الموضوع: معرض رسلان للموبيليا

السلام عليكم جميعا
و اجازة سعيدة عليكم جميعا
الموضوع عن معرض رسلان للموليليا اللي امام السراج مول في مدينة نصر، اقسم بالله العظيم الكلا اللي بقوله ده مفيهوش اي نوع من الافتراء عليهم لكن انا المعرض ده صاحبه واحد اسمه تامر نصب عليا في غرفة سفرة و مكتبة و ترابيزة living و الحمد لله مكملتش معاه و عمللي المطبخ . نبتدي بالسفرة اولاً الكراسي ابعاد جلسة القعدة نسبها ميعملهاش اي حد عند ت عين مش مخ عريضة و قصيرة قوي يعني علطول قاعد على حرف الكرسي و مش ممسوكة أو متقوية من اسفل الأرجل و بسبب كده الحمد لله مش باقي ولا كرسي من ال٨ سليم لغاية دلوقتي مع العلم والله ماتقعدش عليها تقريبا اكتر من ١٠ مرات اللي هي العزايم بس ثانيا ترابيزة السفرة اول مرة في حياتي اشوف القرصة تتثبت في رجليها بمسامير قلاووظ العادية ثالثا القرصة خشب مفرغ وزنها ميجيبش كلها على بعضها ٥ او ٦ كيلو ابلكاش يعني. الكبيرة بقى هي النيش عندي النيش و البوفيه معمولين قطعة واحدة كنت شوفتها عند كريمة اللي في عمارات العبور و قولتله عليها راح البيه منفذها قطعة واحد بعرض ٢،٧٥ متر و ارتفاع ١،٧٥ متر فمعدتش من السلم و اضطريت اجيب نجار يقصهالي عشان تنفع تطلع بعد ما البيه معرفش يطلعها و راحو سايبينهالي في مدخل العمارة و قالو العيب في السلم عندك.
كل ده كان في السفرة و انشاءالله يومين و اصورها وارفعهالكم عشان تعرفوا اد ايه انا مش مبالغ في كلامي
نيجي للمكتبة هي مكتبة مودرن الاي فيها الرفوف طايرة ، النجار عندي قالي دي اصولها بتكون مجاري تعشق فيها ، البيه مثبت الرفوف بمسامير اللي هي بتتدق العادية بطول ٨ الى ١٠ سم و طبعا مش ده العيب الوحيد، المكتبة قطعتين واحدة متعلقة و التانية ثابتة زي دولاب لما اتركبه لقيت في فرق في العرض اللي متثبت علئ الحيطة اقصر من الدولاب اللي تحته.
الموضوع ده كله حصل معاي من خمس سنين تقريبا قبل ما تجوز بس مقدرتش ساعتها اشتكيه لأنه كان معلق فلوس عربون المطبخ اللي كان المفروض يعمله و انا بعد مستوى الشغل الزبالة ده و مواعيده اللي كانت زي الزفت يعني يكفي اني استلمت حاجتي بعد الجواز بشهر تقريباً مع العلم انه كان واخد عربونها قبلها ب٥ او ٦ شهور لكن انا سافرت قبل الجواز ٣ شهور و كان بيضحك على مراتي لما كانت بتتابع بحجج واهية.
طبعاً حتقوله ايه الي فكرك دلوقتي حقولكم بسبب اني لقيته عامل صفحة على الفيسبوكو ضمان و تأمين و كلام عار من الصحة و ده اللينك بتاع الصفحة https://m.facebook.com/#!/profile.ph...user=811034417
http://https://m.facebook.com/#!/pro...user=811034417

ربنا يخليكو جميعاً ، أنا استعوضت ربنا في اللي دفعته و ربنا ميباركلوش في اللي خده
أنا كان هدفي النصيحة بس لأني لقيتهم عاملين صفحة على الفيسبوك و كلها ضحك على الناس زي اللي حصل معانا فقولت انبه الناس قبل الوقوع مع البني ادم النصاب ده