عضو جديد - لانسر 2013 شارك - تركيب بعض الكماليات

السلام عليكم
:plusone2:
انا عضو جديد لعائلة ميتسوبيشي لأن عربيت الأولى هي هوندا سيفيك 88 اوتوماتيك

:Ta_clap[1]:
باركوولي - اشتريت لانسر شارك 2013 أوتوماتيك أول فئة

بالنسبة للصالون من الداخل .. حاجات بسيطة هي اللي ناقصة
- الفرش مش جلد
- ومفيش مسند الزراع للسائق (غطاء للكونسول)
- ومفيش مساند رأس للكنبة الخلفية
- ومفيش ومسند ذراع في المنتصف للكنبة الخلفية
- الكنبة الخلفية مش متقسمة عشان تطبق جزء وتسيب جزء

الأسئلة بأة : )

- عايز اركب فرش جلد - ما هي النصائح وماذا عن فرش الأرضية والشنطة؟
- عايز غطاء للكونسول علما ان الفرش عندي بيج - هل ممكن ألاقي الأصلي أو حاجة زيه وهل تركيبه سهل ولا بيبقى باين انه متركب؟
- المفتاح بتاعي مفتاح ريموت - لكن معنديش انذار - هل ممكن تركيب انذار؟
- هل في أي نصائح هامة عشان العربية لسة زيرو

ولكم الشكر

اولا:الف الف الف مبروك
يارب يعطيك خيرها ويكفيك شرها وتتهنى فيها يارب

ما شاء الله لا قوة إلا بالله

ثانيا: انا شخصيا شايف ان فرش الارضية مهم لو لون فاتح بيج زى الفرش اما لو غامق انا مقتنع ان الدوسات كفاية
و متنساش الانذار بقى ما تركبهوش غير بعد الرجوع للوكيل عشان الضمان

الفرش انصحك بجينز كار انا مش جربتهم بس الصراحه كل الناس وشغلهم محترم للغايه

جينز كار و الانذار تشترى واحد و يتركب سهل جدا

ألف مبروك ربنا يحفظك ويحفظها لك ... ياريت تقولنا الشارك ٢٠١٣ كام فئه والهاى لاين بكام

شكراً للردود .. الله يبارك فيكم
مش عارف هما كام فئة .. انا كنت بدور عالفئة الأولى عشان الميزانية

جينز كار ده مكانه فين .. وبالنسبة لسبير كار ومودرن كار اللي بيعملوا اعلانات في الأخبار .. ايه تعليقكم عليهم

سبير كار حلو
بس لازم تقف على ايديهم و تطلب التعديلات بمزاجك و تصمم عليها
و شغله فى الاخر حلو و رخيص بالنسبة للباقيين

و خلى بالك لما تنقى الفرش خليه يطبع لك علامة اللانسر على الكراسى الامامية و بتكون ببلاش

أولا ألف ألف مبروك ياباشا .. ربنا يديك خيرها ويكفيك شرها يارب .

أنصحك بجينز كار ... شغلهم غالي شويه بس بصراحه ثمنه فيه وهايعيش معاك

وماتفرقش تقفيل شغلهم عن شغل الفبريكه .. انا عربيتي كنت جايبها فرش قماش .. وروحت ركبت عندهم فرش جلد ماشاء الله ... نفس تفصيلة العربيه الهاي لاين ويمكن أحسن كمان .. وعملوا كمان غطاء للمخدع من نفس خامة الفرش .

وخد بالك من حاجه .. الفرش الجاهز اللي بيركب مهما كان شكله حلو أو خامه حلوه بيبان انه تركيب لكن ميزة الفرش التفصيل انك بتحس ان هو فرش العربيه الأصلي .. وحاول تدور على المشاركه بتاعتي وتشوف الفرش شكله عامل ازاي قبل ماتروح , أو ادخل على موضوع جينز كار واتفرج .. هاتلاقي حاجات كتير أوي

بالنسبه لفرش الأرضيه وفرش الشنطه برضه بيكون عند جينز كار .

وبالنسبه لموضوع جهاز الإنذار خد بالك ماينفعش تركب بره التوكيل عشان الضمان , ولو ركبته بره كهربة العربيه تخرج من الضمان لكن الميكانيكا شغاله معاك عادي .

وألف مبروك مره تانيه

اقتباس:

---

المشاركة الأصلية كتبت بواسطة just_magdy1

ألف مبروك ربنا يحفظك ويحفظها لك ... ياريت تقولنا الشارك ٢٠١٣ كام فئه والهاى لاين بكام

---

+11111111111