اليوم افتتاح محور سعد الشاذلى وتوسعة جوزيف تيتو

اليوم افتتاح محور سعد الشاذلى وتوسعة جوزيف تيتو


http://nileup.com/up/watermark.php?s...825771.jpg&p=c

يفتتح الرئيس مرسي والفريق أول السيسي اليوم محور الفريق سعد الشاذلي
الذي يربط الطريق الدائري بطريق القاهرة الإسماعيلية الصحراوي
بطول 5 كم وبعرض 3 حارات مرورية في كل اتجاه
والذي يقضي نهائيا علي الاختناق المروري في المسافة من سوق العبور وحتى كوبري الحرفيين
وقد تم مراعاة ان يكون الطريق حرا فى تصميم المحور
الذي استغرق بناؤه ثلاثة أشهر فقط
خاليا من التقاطعات السطحية وذلك من خلال إنشاء كوبري الفريق سعد الشاذلى
بطول 1107 متر وعرض 13.9متر
لنقل الحركة المرورية من والي المحور
اعلي خط سكة حديد القاهرة السويس دون المرور بالمزلقان
وإقامة نفق أسفل الطريق الدائري بطول 65 متر وعرض 27 متر وبارتفاع 6.5 متر .

و قام الرئيس بافتتاح أعمال التوسعة والتطوير لطريق جوزيف تيتو
في المنطقة المحصورة من كوبري الحرفيين حتى الطريق الدائري
ليتكامل مع محور الفريق الشاذلي لمنع الازدحام المروري حتى الكلية الحربية
حيث تم نقل شبكات المرافق وتوسعة الطريق ليصبح بعرض 25 متر
وتم تقسيم الطريق لاتجاهين وإنشاء الدورانات وحارات التباطؤ والتسارع
وعمل تخطيط سطحي للطريق بطول 8 كم
وإقامة الأسوار والحواجز الخراسانية وأعمدة الإنارة لتحقيق متطلبات الأمن علي الطريق .

ما شاء الله

يارب يبارك فيهم ويكتر من مجهوداتهم وافتتاحاتهم

تحياتي

شكرا للرئاسة والحكومة

طب ما احنا كويسين اهو و بنعرف نفكر
اومال العطله كانت فين بس

اخيراااااااا
و يا ريت لو حد استخدمه بالفعل ياكد لاني بقالي كام بوم مبروحش الشغل و عايز اتاكد

اقتباس:

---

المشاركة الأصلية كتبت بواسطة egyption2012

شكرا للرئاسة والحكومة

---

الاوقع ان حضرتك تشكر للقوات المسلحه
هي اللي تكفلت بعمل الطريق ده

كان فيه فيديو احد الاخوة حطه من فترة بيوضح مشاريع ومحاور الجيش الجديدة - لو حد يتذكر اسم الموضوع ياريت يفيدني بيه

انا استخدمته رااااائع بكل المقاييس 3 دقايق من مطلع الكوبرى ع طريق الاسماعلية الصحراوى لحد النفق عالدايرى الطريق حلو بس تحسه لسه فاضى يمكن عشان ما اتعرفش لسه او الناس ماجزة و الحركة قليلة

الطريق رااااائع فى خلال 3 دقايق من طريق الاسماعيليه بتبقى على الدائري بس هو عيبه فى ملفات خطره لازم يكون الواحد سواقته هاديه عليه وربنا يبعد عنه بتوع الميكروباصات لأنى واثق انهم حيعملوا كوارث عليه

مش دا الطريق الدائري اللي بيوصل بين الدائري ومدينة العبور ؟؟؟

الله عليك يا جيش مصر

هو شكرا للقوات المسلحه اللي عملته بمجهدها و فلوسها في تلات شهور
مش الدائري اللي بقلهم في سبع سنين مش عرفين يخلصوا شوية فواصل

اخدته النهارده و انا رايح العبور
و ان شاء الله هرجع منه

الطريق رااااائع و معمول بنظافه كعادة طرق الجيش
و اليفط كبيرة و واضحه و بتراعي المسافات كويس جدا
بس كنت اتمني منع النقل التقيل من استخدامه لانه هيتهلك منهم
و اهو نستريح منهم شويه

الغريب ان كان في لجنه اوله تحت كوبري الحرفيين
معرفش كانوا بيعملوا ايه بالظبط بس كانوا موقفين الدنيا و عاملين زحمة علي الفاضي

شكرا للقوات المسلحه و كل القائمين علي المشروع ده

بكون مبسوط جدا من طرق الجيش .
ياريتهم يمسكوا طرق البلد كلها .

جربت جوزيف تيتو . فين ايام زمان اما الواحد كان بيتفحت فية .

بصراحة طريق ممتاز ..

اخدته في طريق العوده لمدينه نصر
و كان زحمة شويتين لانهم قافلين مدخل طريق الاسماعليه من مخرج العبور فناس كتير متعرفش خدته اجباري
و زي ما قلت طريق رائع و حل ازمه كبييييره

و في النهايه احب اقول
الوداع يا موقف العاشر

يا جماله .....

يارب بس يفضل زى ماهو بس

فى انتظار ضبط باقى الطرق

انا كنت عليه امبارح بليل الساعه 10ونص و بجد يا جدعان مش هتصدقوا لما اقولكم انا واخد من طلعه محور سعد الشاذلى لحد دار الاشاره فى شارع الثوره 10 دقائق بالظبط والله العظيم مكنتش مصدق تخيلو الطريق اللى كنت باخد فيه نص ساعه فى نفس التوقيت 10 ونص بليل اخده فى 10 دقائق بجد الجيش دا ربنا يكرمه و بجد بيظبط البلد و الدنيا و اكتر حد نفسه البلد تتظبط قيادات الجيش

بصراحة طريق ممتاز ..
الف شكرا للجيش المصرى على الانجازات المذهلة
وبالاخص فى مجال الطرق
:biggrin2:

اقتباس:

---

المشاركة الأصلية كتبت بواسطة horas3000

اخيراااااااا
و يا ريت لو حد استخدمه بالفعل ياكد لاني بقالي كام بوم مبروحش الشغل و عايز اتاكد




الاوقع ان حضرتك تشكر للقوات المسلحه
هي اللي تكفلت بعمل الطريق ده

---

وانت المفروض تشكر الخباز لان هو اللى باعلك العيش

ما تشكرش الحكومة اللى بتدعم العيش

وتشكر المقاول اللى بنالك الكوبرى وما تشكرش الحكومة ولا الرئيس

وكذا فى جميع مرافق الدولة اتجاهل كل ما سبق واشكر اللى بيقدمى الخدمة فقط كأنه ساحر بيخلق الخدمة او السلعة وهو مكانه

اقتباس:

---

المشاركة الأصلية كتبت بواسطة al_manara

جربت جوزيف تيتو . فين ايام زمان اما الواحد كان بيتفحت فية .

---

وانا كمان جربته كتير

الطريق رائع وبيوفر كتير، شكرا للقوات المسلحة وللرئيس محمد مرسي (القائد الأعلى للقوات المسلحة)

الفيديو ده بتاع فيه الخطط اللي هيشتغلوا فيها القوات المسلحة الفترة الجاية لحل كثير من المشاكل المرورية، بصراحة شغل عالي قوي

[youtube]http://www.youtube.com/watch?v=G44_5FT55Ws[/youtube]

بجد مفييييييييييييييييييييييي يييييييد جدا وان شاء الله الى الأمام

وزير النقل والطرق والكبارى بيعمل ايه دلوقتى

اكيد بتفرج فى التليفزيون زينا على هذا الانجاز

ربنا يحميه

الاوقع ان حضرتك تشكر للقوات المسلحه
هي اللي تكفلت بعمل الطريق ده


+1+1+1+1+1

اقتباس:

---

المشاركة الأصلية كتبت بواسطة wael30003

وانت المفروض تشكر الخباز لان هو اللى باعلك العيش

ما تشكرش الحكومة اللى بتدعم العيش

وتشكر المقاول اللى بنالك الكوبرى وما تشكرش الحكومة ولا الرئيس

وكذا فى جميع مرافق الدولة اتجاهل كل ما سبق واشكر اللى بيقدمى الخدمة فقط كأنه ساحر بيخلق الخدمة او السلعة وهو مكانه

---

و مشكرهمش ليه
كل حد بيعملي خدمة يستحق الشكر

و انا علي حد علمي المشروع ده القوات المسلحه متكفله بيه بالكامل
و لم يتم ذكرهم
فوجب التنويه

اقتباس:

---

المشاركة الأصلية كتبت بواسطة horas3000

و مشكرهمش ليه
كل حد بيعملي خدمة يستحق الشكر

و انا علي حد علمي المشروع ده القوات المسلحه متكفله بيه بالكامل
و لم يتم ذكرهم
فوجب التنويه

---

عندك حق القوات المسلحه هيا اللى عاملاه من ميزانيتها ومن كام يوم كانو جايبين فى قناه المحور الراجل اللى مسئول عن الطرق والكبارى فى القوات المسلحه اللى هو زى وزير المرافق والمواصلات بس فى الحكومه المدنيه
وكان بيتكلم انهم بينفذو المشروعات بتاعته بالايام يعنى يقولك المشروع مدته 100 يوم مثلا مش بالشهور ولا السنين وده بيعتبر تحدى ليهم
وفى طريق هيتعمل للى جاى من موقف العاشر اتجاه الكليه الحربيه اللى هو طريق السندباد بس هيعملوله توسيع او طريق موازى يخلص شهر اكتوبر الجاى اللى هو اصلا لسه مابدأوش فيه فبصراحه بعد طريق اسيوط والسويس ماحدش بيعرف يعمل طرق غيرهم القوات المسلحه
بس انا ليا سؤال ليه الحكومه او رئيس الوزاره مابيخدش واحد زى المسئول عن القصه دى من القوات المسلحه ويعينه وزير للطرق والمواصلات اعتقد هيكون راجل عسكرى وحازم وافضل
النهضه اباده شعب

طريق جميل وجهد مشكور لقواتنا المسلحة وأبناء مصر اللى بيحبوا مصر

للاسف
مفيش فايده في الشعب ده
المخرج من مدينه العبور تم تعديله
و المخرج القديم بيطلع علي المحور اجباري
و تم عمل تعديل قبله بحوالي 500 متر للي عايز ياخد طريق الاسماعليه اتجاه القاهره
و في يافطة كبيييييره توضح ده
لكن نقول ايه في عمي البصر و البصيره
كله باخد المخرج العادي و يفاجئ انه لازم ياخد المحور اجباري
قوم يعملوا ايه يخرجوا عكسي في وش الناس اللي جايه تاخد المحور من طريق الاسماعليه
و ده طريق سريع يعني معدل سرعة اللي داخل علي المحور لا تقل عن 50-60 كم/س و يقوم يفاجي بشويه تيييت جايبن في وشه

في انتظار المصيبه
و حسبي الله و نعم الوكيل