عرض للطباعة
السلام عليكم يا شباب
أنا مسافر شرم يوم السبت الجاي ... وقررت اني مش ها اروح بالعربيه وحجزت خلاص جوباص وهارجع كده كمان
المهم انا حاجز اربع ايام فى فندق امواج عيون شرم - خليج نبق ... ايه رايكم فيه وايه اسحن طريقع روحله من موقف الأتوبيس
ودي اول مره اروح شرم ... فياريت نصايحكم أحسن امكان الخروج، الفسح، الديفنج، السفاري، السهرات البدوي والشوبنج
واي اقتراحات من زوقكم .... شكرا يا اجدع منتدي
بص يا سيدى شرم يعنى مصارييييييييييييييييف
أولا بالنسبة للانتقالات لو حضرتك مسافر ومعاك العائلة الكريمة يبقى هاتركب تاكسى وده كان بالعداد من كام سنة كدة واقصى عدد ركاب هو 4 وكانوا شادين قوى فى الحوار ده زمان الله اعلم الحال ايه دلوقتى
وموقف الاتوبيس بتاع جو باص انا فاكر انه فيه واحد فى التحرير و فيه واحد فى القللى شبرا
فى السفر اعمل حسابك فى المياه كتيير علشان الطريق 6 ساعات بالاتوبيس وبصراحة يزهق
ثانيا طالما انت نازل فى الفندق يبقى هتالاقى مكتب فى مدخل الفندق وده للرحلات وبيقدملك عروض على
السفاري وسنوركلينج وجلاس بوت ومحمية ابو جالوم وجزيرة تيران والغواصة والف ليلة وليلة
وفيه اكشاك فى نعمة باى برضه بيبقى فيها عروض احلى واسعار اقل
وتسافر وترجع بالسلامة
السفارى والديفينج فى الفندق اغلى من نعمة
روح نعمة واتفق هناك
واعرف الاسعار شاملة ايه بالظبط وهتدفع اى مصاريف تانية فى اى مكان ولا لا
وان الباص يدخل جوة الفندق فى ذهابك وعودتك
فيه هناك ميكروباصات عادى دلوقت
وفيه مترو واولاد رجب
والله وحشتني شرم الواحد نفسه يضرب اسبوع في شرم ويفصل عن الدنيا كلها
اجازه سعيده ان شاء الله