فيه طلعتين للمقطم و انت جاي من الهرم على الدائري
1 - من الاوتوستراد , و انت ماشي على الدائري بعد منزل المعادي بحوالي 200 م تقريبا في منزل للاوتوستراد في اتجاه مدينة نصر , هتنزل الاوتوستراد و تمشي حوالي 200 م هتلاقي على اليمين مطلع للمقطم ( بس منصحكش بالمطلع ده علشان يتوه شوية مادام انت أول مرة تمشيه ) , في حل تاني من الاوتوستراد انك تفضل ماشي طوالي في اتجاه مدينة نصر, هتطلع أول كوبري يقابلك و تاني كوبري , بعد شوية هتلاقي نفسك شايف القلعة على شمالك قدامها علطول في مطلع المقطم
2- المطلع التاني , و انت ماشي على الدائري هتفضل مكمل لحد بعد كارفور بشوية و هتعدي بعديه على توكيل البافارية على ايدك اليمين , بعديه بشوية في مخرج مكتوب عليه القطامية و طريق العين السخنة , هتنزل المنزل ده هتلاقيه بيلف بيك يمين و بعد شوية صغيرة هتلاقي يوتيرن على ايدك الشمال , لف اليوتيرن هيكون فيه مصنع أنابيب يمينك , هتفضل ماشي لحد أما تلاقي ميدان صغير هتدخل شمال مع الميدان و تمشي هتلاقي نفسك نازل نفق , هتطلع من النفق و تمشي على طول هتلاقي نفسك في ميدان كبير فيه توكيل محمد زكي على ايدك اليمين , تدخل الميدان شمال و بعدين أول طريق على اليمين , هتفضل ماشي فيه طوالي , هتلاقي حي الاسمرات على ايدك الشمال و كمان مطلع المقطم , بس هنكمل قدام شوية و تعدي من تحت كوبري و بعديه هتاخد يوتيرن و ترجع تاني تلاقي مدخل المقطم على يمينك.
- معلش طولت عليك في الكلام
المفضلات