مش لاقي زيت فتيس 90 (موبيل) للانوس
السلام عليكم ورحمه الله وبركاته
إستكمالاً لحمله الصيانه اللي بعملها في عربيتي قررت اني اغيير زيت الفتيس
والمفروض اني كنت ناوي اغيير بزيت موبيل بس للاسف لفيت على معظم محطات موبيل من الدقي للمهندسين لغايه 6 اكتوبر وكلهم مفيش عندهم عبوات
الكل بيقول لو عايز تزود نزودلك زيت سايب , لكن عايز عبوات مش هتلاقي
المهم لما فقدت الامل في اني الاقي طلبي في محطات موبيل قولت اشوف محطات كالتكس فسألت على زيت فتيس 90 للانوس فكان الرد ان عنده زيت 90-140 متعدد ,الليتر بـ 22 جنيه, وانا مش عارف ده هو الزيت اللي المفروض اجيبه ولا لا , وبتاع البنزينه هو كمان مش عارف اذا كان مناسب للانوس ولا لا
المهم انا قولت اسألكم عن رأيكم , هل اشتري زيت كالتكس ده ولا اشوف شل ولا اعمل ايه ؟
