الموضوع: اسبرانزا a516 غير متوفرة للشراء

سيببك منها العربية دى حتى بتكلح وتقدم كدا بسرعة معرفش ليه ولا هى عقدة الصينى ههههههههه

بص m11 أشيك منها بكتير و تصميم جميل بصراحة

بالعكس أنا شايف إنها عربية فيها كل الميزات زى الوسع الداخلى - رخص و توافر قطع الغيار - كل الصنيعية حفظوها - كماليات تعمل بكفاءة على عكس الإشاعات تماماً - سعر إجمالى للسيارة منخفض مقارنة بالأنواع الأخرى و بالتالى مفيش مشكلة من إنخفاض سعر إعادة البيع و خصوصاً إذا خرجت من هذا الجدل بالقيام بشراء واحدة مستعملة و نضيفة
إذا ما قورنت باللانوس أو الفيرنا مع إحترامى لشعبيتهم بس مميزات إسبيرانزا من وسع و إرتفاع عن الأرض مستحيل تستعيض عنهم فى اللانوس و الفيرنا
أما مشاكل الإسبيرانزا من التقفيل و عدم جودة الخامات فقد تضح كذب كل هذه الإفتراءات
أما مقارنتها بالـBYD فطبعاً لصالح الـ BYD بس تقل جيبك بقى بـ15000 زيادة و طبعاً فى هذه الحالة اليابانى يكسب
نرجع نقوول إن حلاوتها فى معادلتها - يعنى إسبيرانزا516 و سعرها زى خلطة كنتاكى سرها فى خلطتها - لكن أكيد الكباب أحلى من الكنتاكى بس الكباب بكام و كنتاكى بكام . و آسف لو كنت جريت ريقك.

خليك فى المستعمل ماركة مش عايز أقول لك فوكاس ميجان ألفا روميو الحاجات دى عشان المصريين عندهم عقدة منها برغم إنها أحسن عربيات بأفضل سعر
ومش عايز أقول لك اشترى كورولا الشكل القديم ولا لانسر بومة عشان هتشتريها مستعملة بقيمة أعلى من قيمتها الحقيقة خصوصا بعد الغلاء دا

فممكن تلجأ لحل وسط وتركب دايو لانوس :)

يا عم لانوس ايه بقي ... عربية من 99 و وقتها كان برضه المتور شغال في عربيات اوبل كتير قبلها ......


لو بنفس المبدأ يبقي فكك و هات 128 ...اهي برضه اي عيل في حضانة يعرف يصرف عليها و يصلحها

عمرنا ما هنطلع لقدام خلينا كده احنا اللي بانينا الهرم .... بس العمارات بتقع بس مش مشكله الهرم قاعد