الموضوع: عايز الكل يركز و هو بيقول رأيه (بيجو 508 - سيتروين ds5)

المشاركة الأصلية كتبت بواسطة mohamed said

بجد يا باشا الله ينور. بجد فتحت نفسى على العربيه بس انا بصراحه كان نفسى فى الفئه العاليه بس لو كان ال navigation مش شغال يبقى لزمتها ايه. حرام جدا الواحد يدفع الفرق ده كله طبعا و لو ان بصراحه الكاميرا الخلفيه و الشاشه فرقين اوى. بس شكلها كده بقى هترسى على الفئه زى بتاعتك. بس مكلمتناش على قطع الغيار و المصنعيه و الصيانه و التوكيل عامة. بجد انا متقل عليك جدا :zb_sor1[1]:انا عارف. بس بصراحه ما صدقت مسكت فيك:10d5c8w1107: ههههههههههه.

انا رحت مرتين التوكيل والخدمة كانت كويسة جداً وفي وقت معقول والمصنعين الى حد كبير معقولة مش مبالغ فيها بس علشان تعرف معلومات اكتر عن قطع الغيار والصيانة لازم تتكلم مع حد في المبيعات يفيدك
بالنسبة لي الامور تمام
وبعد الصيانة بتستقبل من خدمة العملاء مكالمة للمتابعة
ببساطة انته راكب اعلى فئة في ستروين فطبعا المعاملة في التوكيل بتكون محترمة جداً وفي العموم هما ناس محترمين

المشاركة الأصلية كتبت بواسطة medoshabrawy

هناك موديلين زي ما أوضحت قبل كده
الفئتين فيهم :
نفس قوة الموتور ١٦٠٠ سي سي و عدد الأحصنة ١٦٧
حساسات ركن خلفيه
ليد لايت امامي تحفة
- كورنريج لايت " الأنوار تتحرك بتحرك الدريكسيون بشكل مبهر "
- ليد لايت خلفي
- سبولير خلفي
- تصميم رياضي ديناميكي يعمل على تشتيت الهواء عن طريق خطوط بارزة على جانبي السيارة ، و٦ فتحات أمامية لمرور الهواء عند أضواء الفوج لايت
- حليتين من الكروم لفتحة الشكمان يعطي لك الاحساس كأنك راكب بورش
حليات كروم خارجية فريدة من نوعها بتصميم. رائع
جنوط سبورت ١٨ طبعا الان غيروا الجنوط الرياضية وتم استبدالها بجنوط ١٧ عادية
تصفيح اسفل الموتور
- ارتفاعها عن الارض كويس جداً بالنسبة لشوارعنا لكن يجب مراعاة عدم التحميل الزائد للحفاظ عليها لان فيه مطبات تكسر الميكروباص ههههه
٣ فتحات بانوراما " ٢ أمامي للسائق والركاب الاخر" وفتحة للركاب بالخلف
خاصية الدخول من غير مفتاح وفعلا عن تجربة امان جداً يعنى انت لو بعيد ع العربية متر واحد لا تعمل
لا يمكن إدارة الموتور الا لو المفتاح كان بداخل السيارة مش حتى على الباب
ايموبلايزر ضد السرقة وربنا يسترها اقدر اقول ان العربية مستحيل تتسرق وهي واقفة الا لو رفعها على ونش
مفيش فيها جهاز إنذار ولما طلبته من فرنسا طلع تمنه ٦٠٠٠ جندي
مرايا تعتيم داخلية وخارجية
تسخين مرايات
فرامل يد كهرباء
كروز كنترول وطارة متعددة الوظائف
عتب كروم داخلي وإشارات بجانب الأبواب الداخلية
إشارات بالمرايات
تكييف ثنائي التبريد بمعنى ان فيه امكانية للتحكم في التكييف للسائق والمنطقة بالخلف وكذلك للمراكب الأمامي وما خلفه
فتحة تكييف خلفية
مسند خلفي قابل للطي وخلفه فتحة للشنطة من الداخل
ثلاجة حجمها معقول جدا تستطيع وضع ٢ زجاجة مياه كبيرة فيها مرتبطة بكونسول اللى فيه الفتيس
مسند يد في الامام مرتبط بالكونسول ذاته
كمبيوتر رحلات ونظام صوتي رائع لو قدرت توصل ل ١٥ من ٣٠ تكون بطل لو صوت الحاجة ستريو
٢ حامل أكواب بجانبي الأبواب
وحامل أكواب خلف الفتيس ده المفروض مكان الآي درايف
االكراسي شمواه لونها رمادي غامق ، والحواف جلد طبيعي اسمر
كرسي السائق كهرباء ويحتوي على بكره لضبط الفقرة القطنية
الصالون الداخلي باختصار سفينة فضائية او كابينة طيارة بدون مبالغة
اماكن للتخزين بين فتحتي البانوراما بالسقف.
الدريكسيون ملوش شبيه على الاطلاق كانه بالظبط. مصمم لقيادة طائرة
ساعة عقارب داخلية الوحيدة من نوعها
المفروض نقشة الكراسي زي الكتالوجات على الانترنت بس ما بتنزلش مصر والوحيدة اللى شفتها للمهندس هشام عز العرب
الكلام عن الفخامة الداخلية للصالون خرافية وتستحق صور تفصيلية قريبا جداً إن شاء الله
سبورت مود يتحسن متجربهوش ، تسارع من صفر الى ١٠٠ ٩ ثواني تقريبا وأظن ان هي اسرع من كده
العربية بتكون على الرابع وانته ماشي على ٣٠ ك تخيل :b4_592:
ولما بتسحب بيها وانت متحرك على الهادي التالت نفسه طويل جداً يوصلك ل ٩٠ ك
التورك بتاعها حكاية لوحده 240/1400
بلوتوث ومخرج usb و aux
- تانك البنزين ٦٠ لتر وطول ما انته سائق بالمعقول استهلاك عبى الطرق السريعة في حدود ٧ لتر ونصف وداخل القاهرة في حدود ٩ لتر تقريبا
الأنوار الأمامية باي زينون + هالوجين وليد نهاري
زجاج فاميه خلفي
طبعا abs , ebd, esp, eba
مرايات كهرباء ضم
٦ وسائد هوائية
مساحة خلفية صغيرة
الشنطة معقولة جداً وممكن طي الكراسي ورفعها تماماً للحصول على مساحة تخزين اكبر
تخيلوا كل ده في الفئة دي


نروح لمستوي اعلى يزيد على السابق
شاشة ٧ بوصة ملونه داخلية
الآي درايف
الملاحة لا تعمل يعني منظر
كاميرا ركن خلفية
حساسات ركن أمامية
كراسي جلد طبيعي
كرسي السائق فيه شويه دلع زي سخانات ومساج وخلافه
شاشة شفافة تخرج في التابلوه فوق الدريكسيون لعرض السرعة

والفرق بين الفئتين ٥٠٠٠٠
اتمنى اكون أفدت الجميع والصور قريبا جداً

الف شكر يا باشا .
و فى انتظار الصور ان شاء الله

حتى تعمل الرشاشات يجب ان يكون الزينون مضيء