الموضوع: عاوز اعرف ارائكم معروض عليا سياره سوناتا 98 انا بالسعوديه ؟؟؟

المشاركة الأصلية كتبت بواسطة 14 ahmed adel

السلام عليكم و رحمة الله و بركاته

كنت حابب اعرف ارائكم انا بدور على سياره تكون على قد فلوسى حاليا انا لسه جديد بالمملكه و مش هقدر على سعر سياره جديده ف مضطر اشترى مستعمل و معروض عليا حاليا هيونداى سوناتا 98 ب سعر 8000 ريال سعودى .... هى فول اوبشنز و صاحب المعرض بيقوللى انها مفيهاش حاجه و حالتها كويسه ... و ليا اصدقاء هنا نصحونى بالهيونداى او التويوتا علشان قطع غيارهم متوفره و اسعارها كويسه ... بس انا مخبيش عليكم ميح فى السيارات ف ياريت تقولولى الموديل عموما كويس ولا لأ ... و لو هسأل على نقط معينه تبقى ايه ... و آسف للاطاله.

طبعا ما فيش خلاف على الكوري في الخليج فهو الان اقرب لقلوب الخليجيين خاصة في الفترة الاخيرة بعد ان اثبت كفاءة رهيبة و استحمال درجات الحرارة ... و انتشر الكوري و الهيونداي خاصة كتاكسيات و في معارض تأجير السيارات ...

المهم ... المشكلة و الاعتراض فقط في بعد السنة !!! 98 فعلا بعيدة جدا جدا ... ثم انت تقدر بالمبلغ ده او لو اتصرفت في 2000 ريال هتركب حاجة 2006 و ممكن تكون النترا او مثلا اوبترا و ممكن كمان توقع هوندا سيفيك او تويوتا كورولا ..

فربنا يعينك على غربتك و يسددك في اختيار السيارة الصح و يصرف عنك اعين الحاسدين و يجعلك غانم سالم في غربتك .... اهم حاجة تستخير كل ما تنزل تتفرج على سيارة فالاستخارة روووووووووعة جدا :))

نصيحة بلاش زود شويه وجيبلك تويوتا قطع غيارها زي الفيات في مصر وكله بيشتغل فيها وساعة البيع ماسكه سعر ومش هتحرج كثير عليها

مشكورين جداااااااااااااا على نصايحكم ... انا فعلا بدأت اغير رأيى و بدور حاليا على الاكسنت 2004 او اعلى ان شاء الله ... ربنا يباركلكم و يزيدكم يارب .... و هتابعكم برضه بالجديد و اقولكم وصلت لفين