الموضوع: الفرامل

المشاركة الأصلية كتبت بواسطة john55

كنت عايز اعرف اهم الطرق للمحافظه علي الفرامل وايه اللي يخلي الفرامل تتاكل بسرعه واهم اعراض تاكل الفرامل والتيل وهل طريقه دوسه الفرامل ليها عامل في تاكلها وشكرا

اهم الطرق للمحافظه على الفرامل
هى عدم الضغط المفاجى على الفرامل او بقوه الا فى الحالات الطارئه طبعا
1 يعنى مثلا انت ماشى فى شارع وعارف ان فى مطب بعد 500 متر تقريبا
فى واحد يفضل ماشى بسرعه واول ما يجى عند المطب يقوم كابس فرامل جامد على شان يهدى بسرعه فده بياكل التيل وبكده بيكون عمره قليل
وفى واحد قبل المطب بفتره يا دوب بيبقى ساند فرامل فالعربيه عقبال لما توصل للمطب بتكون هديت
من غير ما يحتاج فرامل مفاجاءه
2 وايضا المناورات والغرز بتحتاج فرامل مفاجاءه وتؤدى الى تاكل التيل
3 والرعونه فى السواقه تؤدى الى تاكل التيل
وبالنسبه للمحافظه على المنظومه كامله للفرامل
1 تغيير الزيت كل 2 سنتين الى 3 على الاكثر لان زيت الفرامل يمتص الرطوبه فبعد فتره بيكون فقد هذه الخاصيه ويقلل من تماسك الفرامل
2 تغيير التييل عند سماع صوت سريخ واحتكاك جامد عند الفرمله لان ذلك انذار على ان التيل خلص
والحديده الاخيره اللى فى التييل بتحتك فى الطنابيير فتؤدى الى تاكلها
3 حذارى من غسيل السياره وهى جايه من مشوار طويل لان الفرامل والطنابيير بتكون ساخنه والمياه تؤدى الى اعوجاج فى الطنابيير مما يؤدى الى اهتزاز فى السياره وعدم الفرمله بالشكل المطلوب
وذلك يؤدى الى تلف الطنابيير وتضطر الى عمل مسح للطنابيير عند الخراط

الجرى بسرعة بدون داعى بيخلى الفرامل تتاكل بسرعة يعنى المشى المعتدل بيخلى الفرامل تعيش فترة اطول وطبعا سرعة تاكل فرامل الاوتوماتك اكتر من اليدوى لانك بتستخدم الفرامل دايما