مشترك لابنى فى تدريب - كاراتييه -
بس باستغرب من حاجة
وعايز اعرف هل ده طبيعى و صح
كل امتحان يطلبوا فلوس
( 70 جنيه )
اللى اعرفه وزارة الشباب بتدعم مراكز الشباب كويس جدا
وفى اشتراك بتدفع
طاب رسوم الامتحان اللى بياخدوها - ليه - ؟؟؟
عرض للطباعة
مشترك لابنى فى تدريب - كاراتييه -
بس باستغرب من حاجة
وعايز اعرف هل ده طبيعى و صح
كل امتحان يطلبوا فلوس
( 70 جنيه )
اللى اعرفه وزارة الشباب بتدعم مراكز الشباب كويس جدا
وفى اشتراك بتدفع
طاب رسوم الامتحان اللى بياخدوها - ليه - ؟؟؟
رسوم امتحان ليه ؟
ده امتحانات الجامعة مش بفلوس !
امتحان الجامعه بفلوس لو انت بتعيد المادة يابرنجي
ههههههههههههههههه
انا بتكلم جد
فعلا كل امتحان على حزام
يطلبوا 70 جنيه
فعلا الكلام ده بيحصل
بس اظن 30 جنيه ده ثمن الحزام لانه هياخده هياخده مع الاختبار
الاتحاد هيصرف عليه لما يبقى بطل لكن نصيحه لو ابنك جامد شويه لعبه اى شىء غير الكراتيه
انا ابنى وصل للحزام البنى وكان بينضرب من طوب الارض :)
وبعدين هيفضل على الحزام البنى لسن معين تقريبا 14 سنه علشان يلعب على الاسود
وكنت بحضر تدريباته بصراحه اى كلام وخلاص مكنتش بقتنع بيها كلعبه ده لانى ملاكم قديم ومعايا بطولات
فطلعته من الكاراتيه ولعبته مصارعه لان جسمه مناسب اكثر للمصارعه
وبقى بطل الغربيه فى وزنه فى وقت قصير وبقى ياخد حقه من اى حد يفكر يزعله:213-1107231241[1]: مش زى الكاراتيه خالص (الكاراتيه كان بيبقى سبب فى ضربه فى المدرسه اى واحد من الولاد الاشقيه كان يتراهن مع زمايله علشان يضربه لانه بيلعب كاراتيه شفت المصيبه):wound09:
فنصيحه الكاراتيه بدله شكلها حلو وشويه حركات لا تفيد الطفل لانها شويه كاتات والكومتيه لما سنه يكبر ركز معاه فى الجودو أو المصارعه جسمه هينشف ويكون اقوى سريعا
أنا مع الرأى ده تماما الكارتيه مالوش لازمة خالص - خليه يلعب:
1- تايكوندو - من أعنف الألعاب لو عايز تقويه
2- كونغ فو - فيه حاجتين أساليب (تعتمد على المرونه و اللياقة) - صانده فايتنج (تعتمد على القوة)
3- جومباز - لياقة و قوة - بس مش عنف أو دفاع عن النفس
إختار حاجة من فوق على حسب ظروف الولد و إمكانياتة و بالنسبة لفلوس الإختبار فعلى معلوماتى بتكون من عشرين لـ ثلاثين جنية مش سبعين
ياجماعة انا محتار بين اعلم الولد هو 7 سنين البوكس ولا الجودو ؟ حد يكون خبير او حاصل على بطولة يشرحلى الفرق بين اللعبتين ومدى امكانية التعليم للطفل مع انة جسمة مش مليان هو ضعيف شوية ! ولو فى مكان فى 6 اكتوبر يبقى تمام
هما بياخدوا ال70 جنيه ومش متضمنه ثمن الحزام
الحزام باشتريه على حسابي
وانا مستغرب الموضوع لانى باعلم ان وزارة الشباب بتدعم مراكز الشباب كويس جدا وبمبالغ محترمة
وبالنسبة للنصيحه
ففعلا هفكر فيها واحاول اشوف له رياضة تانيه
انا نفسي عايز اتعلم حاجه
بس مش اي لعبه وخلاص
في لعبه اسمها mma و حاجه قريبه كده من الجود تاتيه او تايكوندو مش فاكر اسمها
عارف الافلام الاجنبي و شغل جي تلي و الكلام ده هي حاجه عنيفه شويه و ذي بتاع ترانسبورتر
في واحد في اكتوبر بيدرب بس شكله علي ما اظن و احد هاوي بس بيدرب
قولت ممكن اجرب معاه لما ابقي فاضي اشوف ايه نظامه و الحصه 20 جنيه في اي حته انت عايزها و ممكن في نادي اكتوبر لو مشترك فيه
عامل جروب علي الفيس من قريب ممكن ابقي ابعتهولك لو محتاجه
ومجمع من كل لعبه معينه حاجات كولكشن كده و خلاها لعبه علشان اللي ناقص في حاجه يكملها في الثانيه
كلامك سليم
بياخدو ال 70 جنيه
الرسوم دي ثابته سواء ابنك مشترك في نادي او مركز شباب
والاختبارات وهميه
لان ولادي ال 2 مشتركين وحصلو علي الحزام البرتقالي
وكل المشتركين في المسابقه سواء ضربوا او انضربوا
بياخدوا الحزام
لكن مش مهم
اي حاجه تشغلهم ويفرغوا الطاقه اللي جواهم فيها