شراء شاهين 1400 زيرو من معرض شيرين موتورز بشارع صلاح سالم خطوة خطوة

السعر 69500 جنيه مصري
مقدم الحجز 5000 جنيه دفعه اليوم صباحاً
إتفقنا على الإستلام في اليوم الثاني
المسئول بالمعرض إسمه أستاذ عمرو (أسمر البشرة وممتليء)
بعد العصر إتصل بي يخبرني بعدم وجود اللون المتفق عليه
ذهبت إليه بعدها بساعة وناقشته بهذا الأمر
وحاول إقناعي بلون آخر بالعافية
وعندما رفضت وأغلقت الإبتسامة وقلت له هات المقدم وخد الوصل
قام بتغيير رأيه في لحظة بأن اللون المطلوب سيكون جاهز غداً عصراً
فقلت له كيف وأنت أحضرتني من بيتي لأن اللون غير موجود
فقال إنه سيأتي به من شركة النصر ونستلم في نفس الميعاد غداً

الحقيقة أنا متضايق جداً وقلق من هذا الموقف الغريب
ربنا يسهل ونشوف الحل بكره

دعواتكم بالتوفيق
وبإذن الله نكمل غداً

ربنا معاك يا احمد
يا ريت تقولنا عن الاخبار
و يا تري فيه اي تعديلات او تحسينات بخصوص اخر دفعه من الشاهين؟؟

الخطوة الثانية والأخيرة:
الحمد لله إستلمت الساعة السابعة مساءاً ولكن بعد عدة مشاكل

- الأستاذ عمرو كلمني ظهراً وقالي شركة النصر هتتأخر لبكره فمعلش قلتله ماشي
- كلمتهع بعدها بعشر دقائق وقلتله أنا جايلك المعرض ولو مفيش عربية يبقى هاخد المقدم بتاعي
- على ما وصلتله المعرض في صلاح سالم عند الإستاد قالي السيارة قادمة في الطريق من مخازن شركة النصر مباشرة قلنا ماشي
- وبالفعل وصلت السيارة بعد عشر دقائق
- شيكنا عليها وببص على الإنجكشن لاقيته كربيراتير
- وقفت البيعة تاني وقلت لمدير المعرض عايز واحدة إنجكشن ولو مفيش يبقى هاخد فلوسي وأمشي
- الكل قعد يقنعني إنها كربيراتير وأنا أقلهم فين الحقن محدش عارف يرد
- كلمولي المهندس خالد مدير معرض شيرين كار وهو للأمانة رجل محترم في غير كبر بعض أصحاب المعراض
- ولم أقتنع فأخبرني أنه سيأتي إلي
- فأتى وإتصل لي بمدير كبير بشركة النصر للسيارات الذي أخبرني أن الحقن في الشاهين بدائي عبارة عن كربيراتير مطور بدون عوامات به حاقن واحد يوزع على الأربع إسطوانات
- فكينا العمة وتأكدنا من كلامه
- ودفعنا بقية الفلوس

وإستلمنا الآتي:
- 1 - سيارة شاهين 1400 CC
- 2 - كوريك ومفتاح عجل ومفك ومفتاح عشرة
- 3 - إستبن
- 4 - كاتالوج
- 5 - دفتر ضمان لمدة عام أو 10000 كلم أيهما أقرب (جايين على نفسهم قوى في الضمان)
- 6 - جواب للمرور
- 7 - خطاب من شركة النصر بمواصفات السيارة
- 8 - طقم دواسات
- 9 - إيريال سقف
- 10 - كاسيت معقول

الذي لم أجده في السيارة:
* لا توجد طفاية حريق
* لا توجد فاتورة شراء وعندما طلبناها قال أنه لا يصدرها إلا للشركات (كلام فاضي هو لا يصدرها للهروب من نظر الضرائب والله أعلم)

مميزات معرض شيرين كار:
* قدرة كبيرة من هذا المعرض على التحكم بشركة النصر بصفته الموزع الرئيسي
* إهتمام كبيرمن مدير المعرض أ/عمرو والمدير العام م/خالد على إرضاء العميل وحفظ إسم شركتهم بدون تكبر أو كذب ونصب

في النهاية :
* السعر كان = 69500 جنيه للشاهين ال 1400 CC الفاضية (كاسيت وأنوار شبورة)
* التعامل مع شيرين كار جيد وآمن وأفضل من غيرهم وإن كان سعرهم يزيد عن غيرهم حوالي 500 جنيه لكن بدون لف ودوران

الملاحظة الأخيرة:
* الشاهين سيارة جيدة جداً وأنا سعيد بها جداً (الحمد لله) هي سيارة أخويا يعني كإنها سيارتي برضه
* ومن ركبها ليس كمن ينظر إليها ويسخر من بعيد
التجميع المحلي أصبح جيد وأفضل من بعض الصيني مثلاً وهذا شيء يسعدني

وأي إستفسار أنا موجود

والحمد لله رب العالمين أولاً وأخيراً
وربنا يباركله فيها ويعطيه خيرها ويكفيها شرها
ويعطيني خيرها ويكفيني شرها أنا كمان

مبروك السيارة

انا استغربت جدا لما انت قلت كاربراتير

بس فهمت كلامك بعد كدة، الشاهين بالفعل حفن احادى النقاط وشكله اقرب لشكل الكاربراتير من شكل الثروتل بادى الموجود فى السيارات الأخرى

ياللا مبروكة، الشاهين سيارة محترمة جدا ولا يفهمها سوى من ركبها وتعامل معها لذلك شيل من دماغك كلام اى حد ماركبهاش ومش شايف منها غير المنظر الخارجى اللى مش على مزاجه البومبيه

الف مبروك على اخوك وعليك با بشمهندس / وربنا يباركلكم فيها بس انا شايف ان
70 الف جنيه فى عربية 1400 وفاضية وكمان بدون تكييف كتير عليها اوى المفروض كانو يخلوها ب 55 الف بالكثير - استهبال رسمى من شركة النصر .....
الفيرنا والدايو نفس الفئة السعرية - عموما مبروك عليكم

اقتباس:

---

المشاركة الأصلية كتبت بواسطة hazem_khidr

و يا تري فيه اي تعديلات او تحسينات بخصوص اخر دفعه من الشاهين؟؟

---

الحقيقة مش عارف لأنه لم يكن لي إحاطة كاملة بالموديلات السابقة
لكن بإختصار السيارة محترمة جداً وإن كانت غالية بعض الشيء لكن غلاء مبلوع
وأشكرك على إهتمامك

اقتباس:

---

المشاركة الأصلية كتبت بواسطة sab3aawy

انا استغربت جدا لما انت قلت كاربراتير

بس فهمت كلامك بعد كدة، الشاهين بالفعل حفن احادى النقاط وشكله اقرب لشكل الكاربراتير من شكل الثروتل بادى الموجود فى السيارات الأخرى

---

الحقيقة أن هذه كانت أول مرة أرى فيها هذا النوع من الحقن الإلكتروني
أنا قعدت أدور على مسطرة الحقن مش لاقي خالص !!!
قعدت أبحث عن فتحات في المانافول أو في وش السلندر لإدخال الحقن فلم أجد
وبصيت لاقيت العمة تحتها كربيراتير صغير وداخل فيه خرطوم بنزين عادي خالص !!

قلت يبقى هي كاربيراتير
المهم في النهاية إتضح أنه حقن إلكتروني ذو بخاخ واحد أو كما أحب أن أسميه (كربيراتير إلكتروني)
والصراحة هو عاجبني جداً

وربنا يبارك فيكم جميعاً (hazem_khidr waled369 sab3aawy emam وجميع الزملاء) ويوعدنا وإياكم بالخير

اقتباس:

---

المشاركة الأصلية كتبت بواسطة ahmed1981

الحقيقة أن هذه كانت أول مرة أرى فيها هذا النوع من الحقن الإلكتروني
أنا قعدت أدور على مسطرة الحقن مش لاقي خالص !!!
قعدت أبحث عن فتحات في المانافول أو في وش السلندر لإدخال الحقن فلم أجد
وبصيت لاقيت العمة تحتها كربيراتير صغير وداخل فيه خرطوم بنزين عادي خالص !!

قلت يبقى هي كاربيراتير
المهم في النهاية إتضح أنه حقن إلكتروني ذو بخاخ واحد أو كما أحب أن أسميه (كربيراتير إلكتروني)
والصراحة هو عاجبني جداً

وربنا يبارك فيكم جميعاً (hazem_khidr waled369 sab3aawy emam وجميع الزملاء) ويوعدنا وإياكم بالخير

---

هو فعلا الانجيكشن شكله أقرب للكاربيراتير لكن انجيكشن الكترونى كامل, هو زى اللى موجود فى الاونو على ما أعتقد أحادى النقطة, عيبه الوحيد انو لا يضمن توزيع مثالى للوقود على السيلندرات البعيدة و القريبة و ده مش هتحس بيه اوى, و يتفق مع الانجيكشن متعدد النقاط فى كل المميزات الاخرى,
عموما السيارة جيدة جدا و انا معايا ال1600 و الحمدالله بقالها 49 الف من غير مشاكل تذكر سوى بعض عيوب التقفيل البسيطة المتركزة أساس فى الكونسول الوسطى(نور الساعة طفى, زرار موجه التكييف بيعصلج, اكره القزاز اكسرت و غيرتها) فيما عدا ذلك, فان اجزائها الميكانيكية جيدة جدا و لم تتسبب بأى مشكلة و أدائها زى ما هو من ساعة ما جبتها, و أنا ناوى انشاالله اعمل موضوع شامل عنها لما اوصل ل50 الف كيلو اقول فيه تاريخى مع السيارة و المشاكل و المميزات التى لاحظتها مع الاستخدام.

الف مبروك على السياره .. ربنا يعطيكم خيرها ويكفيكم شرها .

ممكن اعرف سعر الشاهين ال1600 وصل كام ؟؟؟

اولا الف مبروك على العربيه وربنا يديك خيرها ويكفيك شرها
بالنسبه للسعر مش اخر زياده فى الشاهين ال1400 الفاضيه كانت وصلت من 59000 الى65000 ..........69500 ازاى..امال ال1600 بكام ؟



..mokhtar..

1000 مبروووك يا باشا

الله يبارك فيكم جميعاً

اقتباس:

---

المشاركة الأصلية كتبت بواسطة MohabSaeed

ممكن اعرف سعر الشاهين ال1600 وصل كام ؟؟؟

---

اقتباس:

---

المشاركة الأصلية كتبت بواسطة mokhtar

امال ال1600 بكام ؟

---

الشاهين ال 1600 CC سعرها حوالي 74000 جنيه كاش عند شيرين كار

ألف مبروك يا باشمهندس أحمد
ربنا يباركلكم فيها و يعطيكم خيرها ..... و يحفظكم من شرها و من شر الطرق المصرية

ألف مبروك

اقتباس:

---

المشاركة الأصلية كتبت بواسطة tutankhamoun

ألف مبروك يا باشمهندس أحمد

---

الله يبارك فيك ويحفظك وجميع الزملاء

ألف ألف مبروك

أنا أؤيد كلام سبعاوي _ _ _ ما تسمعش كلام حد بيحكم ع العربية من بره

اقتباس:

---

المشاركة الأصلية كتبت بواسطة ahmed1981

الله يبارك فيكم جميعاً


الشاهين ال 1600 CC سعرها حوالي 74000 جنيه كاش عند شيرين كار

---

الف شكر يا بشمهندس على التوضيح .

الجمله الى ممكن تتقال ...... الشاهين تنافس الكبار :wtf:

الف مبروك يا باشمهندس

بارك الله فيكم جميعاً

الف مبروك انا عندى شاهين 2007 وعاما بيها 55 الف كيلو والحمد لله زى الفل

السلام عليكم ممكن يا اخ احمد رقم تليفون معرض شرين

اقتباس:

---

المشاركة الأصلية كتبت بواسطة shadyelsaid

السلام عليكم ممكن يا اخ احمد رقم تليفون معرض شرين

---

الرقم أنا أحضرته من أهرام الجمعة
24190095

هناك فرعين إسأل على عنوان فرع المرغني فهو أفضل ملييون مرة من فرع صلاح سالم

والنصيحة الأخيرة أن لا تدفع مليم واحد حتى ترى سيارتك التي تنوي شراءها باللون المطلوب أمام عينك في المعرض
وتتعاقد عليها بعينها
ولو قال لك أجيبلك السيارة بس إدفع المقدم قل له لن أدفع حتى تحضرها هنا

تكملة هذا الموضوع بالموضوع التالي:
لكل من ينوي شراء الشاهين ال 1400 CC إحجز بشركة النصر وإستلم بالسعر الرسمي بعد شهر تقريبا ولا تشتري من الموزعين أو شيرين كار

http://www.hiclasscar.com/wp-content...s-tempra-3.jpg

http://i.ahaber.com.tr/galeri/otomob...008_5558_d.jpg

http://galeri.uludagsozluk.com/7/tofas-sahin_125935.jpg

http://www.yesilperim.org/wp-content...16/07/5-10.jpg

http://e-motoring.com/wp-content/uploads/photo-12.jpg
http://www.yesilperim.org/wp-content...016/07/1-9.jpg

https://i.ytimg.com/vi/fzRTMjyQkOg/hqdefault.jpg

http://denizli20haber.com/resimler/b...e53712681e.jpg
Etiyopya'da Üretilen 2016 Tofaş Şahin ve Doğan Slx Modelleri


https://www.youtube.com/watch?v=2-kyaVvyzw0

https://www.youtube.com/watch?v=dlxuaz87qV8
http://images.delcampe.com/img_large...56/360_001.jpg

https://pbs.twimg.com/media/CpsgNsJWgAAmGWK.jpg

https://pbs.twimg.com/media/CpsgNsJWgAAmGWK.jpg
http://13252-presscdn-0-94.pagely.ne..._600x450-1.jpg