السلام عليكم
اذيكم ياشباب . حبيت اشارككم معلومة لسة عارفها من كام يوم .
اولا مين فيكم جرب سرعة انترنت اكبر من ال 4 ميجا الي الشركات الجميلة بتاعتنا بتديهالنا ؟
طيب فكرت مثلا تكون السرعة عندك 10 ميجا ؟ 20 ؟ 100 ميجا ؟
طيب اية اخبار الداونلود ؟ والابلود ؟
في حد لية صديق او قريب عايش برا مصر واتكلم معاة عن سرعة الانترنت عندة عاملة اية ؟
اية رايكم تشوفوا سرعة الانترنت في امريكا . ونشوف احنا فين منهم :36_1_31:
http://s23.postimg.org/79wd6e423/Untitled.png
انا جريتها اما سافرت وهنا اما بستعمل اكونت ويندوزاقتباس:
المشاركة الأصلية كتبت بواسطة al_manara
Sent from my Xperia Arc S using Forum Runner
انا لما كنت في السعوديه ( السنه اللي فاتت ) كنت شغال ٢٠ ميجا :) كان روعه روعه بمعنى الكلمة يعني اليوتيوب بيختار تلقائي 1080p و بيشتغل منغير تعليق ، التحميل كتييييره ١٠ دقايق
ههههههههههههههه
عقدتنا يا شيخ الله يسامحك
وانا داخل بعشم وقلت هلاقى اختراع !!!!!
ماشى ياعم :d:d:d:d
بتقلب علينا المواجع لييييييييه
http://nileup.com/up/uploads/nilemotors_13676204171.png
سرعة النت على الموبايل فى دبي...........الجيل الرابع مش التالت.
حسرة علينا
انا عندي حاليا السرعة 20 ميجا
ولسه شركة موبايلي موصلين خط الفايبر في الشارع الاسبوع اللي فات. يعني في خلال شهر على الاكثر اقدر اشترك فايبر بسرعة تصل الى 200 ميجا.
دي من حبيبي .
http://s10.postimg.org/87fc2xxrd/Untitled.jpg
ليه بس ههه
ما احنا راضين ب 4 الي عندنا
اطالب بغلق هذا الموضوع حفاظا على الصحة العامة :(
انا اشتغلت قبل كدا 16 ميجا ف مصر.. وبصراحه دي احلي سرعه وصلتلها وكانت خياليه !! مش عارف الـ 200 ميجا دي تتحس ازاي ؟!!
يا باشا اللي عندنا ده بواقي انترنت ههههههههههههه
هوة عنوان الموضوع المفروض يبقى مين عاوز يحرق دمة فى دقيقتين :)
معلش انا ضغطى على خصوصا انى بعانى حاليا من سرعة الانترنت الخارقة اللى موصلها :)
احنا معندناش نت فى مصر اصلا
النت اصلا حرام
طبعا ماننساش نشكر احمد نظيف علي السرعة وخدمات الانترنت الممتازة في مصر .
انا عندى السرعة عاملة زى العربية ال 128 بلظبط 128kb
:shyy::shyy::shyy::shyy::shyy::shyy:اقتباس:
المشاركة الأصلية كتبت بواسطة m_elkhishin
:120105~352::120105~352:
ليه ياعم كدة بتقلب علينا المواجع لية
انا مش ها اقول حاجة بس ها اقول لحضرتك اني يوم ما دخلت السرعة الـ 1 ميجا عندي في البيت عزمت صحابي على العشا عندي يجربوه :d تقولي 200 ميجا :d استغفر الله العظيم يا رب ده انا لو دخلت الـ 16 ميجا مش ها تبقى مشكلتي غير في اني اجيب هاردات تكفي اللي ها اعمله :d
أنا عندي 100 ميجا :)
وعند والدي فى الجامعه 200 ميجا ( تقريباً ) :)))
فى السعوديه طبعاً اما مصر 512 وبارك الله فيما رزق :((
دوا الضغط يا سعااااااااااد
إيه ده ؟؟!!
هي مصر فيها انترنت ؟؟؟
هاهاهاهاهاها
مصر ياباشا فيها السماح لأي مزود خدمه انه يسحب من فلوس المواطن
بلارقيب او حسيب
بس كده
وعموما انا كنت مع لينك 512
طلعو عيني
والداون لود كان 20
حولت للطلقه بتاع تي اي داتا
طبعا هو سرعته اضعاف الحمد لله
لكن كمستوى دولي
اللي في مصر ده مراحيض عامه مش انترنت
الحاجات دي بتقتل الابداع
فين المنافسه علي قطع النت علي بعض
وفين الناس اللي حتعمل داونلود وتبيعه او تهادي بيه
او اللي حاطط ايده علي خده مستني الداونلود يخلص
ولما يقطع يعيد من الاول
السرعات دي حتزود الملل يا جماعه
هههههههه
من كام يوم بكلم لينك . لمشكلة في الخدمة
المسئول هناك بيقولي مادام حضرتك بتعمل داون لود بسرعة 28 k يبقي انت عندك كدة كلة تمام ( السرعة 512 والمفروض الداون لود 60 k )
عيب بئا الكلام الى مالوش لزمة دة اتقى الله ياخىاقتباس:
المشاركة الأصلية كتبت بواسطة m_elkhishin
وراعى ظروف اخوانك فى مصر
ونا كنت فاكر ان انا خلاص عديت لما اشتركت فى عرض الطلقة ب 2 ميجا
المفروض يغيرو اسمة الباقة ويخلو اسمو عرض البيضة
ههههههههههههههههههههههههه ههههههههههههاقتباس:
المشاركة الأصلية كتبت بواسطة Hussein_Ramdan
هي هأ هـأ هأ . و الا هئ هئ هئ . و الا هههههههه . و الا كلهم مع بعض . . سيبوني اعيط . عمار يا مصر .
انا راضي جدا و مبسوط بال 32 كيلو بتوع فودافون ............. الحمدلله و قرد موافي و لا غزال شارد
وإيه يعنى ما أنا عندى 512 كيلو يعنى هما عندهم 200 وأنا عندى 512
مين فينا اللى أكتر يا متعلمين يا بتوع المدارس . . .
سؤال بس للناس الي في الخليج بتوع 100 و 200 الاسعار هناك كام ؟
يعني مقارنة بالسرعات دي الاسعار عالية ولا متوسطة ولا رخيصة
يعني سعر 100 ولا ال 200 لما نحب نقارنهم بأسعار مصر نقارنهم بأنهي سرعة
وخلينا بقى في السلاحف الي عندنا وبارك الله في القليل :)