ايه افضل سيارة اوتوماتيك الان في مصر

**senstive73** · 02-05-2013 11:59 PM

انا مكنش عندي اي خبرة في السيارات قبل كده وباسوق بانتظام اوتوماتيك بقالي سنة ونص فقط لظروف عملي في الخليج ومعايا دلوقتي نيسان التيما 2008 امريكي
المهم انا باسال عن افضل سيارة اوتوماتيك ف مصر الان لراحة البال وعدم الدخول في مشاكل الدبرياش والجير العادي ومش عارف انهي الاحسن الالماني ولا الياباني ولا الكوري وقلت اخد رأي اعضاء المنتدي الكرام اللي فعلا باحترم رايهم وباستفاد كتير من تجاربهم فياريت اي اخ يقولي ايه الافضل في مصر الان وموضوع السعر مش مهم انا عاوز حاجة كويسة وتعيش ومخسرش فيها لو حبيت ابعيها بعد كده وطبعا انتوا عارفين ان مواصفات السيارات في الخليج ممكن يكون فيها مميزات افضل من مصر فعلشان كده عاوز افضل مواصفات فنية وكماليات ولكم جزيل الشكر

**hamaka** · 03-05-2013 12:44 AM

يا باشا ربنا يزيدك و يباركلك يا رب ، بس برضه لازم حضرتك على الأقل تحدد مدى للسعر عشان الناس تقولك أفضل حاجة فى الفئة دى ، لو مفتوحة كدة هتلاقى 100 موديل اتكتب و حيرتك تزيد...

**khaled_afandy** · 03-05-2013 01:02 AM

المشاركة الأصلية كتبت بواسطة senstive73

انا مكنش عندي اي خبرة في السيارات قبل كده وباسوق بانتظام اوتوماتيك بقالي سنة ونص فقط لظروف عملي في الخليج ومعايا دلوقتي نيسان التيما 2008 امريكي
المهم انا باسال عن افضل سيارة اوتوماتيك ف مصر الان لراحة البال وعدم الدخول في مشاكل الدبرياش والجير العادي ومش عارف انهي الاحسن الالماني ولا الياباني ولا الكوري وقلت اخد رأي اعضاء المنتدي الكرام اللي فعلا باحترم رايهم وباستفاد كتير من تجاربهم فياريت اي اخ يقولي ايه الافضل في مصر الان وموضوع السعر مش مهم انا عاوز حاجة كويسة وتعيش ومخسرش فيها لو حبيت ابعيها بعد كده وطبعا انتوا عارفين ان مواصفات السيارات في الخليج ممكن يكون فيها مميزات افضل من مصر فعلشان كده عاوز افضل مواصفات فنية وكماليات ولكم جزيل الشكر

من كلامك كده يبقى هات لانسر فول سبورت لو شكلها الممل مش حيضايقك، لازم تكون محدد نطاق سعرى الحقيقة
أيضا الأوبل الأسترا السيدان ماشية كويس و لا يعيبها سوى ضيق الكنبة الخلفية
لو الفلوس مش مشكلة يبقى c180 بالطبع