<<<<تقرير مسيرة سكودا أوكتافيا فانتازيا 100 ألف كم>>>>

**A.Roushdy** · 12-05-2013 03:14 AM

الله ينور يا باشا تقرير 10 على 10

**miceg** · 13-05-2013 11:17 PM

المشاركة الأصلية كتبت بواسطة inspiron

عملت الصيانة في كارتك العبور كلفتني حوالي 6000 تقريباً..تحياتي لك

استاذ أحمد تقرير ممتاز ماشاء الله
انا بفكر والله اليومين دول في فانتازيا 2010
او حاجة في رينج 140 الى 150
لكن 6000 جنيه في صيانة ال60 الف كم رقم يخوف
ده انا من كام يوم عملت صيانة ال 60 كم للصني ودفعت 1400 وكنت زعلان ههههه
ولولا اني مبحبش المانوال بسبب الخشونة كنت حجزت الرابيد
وسؤالي ليك
العربية بتقدر تغرز بيها بين العربيات على سرعات كاام

**inspiron** · 13-05-2013 11:32 PM

المشاركة الأصلية كتبت بواسطة miceg

استاذ أحمد تقرير ممتاز ماشاء الله
انا بفكر والله اليومين دول في فانتازيا 2010
او حاجة في رينج 140 الى 150
لكن 6000 جنيه في صيانة ال60 الف كم رقم يخوف
ده انا من كام يوم عملت صيانة ال 60 كم للصني ودفعت 1400 وكنت زعلان ههههه
ولولا اني مبحبش المانوال بسبب الخشونة كنت حجزت الرابيد
وسؤالي ليك
العربية بتقدر تغرز بيها بين العربيات على سرعات كاام

والله شوف يا باشا أولاً..الرابيد عربية جميلة ومتنساش إنها tsi ومنوال يعني طيارة من الآخر

بالنسبة للـ 6000 جنيه دي بسبب تغيير حاجات كتير - سيور وشدادات وبلي وزيت فتيس بالفلتر..وتيل يعني بيرجعلك العربية زيرو.

بالنسبة لموضوع الغرز..أنا بجري بيها وبجيب سرعات أه بس مش طول منا ماشي بعمل غرز..يعني حسب ظروف الطريق المفاجأة..يعني مرة واخد بيها غرزة علي 170-180..مع العلم بس إن الغرز علي السرعة دي بالعربية دي تساوي غرزة علي 120 مثلاً بعربيات تانية.

**digital_joe** · 19-06-2013 10:41 AM

المشاركة الأصلية كتبت بواسطة inspiron

7- بعد فترة باب الراكب الأمامي الأيمن بيحصل في الشباك بتاعه خللِ ما..بيسبب إن الزجاج يحصله لخبطة أثناء الغلق تلاقيه بينزل تاني لوحده وعشان تقفله لازم ترفعه سِنة سِنة لحد ما يقفل..الحل هو تغيير ترس الواير بتاع ماكينة الزجاج من بلاستيك لفيبر مقوي..وسعر الترس ده 70 جنيه في الوكالة ومتحاولش تروح التوكيل عشان هيقولولك عاوزة ماكينة زجاج بـ 2500 جنيه ( تقليب الزبون ).

لو مافيهاش تعب ممكن تقولنا عملت الموضوع ده عند مين ؟ و عنوانه فين بالضبط ؟

**inspiron** · 20-06-2013 01:34 AM

المشاركة الأصلية كتبت بواسطة amrevo

تقرير جااااااامد اوووووى انا حاسس ولله وانت بتحكى كانك بتكلم على العربية بتاعتى فعلا تقييمك جميييل جدجداجدا ولله ياجماعه كلام دة صح مية فى المية وعن تجربة وانا معايا نفس العربية بس موديل 2011
ربنا يباركلك فيها ويكفيك شرها وعقبالى كدة اما اقفل ال 100000 الف واجى اقطع عليك ^_^

يا باشا ربنا يكرمك وحقاً هي سيارة تستحق الإحترام..وعقبال ما تعمل المليون كيلو ان شاء الله

المشاركة الأصلية كتبت بواسطة digital_joe

لو مافيهاش تعب ممكن تقولنا عملت الموضوع ده عند مين ؟ و عنوانه فين بالضبط ؟

مفيش تعب يا باشا ولا حاجة..الموضوع أنا عملته بنفسي.ولا الحوجة للصنايعية.وهو سهل بس محتاج تركيز وصبر.