لمبه الحراره للتيدا

**age** · 02-05-2013 06:27 PM

لو سمحتوا قررت ان شاء الله احجز تيدا بس خايف من موضوع لمبه الحراره هل فيه مشاكل لو العربيه سخنت و ايه اخبار العربيه في الثبات وممكن احجز عند مين
شكرا لتعاونكم

**Omar_4ever** · 02-05-2013 09:02 PM

في لمبتين
لمبة زرقاء وديه معناها ان العربية باردة بتلاقيها شغالة اما بتدور العربية الصبح او لو بقالك فترة راكنها
لمبة حمراء ودي مش بتنور إلا لو العربية سخنت وفيها مشكلة ولازم تقف
والحمد لله التيدا بقالها معايا 7 سنين اللمبة الحمرا عمرها ما نورت

**sherifzein78** · 03-05-2013 12:09 AM

اختيار ان شاء الله موفق العربيه ممتازه معايا بقلها 5 شهور الثبات ممتاز لاحد 165 مجرب على طريق العين السخنه بالنسبه لموضوع الحراره هو طبعا حاجه رخمه اوى مافيش مؤشر حراره بس ماتقلقش طالما بتعمل الصيانات بتعاتها بانتظام وبكشف على كل حاجه فى دائره التبريد يبقى ماتقلقش لان زياده الحراره لها مؤشرات مسبقه قبل ما لامبه الحراره نتور لو مستعجل يبقى فى المعارض زى المصريه او اتو سمير بس هتدفع اوفر لو مشمستعجل يبقى احجز فى السبع او اتو اجيبت

**hammer84** · 04-05-2013 01:06 AM

السلام عليكم
بص يا باشا انا اول مجبت العربية بتاعتى التيدا 2011 بعد 65 كيلو متر لمبة الحرارة نورت ...........طبعا انا مش عايز اقولك انى كرهت نفسى و كرهت العربية ( اللمبة نورت احمر ) فتوقفت تماما وانا كنت جايبها من اوتو ايجيبت ....... بس ناس بصراحة محترمين جدا بعتولى ونش للسويس وانا من السويس واخدو العربية كان فيها مشكلة فى الريداتير و غيروة كلة طبعا منغير ولا مليم ............... و الناس كانت كويسين جدا .
انا طبعا بعد كدة حسيت انى كنت ممكن استفيد اكتر من الموضوع دة بس انا بصراحة كنت فى حالة مش كويسة و كان عندى كمان ظروف عائلية .
بس باختصار العربية التيدا جميلة جدا و الحمد لله و ان شاء الله حتستمتع فيها انا والله بقولك مش عشان اخوفك بالموضوع ولكن حتى يطمئن قلبك انك متقلقش .
وانا تحت امرك فى اى وقت