محتاج حد يفهمنى بخصوص اشتراك النت بتاعى قبل ما اولع فى لينك :(

**mido_soliman** · 03-05-2013 12:29 AM

دلوقتى يا جماعة انا مش فاهم وبالتالى قلت اسال الاول يمكن انا ظالم الناس دى او انا فعلا مش مستوعب الموضوع
انا لسة مقدم على تليفون مخصوص علشان مبقتش قادر النت من ال usb مبيكفيش خالص مع انى مش بتاع تحميل افلام وكلام من دة بس بتفرج على يوتيوب كتير ويمكن انزل سوفتوير ولا حاجة للموبيل

المهم قدمت على التليفون فى سنترال اكتوبر1 وروحت لتى اى داتا قالولى حندخلك الخدمه فى خلال 3 شهور مينيموم :( طبعا انا اتصدمت وخدت بعضى ومشيت
ولاد الحلال :( دلونى وقالولى لينك
المهم اتعاقدت معاهم الاول على سرعة 2 ميجا واللى زى ما فهمنونى ان المفروض ان سرعة ال transfer rate بتاعتها تبقى 256 كيلو بايت قلت تمام جدا
النت دخل على طول ومتاخرش فعلا بس افاجا ان سرعة التحميل فى افضل حالاتها لا تتعدى ال 100 كيلو باى حال وطبعا فى العادى تتراوح ما بين 70 الى 80 كيلو :!!!!! اكيد فى حاجة غلط
انا لسة موصل التليفون وواخد السلك من البوكس على الروتر عدل يعنى لا عندى تهدير ولا لعب ولا اى حاجة حتى التليفون الارضى مش مشغلة انا جايبه علشان النت
كلمتهم فى التليفون قالولى افتح ابل او مايكروسوفت وحمل اى برنامج وقد كان
وكانت سرعة التحميل 80 كيلو بايت يكون الرد اية !!!
حضرتك طالما السرعة ما بين 77 كيلو و256 يبقى انت معندكش اى مشكلة :( ازااااااااااااااااااااااا اااااااااااى ؟؟ يعنى ابقى دافع سرعة 2 ميجا ويدخلى سرعة تحميل اقل من ال 1 ميجا (128 المفروض ؟) مش فاهم ومش مقتنع بصراحة

المهم رفعت السرعة وقلت يمكن تظبط لما اعلى وطلبت 4 ميجا (انا السرعة دى ليا لوحدى لجهاز الاب بتاعى وموبيلى وشكرا لا عندى شبكة ولا الكلام دة كلة يعنى المفروض ابقا برنس باة :) )

السرعة دى المفروض الترانسفير بتاعها 512 كيلوا ( ياااااة دة عظمة اوى مش عايز اكتر من كدة لا مش عايز غير 400 ياعم )
الاقى سرعة التحميل فى افضل حالتها (بعد الفجر بشوية كدة وانا بنام يعنى ) 400 كيلو والعادى طول اليوم ما بين 150-200 كيلو ماااااااااااااكس

انا شرحت القصة كلها ومحتاج حد يفهمنى باة بعد اذنكوا دة العادى ولا اية خصوصا انى قريت على صفحتهم ان فى حد بيتهمهم انهم مبيوصلوش السرعة الكاملة لاصحابها حتى بعد القسمة على 8 (دى مفهمتمهاش بردة لاسف )

تحياتى للجمبع وارجو التواصل ولكم جزيل الشكر

**Hussein_Ramdan** · 03-05-2013 12:38 AM

انا واخد 2 ميجا من داتا من سنترال المطرية
معدل التحميل من 200 الى 250 حسب الظروف
بس انا بستخدم دون لود مانجير

**shadygalal669** · 03-05-2013 01:01 AM

انا 2 ميجا السرعه في معدل 220 الي 245 في اي وقت من اليوم

**Habd** · 03-05-2013 01:12 AM

لينك كده للاسف عن تجربة ف محافظتين معاك سرعتين سرعة ضعيفة جدا وقت الذورة و سرعة معقولة مقاربة لسرعتك الاصلية ف فترة من الفجر للضهر و لما يكون فيه سرعتين عالخط بالشكل ده عمر ما يكون فيه مشكلة ف التليفون ابدا او الخط لان لو فيه مشكلة السرعة تبقى ضعيفة طول الوقت المهم انا دخلت لينك اول سبتمبر اللى فات اسبوع و كنت فاصل الخدمة و مقدم ف تى داتا و على ما ركبت خدت من نص تسعة لحد ابريل عشان كانوا بيحدثوا السنترال بتاعنا

**AlGazar2** · 03-05-2013 01:39 AM

tedata افضل من لينك فى النقطة دى بس فعلا ال 3 شهور انتظار ده حاجة رخمه بس فى حركة ممكن تتعمل تخليهم 3 اسابيع بس و هى ان انت تنزل فاتوره وهميه على سيستم السنترال طالما ان الخط جديد لسه

**mido_soliman** · 03-05-2013 01:48 AM

المشاركة الأصلية كتبت بواسطة AlGazar2

tedata افضل من لينك فى النقطة دى بس فعلا ال 3 شهور انتظار ده حاجة رخمه بس فى حركة ممكن تتعمل تخليهم 3 اسابيع بس و هى ان انت تنزل فاتوره وهميه على سيستم السنترال طالما ان الخط جديد لسه

ال 3 شهور دول علشان البورتات فى السنترال مليانة وبينقلوا على بورتات تانية وعندهم فوق ال 300 عميل وايتنج ليست :(

المشكلة انى مش عارف اعمل اية ؟
هل دة طبيعى ولا انا المفروض يوصلى السرعة صافية طول اليوم اللى هى around 512 كيلو ؟ انا معنديش مانع افصل معاهم والله لان دة نصب معلش مينفعش ادفع 380 جنية فى سرعة مبتوصليش كلها ولا اية يا رجالة ؟؟؟

**mido_soliman** · 03-05-2013 01:50 AM

المشاركة الأصلية كتبت بواسطة hussein_ramdan

انا واخد 2 ميجا من داتا من سنترال المطرية
معدل التحميل من 200 الى 250 حسب الظروف
بس انا بستخدم دون لود مانجير

انت مشترك مع مين وسرعتك كدة طبيعية
وانا مبستخدمش فى التحميل غير الداونلود مانجر بردة :)
هوة فى حد بينزل حاجة من غيرة

**RAPID** · 03-05-2013 02:07 AM

على فكرة كانك بتوصفنى بالملى قبل ما افصل من الشركة الحرامية دى واوصل مع تى اى داتا .. تجربتى معاهم طويلة اكتر من 3 سنين .. فى الاول كانوا ممتازين بس بعد ما المشتركين بتوعهم زادوا ومفيش سعات تكفى الاعداد المتزايدة بداوا فى الاستهبال وسياستهم كالتالى

من 11 الضهر الى 3 الفجر ربع السرعة
من 3 الفجر الى 11 الضهر تاخد سرعتك كاملة

واى مكالمات وشكاوى ملهاش اى تلاتين لازمة معاهم .. ويقولك رستر الرواتر وحمل من ياهو وخليك معايا يافندم اراجع البيانات وفى النهاية مفيش حل لحد ما زهقت وغيرت لشركة تى اى داتا السرعة ثابتة 24 ساعة ومفيش لا تقطيع ولا تهييس زى البعيدة لينك

من الاخر عشان اريح حضرتك قدامك حل من اتنين .. يا اما تكيف نفسك عالسرعة دى وتتعايش يا اما تكنسل منهم وتقدم مع تى اى داتا وتستنى الـ 3 شهور او اى شركة تانية احسن ما تفضل تعانى مع الشركة دى طول عمرك

وعلى فكرة لينك مش بتكنسل خطوط غير بعد مشاكل (خبرة شخصية)
الغى خطك ده وقدم على خط جديد ميكونش عليه خدمة واشترك مع تى اى داتا
والله اعلم

**mido_soliman** · 03-05-2013 02:49 AM

المشاركة الأصلية كتبت بواسطة rapid

على فكرة كانك بتوصفنى بالملى قبل ما افصل من الشركة الحرامية دى واوصل مع تى اى داتا .. تجربتى معاهم طويلة اكتر من 3 سنين .. فى الاول كانوا ممتازين بس بعد ما المشتركين بتوعهم زادوا ومفيش سعات تكفى الاعداد المتزايدة بداوا فى الاستهبال وسياستهم كالتالى

من 11 الضهر الى 3 الفجر ربع السرعة
من 3 الفجر الى 11 الضهر تاخد سرعتك كاملة

واى مكالمات وشكاوى ملهاش اى تلاتين لازمة معاهم .. ويقولك رستر الرواتر وحمل من ياهو وخليك معايا يافندم اراجع البيانات وفى النهاية مفيش حل لحد ما زهقت وغيرت لشركة تى اى داتا السرعة ثابتة 24 ساعة ومفيش لا تقطيع ولا تهييس زى البعيدة لينك

من الاخر عشان اريح حضرتك قدامك حل من اتنين .. يا اما تكيف نفسك عالسرعة دى وتتعايش يا اما تكنسل منهم وتقدم مع تى اى داتا وتستنى الـ 3 شهور او اى شركة تانية احسن ما تفضل تعانى مع الشركة دى طول عمرك

وعلى فكرة لينك مش بتكنسل خطوط غير بعد مشاكل (خبرة شخصية)
الغى خطك ده وقدم على خط جديد ميكونش عليه خدمة واشترك مع تى اى داتا
والله اعلم

يباشا جزاك الله كل خير على الافادة بس اخيرا انا عايز اعرف يعنى اية مبكنسلوش غير بعد مشاكل ؟ مش فاهمها دى ؟
يعنى العميل عايز يكنسل ويفضى الخط يعمل اية ؟

**RAPID** · 03-05-2013 03:25 AM

المشاركة الأصلية كتبت بواسطة mido_soliman

يباشا جزاك الله كل خير على الافادة بس اخيرا انا عايز اعرف يعنى اية مبكنسلوش غير بعد مشاكل ؟ مش فاهمها دى ؟
يعنى العميل عايز يكنسل ويفضى الخط يعمل اية ؟

المفروض انك بتقدم طلب بالغاء الخدمة للشركة وبتستلم رقم الالغاء فى بحر 48 ساعة عمل (ده المفروض) عشان تقدر توصل مع شركة تانية .. لكن اللى بيحصل مع لينك غير كدة تماما وبيماطلوا فى العميل بالشهور عشان ميسبهمش .. عن نفسى انتظرت الكانسليشن نمبر اسابيع ولما عرفت اخرها لغيت الرقم من السنترال وتعاقدت على خط جديد واشتركت مع تى اى داتا .. واللى نصحنى بالفكرة دى الموزع اللى مشترك معاه قاللى من الاخر انسى انا مجربهم دول ولاد تييييت ومعظم تعاقدات خطوط التليفون الجديدة فى السنترال لناس هربانة من الشركة الزبالة دى .. وعلى فكرة الجهاز القومى لتنظيم الاتصالات ملوش اى لازمة فى حماية العميل ضد هذه النطاعة او تقدر تقول متواطئ معاهم