علبة الشكمان متى يتم تغيرها؟
امبارح روحت عند بتاع الشكمانات عشان اركب كوتشة اللي بتمسك الشكمان في نص العربية تقريبا.
المهم الراجل ساق العربية وطلع بيها على المطلع وهو بيطلع على المطلع قالي العربية مفيهاش سحب وبص على علبة الشكمان وحط ايده وطلع صماد اسود وقالي عشان كده!! بصراحة انا مفهمشي حاجة في الموضوع ده بس حاسيت .. المهم قولتله هي ديه بتتسلك بقى؟ قالي لأ بتتغير ب 250 جنية وانا هعملهالك 220 جنيه.. قالي خالي بالك كده ممكن تجيب معاك وش سلندر.. المهم انا قولتله انا معايش فلوس دلوقتي وهاجيلك مرة تانية...
السؤال هو ازاي اعرف ان علبة الشكمان فعلا بيظة وعايزة تتغير وهل فعلا هي مش بتتسلك ؟؟ وهل 220 جنية ده رقم كويس؟؟ انا السحب عندي عادي بس وحش في المطالع والحتت اللي عايزة عزم..