عرض للطباعة
ما رأيكم فى نمط الشخصيه المتكرر التى يمثلها محمد سعد ( اللمبى ) فى كل افلامه
طبعاً انا بتكلم على الشخصيات اللى بيمثلها مش عليه كشخص حتى لا اكون ممن يسخر من شخص واحاسب من الله على هذا الموضوع
ولكن بعد اعلان فيلم تتح بصراحه انا شايف ان محمد سعد دخل على ال 50 مثلا مش معقوله هيفضل طول عمره يمثل دور العبيط ويكرره فى كل افلامه
معندوش جديد يعمله
فلوس بتيجى بالشكل دا وملايين وناس بتتفرج ........ يعنى هيقعد طول عمره كدا مش ملايين داخله وناس اسف فى الكلمه ( ساذجه ) بتدفع فلوس
شفت لة ادوار فى بداية تمثيلة و كان متميز بجد بس موش عارف اية الهبل الذى بيعملة دة موش بأحب افلامة خالص ولا تمثيلة
محمد سعد ده ممثل موهوب جداً وممكن جداً يكون من عظماء التمثيل لو هو حابب
بس هو للأسف عرف من أين تؤكل الكتف وعرف إن الهيافه والأفلام الهابطه هي اللي بتجيب فلوس وفضل إنه يكون كده على إنه يمثل أدوار هادفه. واللي زاد على كده إن في أخبار كتير إنه بقى إنسان مغرور وبيتحكم في المخرجين ويتدخل في شغلهم. من كام سنه كده الفيلم بتاعه تقريباً إتغير عليه 3 مخرجين.
بصراحه أنا نفسي أشوفه في دور شرير أعتقد هايكسر الدنيا
دى وجهة نظرى برده ...الشخصية اللى بدأ بيها البطولات كان كويس وجديد ... والناس حبتة ...اقتباس:
المشاركة الأصلية كتبت بواسطة dedi
بعد كده زودها شوية بسخافة ... ودمة بقة تقيل لما زودها ... ويحول فى عنية ويتنطط ويشد فى بوقة ... وحاجة تقطع القلب
ولو رجعنا لاسماعيل ياسين هانلاقى ان كل ادوارة شخصية واحده ( السازج الغبى الطيب ) وكان ناجح فى افلامة كلها ... اللى محمد سعد لو اطنطط مش هايعمل العدد اللى عاملة اسماعيل ياسين *
بكره الشخص اللي بيضحكني بشكله وحركاته لان دي هيافه...
جيم كاري بكرهه لنفس الموضوع ومنكرش ان جيم كاري عنده حاجات متميزه...
تحياتي
بكره الشخص اللي بيضحكني بشكله وحركاته لان دي هيافه...
جيم كاري بكرهه لنفس الموضوع ومنكرش ان جيم كاري عنده حاجات متميزه...
تحياتي
للاسف المخرجين بيحاولوا يحطوا دائما الممثل في إطار الشخصيه اللي نجح في أداؤها مره اعتمادا علي النجاح المضمون وبيقيسوا المكسب بناء علي إيرادات شباك التذاكر و مع الازمه الاقتصاديه الحاليه و قله عدد الافلام مش هيلاقي قدامه حل غير انه يوافق بس طبعا هيدفع الثمن لأن الناس هتبدأ تزهق منه و تبقي متوقعه الكلام اللي هيقوله
الشيئ الزايد عن حده بيقلب ضده
استحالة ادفع مليم فى فيلم لمحمد سعد.
دي أفلام مصلحة ياشباب
اي كلام في اي حته .. هوبا فيلم..هوبا اعلانات..هوبا فلوس
والمصلحة خلصت على كده
ماحدش يستنى اي نوع من الفن او الاهداف في افلامنا طول مالشباب بتروح السينما علشان يقعد في ركن ضلمة و يكلم (الحته) في موضوع سر
ههههههههههههههههههه
افلام مصر كلها في البلالا
انا مابسمعش افلام عربي نهائي
الا لو بالصدفة
اجنبي ..امريكي تحديدا وبس
كمثال نكتة تكرر يوميا
فطبيعي اننا منضحكش فرأي ..
سوبر هيافة
للاسف ياجماعة ان المنتج وهو عائلة السبكى هى التى تتحكم
يعنى عاوزة تستغل نجاح شخصية معينه وتكررها الف مره وتتحكم
فى المخرج والابطال وكمان الكاست المساعد وكل اللى حواليهم عشان
حاجة وحده هى المكسب السريع وتلاقيهم دايما منزلين افلامهم فى الاعياد والمناسبات
عشان بعض الناس "اطفال وشباب وكبار"تفكرهم الاول فى الاجازات والاعياد والمناسبات دخول السينما
عشان كده هما بيكلفوا الافلام بتاعتهم 3 مليم على بطل على مغنى او مغنية شعبى وشويه اغانى وهيصه وطبل وزمر وشوية ضرب ووقاحه واباحه ...... يعنى كوكتيل