مشكلة بالكومبرسور - كيا بيكانتوا 2013

**MorSee** · 03-05-2013 05:30 PM

انا شاري كيا بيكانتو خليجي - 2013 بقالها معايا حوالي 5 شهور ، و عامله 20.000 كيلو ..

العربيه لطيفه جدا معايا لحد دلوقت ..

بعد ما اشتريتها حسيت بصوت تكتكه غريب بيطلع بعد شويا لما بشغل التاكيف -بحد ما بشغله بحوالي 10 دقايق او لو العربيه سخنه- عديته و قولت عادي و محستش بالمشكله علشان كنت في الشتا لسا ..
و عملت اول صيانتين -الالف و الـ3 الاف - و عادي ..

في صيانة الـ10.000 قولت الصيف داخل فبلغت مهندس التوكيل و انا بعمل الصيانه و قولتله يكشفلي عليها ..

رد عليا و قالي ان فيه مشكله في الكومبرسور بتاع التاكيف و محتاج يتغير .. و الصوت ده بيطلع لما الكوبرسور بيسخن علشان مش عارف ايه كده جواه بيتمدد ..

طيب الكومبرسور بكام يا عمنا ؟
- هيكلف حوالي 3500 جنيه ..

فالرقم طلع كبير و مرضتش في وقتها طبعا ، و قولتله شكرا و قفّلت معاه ..
بس لازم اصلحه طبعا علشان الصيف داخل خلاص

فعايز اسئل ..
حد حصل معاه نفس المشكله في الموديل ده ؟
هل التشخيص اللي هوا شخصه ده مظبوط اصلا ولا لا ؟
التوكيل هيتحمل حاجه ولا لا .. بالذات ان ده عيب صناعه مش استخدام -بس العربيه خليجي- ؟
المعرض طيب يتحمل حاجه ولا انا شربتها خلاص من بعد ما اشتريتها ؟

بس كده .. شكرا مقدما :D

**ahmed_su** · 03-05-2013 06:52 PM

لو عربيتك ليها ضمان طبعا الاصلاح على الضمان

خلاف كده هتضر تصلح على حسابك ...

عموما ما تخدش كلامهم ثقة وشوف اكثر من مكان

ونشوف كلمهم هيرسى على ايه

**ahmedsrs** · 03-05-2013 09:07 PM

استشير فنى تكييفات وشوف هيقول ايه

**2CODE** · 04-05-2013 01:11 PM

للاسف انت خليجي فعلشان كده ملكش ضمان

انما طبعاً لو وكيل دا انت من اقل حقوقك انه يتغير ببلاش :d

**Dr.M_baz** · 04-05-2013 05:03 PM

انت شاري ضمان لها ام لا؟

**moha4tec** · 04-05-2013 06:19 PM

التوكيل مش هيدفعلك حاجه
التكييف مبيسقعش يعنى و الا مش شغال اصلا
و المشكله كلها بالنسبه لك فى الصوت يعنى
لو مشكلة صوت كبر دماغك و متغيروش اغلب التكييفات الكورى صوتها عالى