الموضوع: عايز عربيه في حدود 60ألف ريال سعودي أعمل إيه؟

19 مشاهدة ومفيش ولا رد !!
إيه ياشباب البخل ده :(

طيب ايه رأيكم في الفورد فيوجن 2012

يادكتور حضرتك كاتب 60 الف ومش اقل من موديل 2012 دا صعب في اللي انت بتقوله والاختيارات اللي حضرتك حاططها مافيش مقارنه بينهم في السعر وسرعة التداول وحضرتك عارف الخليج بشكل عموما والسعودية بشكل خاص ان الياباني وحش السوق حضرتك بال 60 الف دول تقدر تجيب عربية كامري 2009 فل كامل ومشي قليل او اكورد مع العلم اننا في الصيف يعتي العربيات الصغيرة سعرها بيزيد عن الشتاء
ودا راي وحضرتك حر طبعا

مبدئيا معلوماتى من الأصدقاء و الأقارب فى السعودية مش من تجاربى

إنزل بالسنة حبة 2008-2009 و هات إستيراد يابان - أمريكا - هولندا

أعرف ناس كثير جايبه عربيات محترمة جدا و ركبتها بنفسى و عادة بتكون عداد ما بين الـ 40000 - 80000 كم

ياباشا عن تجربه هنا في السعودية
هات جديد وخصوصا اي حاجة تويوتا في حدود المبلغ المتاح والاختيار هنا طبعا الكورولا

انا جيبت مستعمل امركي والله كانت حالتها ممتازة لكن اقل زيارة للميكانيكي غيرت تيل فرامل امامي مع خرط الطنابير وتغيير بوجيهات 500 ريال
مابالك لو العربية فيها مشكلة اكبر

حاليا انا خلاص اتخنقت منها جدااااا لمبة ال abs منورة ومحدش عارف ليه وكشف عليها كمبيوتر 100 ريال وبيقولي مفيش مشاكل (جهل بعيد عنك) ولمبة الموتور منورة وعايزة حساسات شكمان معرفش لسه سعرها بس الميكانيكي عايز 300 ريال مصنعية
غيرت من فترة ردياتير والمفروض انها عربية منتشرة جدا لقيت اقل سعر ليه 500 ريال ومش اصلي ودفعت 100 ريال مصنعية بالخناق
حاجة تقهر


خليك جديد والله تكسب

من ناحية النزول بالموديل مش هقدر عشان دي اشتراطات شركه
ومن ناحية الفلوس متجيبش لأ هي تجيب الموديلات الي انا سألت عليها انا دورت علي مواقع البيع علي الإنترنت ودي أسعارها؛
اما بخصوص عيوب الأمريكاني أعتقد لو عربيه موديل 2012 وكشفت عليها وانا بشتري وتابعت صيانه هتبقي نفس المصاريف بتاعة مازدا 6 أو نيسان ألتيما 2012 بردو مش كده والا إيه؛ يعني سعر التيل والفلاتر والسيور هتلاقيهم قريبين،
اما موضوع الكورولا ده فأنا مش بالعها من اساسه بعدين موتورها 1.6cc معتقدش يستحمل 4 سنين شغل ومرمطه زي 2.5cc بتاع ألتيما أو فيوجن مثلاً
بردو مستني نصائح ومساعدة أكتر لمحاولة تحديد الصالح ولكل من ساهم جزيل الشكر

المشاركة الأصلية كتبت بواسطة dr-daly

من ناحية النزول بالموديل مش هقدر عشان دي اشتراطات شركه
ومن ناحية الفلوس متجيبش لأ هي تجيب الموديلات الي انا سألت عليها انا دورت علي مواقع البيع علي الإنترنت ودي أسعارها؛
اما بخصوص عيوب الأمريكاني أعتقد لو عربيه موديل 2012 وكشفت عليها وانا بشتري وتابعت صيانه هتبقي نفس المصاريف بتاعة مازدا 6 أو نيسان ألتيما 2012 بردو مش كده والا إيه؛ يعني سعر التيل والفلاتر والسيور هتلاقيهم قريبين،
اما موضوع الكورولا ده فأنا مش بالعها من اساسه بعدين موتورها 1.6cc معتقدش يستحمل 4 سنين شغل ومرمطه زي 2.5cc بتاع ألتيما أو فيوجن مثلاً
بردو مستني نصائح ومساعدة أكتر لمحاولة تحديد الصالح ولكل من ساهم جزيل الشكر

على كلامك ده - يبقى توكل على الله و هات أهم حاجة الحالة و ياريت لو وكالة يعنى كل الصيانات فى التوكيل و موجود فواتيرها أو ملفها فى الوكيل مش ساقط منه حاجة و و بيبان على العربية لو ملعوب فى العداد

1- أكورد
2- كامرى
3- مازدا 6 أو ألتيما

خلى بالك أقل واحدة فى إستهلاك قطع الغيار هى الكامرى