الموضوع: طريقة صنع زرجينة ضغط مكبس تيل الفرامل

السلام علكيم
إحنا بنغير تيل الفرامل لما بيتآكل

لما بيتآكل تيل الفرامل المكبس اللى وراه اللى بيدفعه عشان يضغط على الديسك عشان توقف العربية

بيطلع لقدام سنة عشان يعوض الفرق بتاع التآكل وتقدر تفرمل وهكذا لحد ما التيل يخلص وتيجى تغيره

فلما تيجى تركب التيل الجديد بتبقى محتاج ترجع المكبس لورا

ليه زرجينة مخصوصة

هنجيب حتة حديد ونعمل فيها فتحة لمسمار 14 زى دى ومسمار 14 بصامولته الاتنين تكلفتهم 4 جنيه
Uploaded with ImageShack.us

الحديدة دى هتبقى مزنوقة بين كاليبر الفرامل والمكبس

ولكن هنستعمل التيل القديم برضه أو أى حتة حديد تانى نحطها على المكبس ونحط الزرجينة

ويبقى معانا مفتاحين 14 أو مفتاح واحد لو هتلحم الصامولة فى الحتة الحديد وتبدأ تربط

كل ما بتربط المسمار هيضغط على حتة الحديد او التيل القديم والبستون هيرجع لورا

أظن الفكرة بسيطة وسهلة
Uploaded with ImageShack.us