السلام عليكم ورحمة الله وبركاتة اشترى كيا برايد ولا هونداى اكسل ولا لادا2107 ولا اسكودا فليشيا انا معايا 36000 ومعنديش قدرة على تغيرها مستقبلا بس انا يا جماعة محتاج رايكم جدا والله
عرض للطباعة
السلام عليكم ورحمة الله وبركاتة اشترى كيا برايد ولا هونداى اكسل ولا لادا2107 ولا اسكودا فليشيا انا معايا 36000 ومعنديش قدرة على تغيرها مستقبلا بس انا يا جماعة محتاج رايكم جدا والله
انواع مختلفة من كوري الي روسي الي تشيكي ,اللي فاكره انك عاوز عربية للمدام عشان توصل بيها الاولاد لو حتسقها سيدة يبقي ابعد عن الادا وخليك في حاجة كوري لذيذة ,ربنا يوفقك
بس يا استاذ لو عايز عربية حلوة تعيش معاك يبقي
الاوكتافيا
حلوة 1600 سي سي تكييف تجميع برازيلي
واسعة فرامل Aps
كل حاجة انا برشحهالك:007:
او اوكتافيا فيليشيا برده حلوة و علي فكرة توكيل اسكودا محترم:7bteen:
الف الف شكر يا جماعة بس انا المداملسة اول مرة تسوق عربية فهل هتفرق تقل دريكسيون اللادا ولا اية انا بصراحة ميال لها لانها هتبقى موديل فوق ال2000 ولكم جزيل الشكر
كيا برايد حلوة و العربية دي مش بتاعت اعطال و لا يمكن تعمل مع المدام حركة نص كم و الكلام ده مش كلامي ده كلام ملاكها و ليا راي تاني انت ممكن تجيب ماروتي زيرو ب 38000
طبعا تفرق دريكسيون اللادا تقيل بس لو المدام ساقت
قبل كدة فيات و لا شاهين هايبقي عادي
بالنسب لها لاكن انا لا افضل اللادا مع السيدات:hurray:
مش عارف اشكركم ازاى على المتابعة الجميلة دى بس زى ما قولتلكم المدام اول مرة تسوق ولسة بتتعلم
انا من رأي الأخوة مادام عربية للمدام
ريح دماغك و هاتلها ماروتي زيرو
و لو عايزلها تكييف اشعبط في التو
الناس بتجيب عربيات مستعملة عشان بس بتكون محتاجة عربيات امكانياتها اكبر و اوسع
و لو الاختيار في المستعمل يبقي الحالة هيا الفيصل فقط
و ان كنت اسمع ان الكيا برايد اقل هذه السيارات اعطال و مشاكل
عاوز همسة اخوية فى ودنك وتدعيلى بعدها
هات ماروتى زيرو واشترى راحه المدام (راحتك انت طبعا) من المستعمل
ماشاء الله اشتريناها فى العائلة وماشاء الله عماله تروح وتيجى من الشغل ومشاوير كل يوم ومحتاجتش غير الزيت وشوية ميه
اه نسييت
والبنزين طبعا
عارف ليه انا نسيته
عشان بدون مبالغة بتحس انه هيعفن فى العربية من كتر التخزين
بتعدى على البنزينة كل حين وميين
يا سلام ؟ و كده يبقى الماروتى عملت معجزة ؟ ما طبيعى جدا انها ما تستهلكش بنزين خالص عشان هى 1100 سي سي يعنى هى كانت 1600 سي سي و ما بتستهلكش بنزين ؟
هى فعلا عربية جميلة مادام انت مش محتاج سفر كتير يبقى 1100 سي سي كفاية اوى عليك و سيبك من المستعمل
سر توفير البنزين انها 3 سلندر 800 سي سي وليس 1100 سي سي كما ذكرت الالتو هي الي 1100 سي سياقتباس:
يا سلام ؟ و كده يبقى الماروتى عملت معجزة ؟ ما طبيعى جدا انها ما تستهلكش بنزين خالص عشان هى 1100 سي سي
يا نهار ابيض يعنى طلعت 800 سي سي كمان ؟ و تقوللى بتوفر بنزين ؟ ديه اكيد بتمشى بميه بس ههههههههههههه
حضرتك مش عارف اصلا عدد ال سىسى للسيارة وبتتقذذ منها المفروض ان الشخص يعطى نصيحة لوجة الله تعالى ويكون اما عن تجربة او دراية بها
العضو سأل عن سيارة لزوجتة فقال الاخوة بالنصح (ايه داعى التريقة هنا) وبعدين الماروتى اللى مش عجباك دى مراحتش من اكثر من 8 شهور لاى شخص لا لتوكيل او ميكانيكى (يعنى سيارة محترمة وبتحترم اللى شاريها ) مش بس اللى اعرفها دا لاى شخص اشتراها بردة (على فكرة انا ممعايش الماروتى) مش زى عربيات اخرى تطلع بيها من المرور وبعدين تشد حيلك للتوكيل عشان تصلح وتعالج عيوب التصنيع والتقفيل
وبعدين دى تقضى الغرض لاستخدام سيدة او شاب فى جامعة واتعمادية جدا
ليا زميل فى الشغل بيسافر بيها الاسكندرية مع اسرتة بتكلفة 20 جنية بنزين رايح ارجع بالاضافة لمشاويرة جوا الاسكندرية (على فكرة معاة سيارة فارهة بس بيحب دى عشان اقتصادية جدا)