-
مساعده فى شراء 127 ضرورى
السلام عليكم ورحمه الله وبركاته
انا جديد معاكوا فى المنتدى وكنت اتمنى ان حد يساعدنى فى اختيار العربيه
كنت سالت فى قسم البيع
وناس كتير رجحتلى 127 تمام والميزانيه من 13 الى 15
دلوقتى انا اعرف ان فى كذا موديل من الفيات 127
النصر والفيورا والتوب والسوبر فيورا
واسمع ان فى 4 غيار وفى 5 غيار وفى 900 وفى 1050 والله اعلم
المشوار بتاعى هيبقى حوالى 60 كيلو كل يوم طرق سريعه وزحمه
رايك فى انهى موديل؟
وهل الفتيس ال 5 غيار فى مشاكل فعلا ؟
ولا اصبر شويه واجيب حاجه تانيه غير 127
-
واضح ان حضرتك خلاص رسيت على 127 على العموم هيا سياره كويسه جداا وقطع غيارها رخيصه انا بالنسبالى افضل التوب بس عيبها انها 2 باب ونادر لمه اشوف منها 4 باب برشح لحضرتك سوبر فيورا حاله ممتازه اهم حاجه ومبروك مقدما ياباشا
-
نصيحة من مجرب هات فيورا فقط اربعة غيار عملية جدا و موتورها سهل و حكاية و حمال اسية جدا و استهلاك بنزين قليل
كنت شاريها زيرو سنة 84 و عملت بيها 200 الف كيلو خلال 14 سنة من غير ما افتح الموتور و لا حتى غيرت سير كاتينة لانه حديد مش كاوتش
و كنت زعلان جدا و انا ببيعها بس ان اضطريت ابيعها عشان كنت محتاج تكيف و باور
-
طيب يا جماعه فيورا 4 غيار ولا سوبر فيورا 5 غيار
ولا التوب
انا كدا احترت اكتر
-
فيورا اربعة غيار صيانتها اسهل
-
بص ياريس انا كانت معايا 127 4 باب من عام 1983 زيرو وقعت 11 سنه وعملت بيها 100 الف معملتش معايا مشكلة ولغاية دلوقتى بشوفها على الطريق هايلة 4 غيار وعالية عن الأرض والكل بيفهم فيها وسيبك من الحالة لان الدكو السمكره بتعتها مش هتزيد عن 1000 جنية لو حاجة هاى لاين جامده جدى .... اما الموتور فمقدور عليه توكل على الله فى 127 4 غيار
-
تمام يا جماعه كدا فيورا ان شاء الله
بس دلوقتى مش المفروض ان ماتور السوبر فيورا هوا هوا ماتور الفيورا
الفرق بيكون فى الفتيس فقط
ليه بقى الفيورا ال 4 غيار اسهل فى الصيانه ولا فعلا ال 5 غيار الفيس فيه مشاكل ؟
وبعتذر عن الاسئله الكتير
-
ال 5 غيار مفيهاش مشاكل و الفيورا زى السوبر فيورا الفرق فى الغيار الخامس , لو قدامك السوبر حالتهم حلوة خلص فيها على طول
-
تشكرا يا باشا
بس اصلى كنت سمعت ان ال 5 غيار مشاكل الفتيس كتير
-
127 عموما عربية قوية وقطع غيار رخيصة وطبعا التوب اقوى شاسية وموتورها 1050 بس 2 باب والسوبر فيورا 5 غيار وتوفر فى البنزين فى السفر علشان الخامس ومفيش مشاكل فيها المهم فى العربية تشترى عربية حالتها كويسه مش مهم سنة الصنع او الموديل اهم حاجة تكون رقم فخدة مش قايم ومش ملعوب فى حوض الموتور ومبروك مقدما!!
Content Relevant URLs by
vBSEO 3.6.0 PL2