الموضوع: اتخانق مع جاري ولا الطيب احسن ؟!

يا جماعه السرقه اليومين دول شغاله الله ينور يبقى نساع بعضينا علشان كل واحد بيبقى خايف على عربيته وعايز يطلع ينام وهو مطمن على قد ما يقدر ده غير ان الركنات دلوقتي بقت صعبه ومقرفه زي ما حضرتك شايف ومش معقول كل ما الواحد يرجع من مشوار يعد يلف ويدور على ركنه ويتخانق مع ده ويراضي ده
معلش سيبلو المكان وحاول تشوف حته تانيه قريبه ليك برضو وتكون العربيه قدام عينك حاول تسايس امورك مع الناس وثبت مكان ليك وخلاص
ومظنش ان موضوع العربيه اللي كنت هتشتريها هو سبب الخلاف ونصيحه بلاش العند عشان نهايته وحشه
وفي النهايه الحافظ هو الله استودعو اياها

طيب انت قول الحمدلله ان الموقف كان كده بس
انا حالتى نفس حالتك انا ركنت ف يوم قدام عمارة جنبي وقمت الصبح لقيت فردة الكاوتش مضروبة بالمطوة طبعا لو سئلت مين عمل كده ولا حد هيقولى حاجة استعوضت ربنا فاحترس من الناس اللي مخها صغير