اتخانق مع جاري ولا الطيب احسن ؟!

**hazemhany** · 02-05-2013 07:26 PM

دلوقتي في مشكلة وعايز استشيركوا فيها...انا دلوقتي جايب العربية بقالي شهر ونص ..ركنتها اول اسبوعين في جراج وبعدين بقيت اركنها تحت البيت المهم تحت البيت عندي يدوب عربية واحدة تنفع تركن قدام المدخل والباقي كله محلات وعالم رخمة بنت تيت مبيركنوش حد قدامهم.. المهم المكان اللي قدام المدخل ده كان بيركن فيه ابن صاحب العمارة وهوا بتاعه من زمان بس بحكم اني باجي قبله بأربع خمس ساعات فبركن انا في المكان وبيجي هوا يا يركن قدامي او ورايا قدام المحلات او بعيد شوية ..الجديد بقي لقيت الباشا ده مبلغ البواب ميركنيش في المكان ده لأنه بتاعه من زمان واني اتصرف في اي مكان تاني ...المهم ركنت برضه واتصلت بالولد ده وكلمته بكل زوق وادب اني عارف انه مكانه بس انا لما باجي بلاقي المكان فاضي فبركن وقلتله انت بتصرف نفسك مع بتوع المحلات وبتركن قدامهم قالي لأ انا اتخانقت معاهم واحنا نص العمارة بتاعتنا وكان كلامه سخيف معايا ...دلوقتي بقي مش عارف هل احط العقدة في المنشار واركن عادي ولا هو فعلا حقه المكان .. مع العلم ان البرنس ده واخد مني موقف عشان كنت هشتري عربيته بس اكتشفت انها كانت عاملة حادثة وكان مخبي عليا وانا عرفت.. مستني ردودكم

**casperinoo** · 02-05-2013 07:32 PM

لو فيه مكان قريب منك ممكن تركن فيه يبقي احسن ..ده لو جارك محترم ..
اما لو قليل الادب وشايف نفسه يبقي اركن العربيه قدام البيت وروح مشاوريك بالموصلات :)
مفيش حاجه اسمها المكان حقه والكلام الفاضي ده

**hazemhany** · 02-05-2013 07:35 PM

هو مقلش ادبه بس كان بيتكلم بسخافة وانه مش مشكلته اركن فين

**ابو لؤى** · 02-05-2013 07:56 PM

باشا كبر دماغك واركن فى مكان تانى طلامه هو بيركن فى من الاول لان فى ناس مخها تافه اوى قسمابالله كنت بركن تحت عماره فاضيه يانااااس جالى واحد يقولى ماتركنش هنا تانى قولتله انا اسف اخدت مكان حضرتك قالى ده مش مكانى بس ده مكان اخويا لمه بيجى من السفر قولتله طيب اركن ولمه يجى ابقى ماركنش لحد مايسافر قالى لا لو سمحت شيلها من هنا روحت شايلها وراكن فى مكان تحت البيت يدوب اد العربيه بالظبط بقعد ساعه علشان احضن

**dr.hazem** · 02-05-2013 08:37 PM

ياعم اركن فحته تانيه اريح لدماغك من الهم ده...
تحياتي

**motorsnice** · 02-05-2013 08:42 PM

كبر دماغك ياكبير واركن عربيتك في مكان قريب من سكنك علشان تريح راسك من وجع القلب

**hugan** · 02-05-2013 09:41 PM

الحق
لو بيركن في نفس المكان من فتره كبيره
والكل عارف ان المكان ده مفيش حد بيركن فيه غيره
يبقي مينفعش

**youssef_u** · 02-05-2013 10:18 PM

لو فعلا مكانه من زمان يبقا متركنش فيه ، لو بيتبلطج بقا يبقا متركنش فيه بردو و لما هو يركن فسيله الكاوتش :)

-

الموضوع: اتخانق مع جاري ولا الطيب احسن ؟!

LinkBack

أدوات الموضوع

عرض

-

-

-

المواضيع المتشابهه

الوابل الصيب من الكلم الطيب

لييه الطيب دايما بييجي على الطيب اللي زيه ؟؟!!!!!

عاوز حد يجى بكره معايه التوكيل عشان ناوى اتخانق

كان نفسي اتخانق معاهم !!!!

الكلمات الدلالية لهذا الموضوع

المفضلات

المفضلات

ضوابط المشاركة