السلام عليكم
انا عايز اشترى عرية استعمال بالتقسيط
مثلا عايز بيكانتو يكون سعرها 55000 ج .............. وعايز القسط لا يزيد عن 800 ج شهريا ...........
مفيش حد يعرف يحللى المشكلة دى ويكون باله طويل ويقعد يحسب معايا ....
عرض للطباعة
السلام عليكم
انا عايز اشترى عرية استعمال بالتقسيط
مثلا عايز بيكانتو يكون سعرها 55000 ج .............. وعايز القسط لا يزيد عن 800 ج شهريا ...........
مفيش حد يعرف يحللى المشكلة دى ويكون باله طويل ويقعد يحسب معايا ....
يخص عليكم وانا اللى كنت فاكركم هتعبرونى
انا رأيي لو هتدفع 55 الف متدفعهاش في بيكانتو
ده رأيي الشخصي و بصراحه انا من اشد كارهين البيكانتو و الكيا عموما
ده مجرد رأي ممكن حضرتك يكون ليك رأي تاني
بالتوفيق :Bravo:
شكرا لردك ............. ليه كاره البيكانتو ... وايه الاحسن وتكون شبابيه .... وايه الرأى فى السيلاريو جديدة
شوفلك بروتون جين تو 2006 او 2007
وبما انك محتاج تقسط يبقى تبص على المعارض
ولازم تدفع مقدم بردوا على الاقل 15 الف متهيقلي
متابع باهتمام
بلاش تقسيط المستعمل مش جايب همه بتدفع فلوس فى حاجه مستعمله و قيمتها بتقل مع الوقت
لا تنسى الاستخاره
تقبل مرورى
شكرا لردودكم ............
هيا الحكاية كلها انى معايا 20 الف وعايز عربية شبابية .. اسافر بيها ويكون مونورها 1000 سى سى او اكتر وادفع 1000 ج شهريا على الاكثر ...
تيجى بقى مستعملة تيجى جديدة .... المهم تيجى
.... ياريت تكونوا فهمتوا وجهة نظرى
بص ياباشا نصيحة من واحد مجرب
أنا كنت بدور ع جديد قسط ولقيت القسط خراب بيوت وربا واضح ،،قلت تقسيط مستعمل لقيت اساعار خيالية ،،وبعد استخرت ربنا واشتريت الفورد اللى معايا بصراحة ربنا كرمنى واشتريتها ب 8000 الاف جنيه ثم كلما يتوفر معى مبلغ أرسله لصاحبها حتى استكملت حقها مع العلم أنى أشتريتها عالنت وقلت لظروفى للبائع.
ابحث عن امكاناتك وان شاء الله هتلاقى ما يناسبك وابتعد عن القسط .
شكرا على الردود ..
بس عايز استفسر بس البيكانتو مش عاجباكم ليه ايه عيوبها
والاخ اللى اشترى فورد ب 8000 ج ازاى يعنى مش فاهم ... فورد ايه دى؟
ثانيا انتوا بتقولولى القسط ابعد عنه ... امال اعمل ايه اشترى عربية شكلها حلو ازاى من غير مقسط ...
هوا انتوا عايزينى اشترى عربية اصرف عليها اكتر من ثمنها ...
ياباشا أقرأ كلامى للنهاية انا لم أقل أنها ب 8000 جنيه ،،أنا حبيت أوضح لك أن ربنا بييسر لك الآمر لما تنوي خير،،أنا معايا فورد كا موديل 97 واتفاهمت مع البائع والحمد لله خلصت له ثمنها خلال شهرين،،فاهمنى يا باشا .
لو معاك 55 الف ممكن تشتري عربية عالنت موديلات كتير جدا ومش هتصرف عليها ،،وانت وراحتك ف الموديل اللى تختاره ،،ربنا يوفقك ولا تنسى الاستخارة.
بس انا نفس حيرتك ديه وم معايا 23 الف قولت استنى اكملهم 30 وا جيب شيرى كيو كيو 2006 1100 سى سى ولا شانا بينى موديل 2008 موتور 1300 سى سى فو اوبشن وعايز اجيب قبل رمضان بس بفكر فى شانا بينى جديدة 2013 موتور 1000 سى سى مقدم 20000 وقسط 700 جنية هى عامل كاش منول 55 الف وفى منها اوتوماتك 65 الف ومستنى رايك بردوا
بلاش صيني الا لو تجيبه فانوس رمضان ماشي
هات اي حاجه بالفلوس الي معاك 20 ولا 25 الف وخلاص وبلاش قسط فعلا
يا كاش يا بلاش
يا جماعة اشتروا عربيه مثلا بالعشرين الف اللى معاكم مش لازم اول ما تركب تركب زيرو
كل ما تجمع عشرة الاف مثلا تبيع اللى معاك وتزود عليها وتشتري وممكن تبدل طوالي
القسط خراب والمعارض كلها بتسرقك مقابل الحلم اللى انت بتدور عليه بس اول ما تركب العربيه تبقي فرحان
لقدر الله بقي العربيه حصلها حاجة وانت لسه بتدفع اقساطها .. حررررام
تتصوروا انى لغاية دلوقتى مشتريتش اى عربيه .....
هههههههههههههههههههههههه
.......
قوقولى بقى اعمل ايه عايز اشترى سوزوكى التو ... تقسيط
ايه رايكم
ياااااااه زمانك حوشت كويس
ربنا يعينك بش اشترسها مت بنك اسلامي وربنا هيساعدك رك ويساعدك في سد ديونك
البنك الاسلامى يفرق ايه يعنى ؟؟؟