إنك تتصل تحجز معاد بس الكلام ده ما بيمشيش عمليا

المهم الريو عاملة إيه بالنسبة للعفشة و إنها واطية من الأرض و سحبها شكله إيه

**zicooo2008** · 02-05-2013 10:06 AM

الاخ الكريم السلام عليكم ورحمة الله وبركاته
اولا مبروك عليك السيارة اعطاك الله تعالى خيرها و كفاك شرها و اعقبال صيانة المليون ان شاء الله تعالى
ثانيا خليك فى التوكيل او احد الفروع الخاصة به .
- احجز قبل ما تروح بيومين
- اسال على تكاليف الصيانة و هى هتكون حوالى 350 جنيه و ما يزيد حاجة بسيطة واتاكد قبل ما تروح و ياريت الميعاد يكون بدرى هما بيبتدو شغل من 8.5 الى 4.5 و دى مواعيد الحجز و خلى بالك انك لو حجزت الساعة 9 صباحا امامك نصف ساعة لاحتفاظ بالحجز و الا سوف يلغى
- احتفظ برقم الحجز المعطى لك عن طريق مركز خدمة العملاء لان العلربية بتخش بيه .
و الله المستعان و هو تعالى ولى التوفيق

**Dentist800** · 03-05-2013 12:27 AM

المشاركة الأصلية كتبت بواسطة ahmedwagdy03

صباح الفل
الصيانة مالهاش علاقة بالضمان . التوكيل حيعملك الصيانة اللى إنت عايزها حتى لو خليجى المهم حتدفع و أسعار التوكيل ثابتة على الكل بس حراقة جدا (و مش عارف ليه )
المهم عندل الآتى :
1 توكيل الصحراوى عند الكيلو 26 تقريبا عند أوبل و ده الرئيسى
2 توكيل سموحة تخلى حديقة الحيوانات على يمينك و تعدى الكوبرى و تكمل حتلاقيه ع الشمال
3 طارق إسماعيل عامل توكيل فى سكة المنشية الجديدة بس بصراحة مجربتوش

اللى يهمك إن التوكيلات كلها زحمة و أنصحك تسلم العربية و تروح تقضى مصالحك و ترجع بعد الساعة 2 تستلمها

أرقام التوكيلات 19542 ودة مجانى لكل الفروع أما سموحة معاك برضه 01003437464 هم بينصحوا إنك تتصل تحجز معاد بس الكلام ده ما بيمشيش عمليا

المهم الريو عاملة إيه بالنسبة للعفشة و إنها واطية من الأرض و سحبها شكله إيه

اشكرك على الرد و ان شاء الله هروح بتاع سموحه و هكلمهم قبل ما هروح
بالنسبه للعربيه و بصراحه
اولا العفشه تحفه ......العربيه بتاكل المطبات
ثانيا العربيه مش واطيه خالص حتى لما راكبت خمسه و سته في العربيه
ثالثا نيجي بقى للسحب .....بصراحه انا كان معايا اوبترا قبل الريو ......الفرق كبير اوي للاوبترا .....طبعا انا عارف موضوع ١٦٠٠ و ١٤٠٠ بس برضه مش كده يعني........... قالولي ان مواتير الكيا و الهيونداي كده و تجمعها مش سريع .........المهم الخلاصه ان من الصفر لل ستين التجميع بطيء ......بعد كده كويس و الثبات ممتاز و الدركسيون بيتقل كل ما تزيد السرعه....

يا رب اكون جوابت على اسفساراتك

**Dentist800** · 03-05-2013 12:28 AM

المشاركة الأصلية كتبت بواسطة zicooo2008

الاخ الكريم السلام عليكم ورحمة الله وبركاته
اولا مبروك عليك السيارة اعطاك الله تعالى خيرها و كفاك شرها و اعقبال صيانة المليون ان شاء الله تعالى
ثانيا خليك فى التوكيل او احد الفروع الخاصة به .
- احجز قبل ما تروح بيومين
- اسال على تكاليف الصيانة و هى هتكون حوالى 350 جنيه و ما يزيد حاجة بسيطة واتاكد قبل ما تروح و ياريت الميعاد يكون بدرى هما بيبتدو شغل من 8.5 الى 4.5 و دى مواعيد الحجز و خلى بالك انك لو حجزت الساعة 9 صباحا امامك نصف ساعة لاحتفاظ بالحجز و الا سوف يلغى
- احتفظ برقم الحجز المعطى لك عن طريق مركز خدمة العملاء لان العلربية بتخش بيه .
و الله المستعان و هو تعالى ولى التوفيق

اشكرك على الرد بس هو ايه لزمة بقى ضمان تريبل ايه اللي انا اشتريته ده ؟؟؟؟؟؟؟