نويت أشتري الـ C-Elysee بس قلقان من شوية حاجات

يا جماعة أنا عايز أحجز الإليزية اليومين دول بس سألت اتنين من صحابي قالولي المشكلة في الستروين عموماً أن قطع غيارها غالية وصيانتها صعبة وتوكيلها مش معروف أوي بعكس توكيلات العربيات الكوري والياباني ، وكمان المشكلة في إعادة بيعها ونصحوني أشتري كوري أو ياباني عشان أريح دماغي. أنا العربية عجباني جداً وعايز أشتريها بس كلامهم قلقني جداً فأنا عايز أعرف رأيكم ضروري وخاصة في أسعار الصيانة هل فعلا مكلفة ، يعني الفانوس الأمامي مثلا بكام - المراية الجانبية بكام - تغيير الزيت والتيل بكام ومن خلال أسعار الحاجات دي هقدر أقيم أسعار صيانة باقي العربية وبالنسبة للتوكيل أنا عارف انه عز العرب فهل عز العرب توكيل محترم وبيقدم الصيانة بسهولة وبيحترم العملاء زي توكيلات الكوري والياباني. وهل أتوكل على الله وأنزل أحجزها - أنا خايف أندم بعد كدة لو لقيت ان صيانتها هتدوخني ، كمان موضوع إعادة البيع ده يمكن ميفرقش معايا كتير لأني مش ناوي أبيع قبل خمس سنين بس برضو مهما كان أنا مش عايز أرمي فلوسي على الأرض وخاصة إنهم قالولي أن سعرها هينزل نص الثمن بمجرد ما اتحركت من المعرض وإني مش هلاقي مشتري بسهولة يعني بالبلدي كدة سوقها مش ماشي حسب ما قالولي. فإيه رأيكم في كل النقاط اللي اتكلمت فيها.

رأيكم هيساعدني كتير يا رجالة ربنا يكرمكم.

بص هوه صح بنسبة كبيرة و بتلاقيه في اغلب الاوروبي المتوسط رينو & سيتروين & اوبل .... بيبقي ليه زباينه فسوقه مش جامد زي الكوري ....برضه تعرف اكتر من راكبي السيتروين
ربنا يهديك للخير ان شاء الله

بص يا جميل هو الاوربي مختلف تماما عن الكوري والكلام ده كله

العربيات الاوربي اعتمادية جدا وقطع غيارها معمرة ومختلفة تماما عن الكوري

وانت ان شاء الله تركب مش حتقابلاك مشاكل قبل الخمس سنين

انا كان معايا الكورسا وبرغم قطع غيارها الغير متوفرة واسعارها العالية بس طوال عشر سنين مقابلتنيش فيها مشاكل الحمد لله اللهم فقط تغير طرمبة بنزين ، موبينة ، طقم دبرياج

حاجة كمان ،، انت بتحط قطعة الغيار وتنساها

انا كنت قلقان من كل الحاجات اللي انت قولتها ،، بس في الاخر فكرت وقولت انا حدفع مبلغ كبير ،، واروح اركب كوري ولا ياباني اقل من اللي كن راكبها من ١٠ سنين

حاجة كمان
العربية سعرها كويس جدا وارخص من الاكسنت الار بي والريو ،، وده ان شاء الله حيعملها انتشار وقطع الغيار حتتوفر ان شاء الله

اقتباس:

---

المشاركة الأصلية كتبت بواسطة mahmoudhanfe

بص يا جميل هو الاوربي مختلف تماما عن الكوري والكلام ده كله

العربيات الاوربي اعتمادية جدا وقطع غيارها معمرة ومختلفة تماما عن الكوري

وانت ان شاء الله تركب مش حتقابلاك مشاكل قبل الخمس سنين

انا كان معايا الكورسا وبرغم قطع غيارها الغير متوفرة واسعارها العالية بس طوال عشر سنين مقابلتنيش فيها مشاكل الحمد لله اللهم فقط تغير طرمبة بنزين ، موبينة ، طقم دبرياج

حاجة كمان ،، انت بتحط قطعة الغيار وتنساها

انا كنت قلقان من كل الحاجات اللي انت قولتها ،، بس في الاخر فكرت وقولت انا حدفع مبلغ كبير ،، واروح اركب كوري ولا ياباني اقل من اللي كن راكبها من ١٠ سنين

حاجة كمان
العربية سعرها كويس جدا وارخص من الاكسنت الار بي والريو ،، وده ان شاء الله حيعملها انتشار وقطع الغيار حتتوفر ان شاء الله

---

+111111111111

اقتباس:

---

بص هوه صح بنسبة كبيرة و بتلاقيه في اغلب الاوروبي المتوسط رينو & سيتروين & اوبل .... بيبقي ليه زباينه فسوقه مش جامد زي الكوري

---

شكراً مستر هيما :)

اقتباس:

---

العربية سعرها كويس جدا وارخص من الاكسنت الار بي والريو ،، وده ان شاء الله حيعملها انتشار وقطع الغيار حتتوفر ان شاء الله

---

كلامك مقنع مستر محمود وفعلا العربية تحس انها أرخص من تمنها الحقيقي وإنها هتنتشر بس ده لو فضلت على كدة ومرفعتش سعرها.

بس ياريت لو في حد يكون اتعامل مع عز العرب ويقدر يكلمنا عن توكيلها في عز العرب هل هما بيحترموا عملائهم وبيقدملهم خدمة محترمة وهل هيبقى فيه في التوكيل ناس فاهمة فعلا في العربية ولا مثلا هروح أعملها صيانة فحاجة أرجعها خربانة في خمس حاجات.

اقتباس:

---

المشاركة الأصلية كتبت بواسطة megop6m

يا جماعة أنا عايز أحجز الإليزية اليومين دول بس سألت اتنين من صحابي قالولي المشكلة في الستروين عموماً أن قطع غيارها غالية وصيانتها صعبة وتوكيلها مش معروف أوي بعكس توكيلات العربيات الكوري والياباني ، وكمان المشكلة في إعادة بيعها ونصحوني أشتري كوري أو ياباني عشان أريح دماغي. أنا العربية عجباني جداً وعايز أشتريها بس كلامهم قلقني جداً فأنا عايز أعرف رأيكم ضروري وخاصة في أسعار الصيانة هل فعلا مكلفة ، يعني الفانوس الأمامي مثلا بكام - المراية الجانبية بكام - تغيير الزيت والتيل بكام ومن خلال أسعار الحاجات دي هقدر أقيم أسعار صيانة باقي العربية وبالنسبة للتوكيل أنا عارف انه عز العرب فهل عز العرب توكيل محترم وبيقدم الصيانة بسهولة وبيحترم العملاء زي توكيلات الكوري والياباني. وهل أتوكل على الله وأنزل أحجزها - أنا خايف أندم بعد كدة لو لقيت ان صيانتها هتدوخني ، كمان موضوع إعادة البيع ده يمكن ميفرقش معايا كتير لأني مش ناوي أبيع قبل خمس سنين بس برضو مهما كان أنا مش عايز أرمي فلوسي على الأرض وخاصة إنهم قالولي أن سعرها هينزل نص الثمن بمجرد ما اتحركت من المعرض وإني مش هلاقي مشتري بسهولة يعني بالبلدي كدة سوقها مش ماشي حسب ما قالولي. فإيه رأيكم في كل النقاط اللي اتكلمت فيها.

رأيكم هيساعدني كتير يا رجالة ربنا يكرمكم.

---

بص يا باشا ، نصيحة أخوية من واحد ركب كورى و يابانى و أوروبى ، سيبك من معايير السوق المصرى و ثقافة امشى مع القطيع دى ، شوف العربيات اللى انت محتار بينهم و اركبهم و قارن أوبشنز و أمان و خامات و صلى استخارة و اتكل على الله ، مبدأ اعادة البيع أنا معاك انه مبدأ يتحط فى الاعتبار بس من واقع اللى شوفته دايماً العبرة بحالة العربية ، لو عربيتك متحافظ عليها و حالتها ممتازة ، لو جيت تبيع هتتباع ، أنا قدام عينى شبه اتعمل مزاد على سيتروين سى 4 عشان كانت حالة ممتازة و صيانة توكيل فا كانت لقطة لكل واحد بيدور على سيتروين (أهم حاجة انه يكون بيدور عليها مش بيدور على عربية و خلاص أو أى حاجة صيانة رخيصة و خلاص ، يعنى من الاخر الأوروبى ليه زبونه) ، بس عموماً الفئات اللى نازلة من الأوروبى مؤخراً زى الاليزيه و 301 و قبلهم اللوجان و السانديرو (و دول فئات أقل طبعاً على قد سعرهم) نازلين أصلاً للمنافسة فى الفئات الاقتصادية و متوقع انتشارهم نظراً للقيمة مقابل السعر ، بالنسبة بقى لقطع الغيار و الصيانة فى الاليزيه اللى بتسأل عليها صعب حد يديك كلام أكيد بخصوص أسعار قطع الغيار لأن العربية لسة متسلمتش ، لو حابب العربية استنى شهر كده لما حد يستلم و يعمل عنها تقرير و اتصل بعز العرب اسأل على توافر قطع الغيار الاستهلاكية (تيل ، سيور ، فلاتر) و أسعارهم ، و ربنا يوفقك للى فيه الخير..

اقتباس:

---

المشاركة الأصلية كتبت بواسطة megop6m

يا جماعة أنا عايز أحجز الإليزية اليومين دول بس سألت اتنين من صحابي قالولي المشكلة في الستروين عموماً أن قطع غيارها غالية وصيانتها صعبة وتوكيلها مش معروف أوي بعكس توكيلات العربيات الكوري والياباني ، وكمان المشكلة في إعادة بيعها ونصحوني أشتري كوري أو ياباني عشان أريح دماغي. أنا العربية عجباني جداً وعايز أشتريها بس كلامهم قلقني جداً فأنا عايز أعرف رأيكم ضروري وخاصة في أسعار الصيانة هل فعلا مكلفة ، يعني الفانوس الأمامي مثلا بكام - المراية الجانبية بكام - تغيير الزيت والتيل بكام ومن خلال أسعار الحاجات دي هقدر أقيم أسعار صيانة باقي العربية وبالنسبة للتوكيل أنا عارف انه عز العرب فهل عز العرب توكيل محترم وبيقدم الصيانة بسهولة وبيحترم العملاء زي توكيلات الكوري والياباني. وهل أتوكل على الله وأنزل أحجزها - أنا خايف أندم بعد كدة لو لقيت ان صيانتها هتدوخني ، كمان موضوع إعادة البيع ده يمكن ميفرقش معايا كتير لأني مش ناوي أبيع قبل خمس سنين بس برضو مهما كان أنا مش عايز أرمي فلوسي على الأرض وخاصة إنهم قالولي أن سعرها هينزل نص الثمن بمجرد ما اتحركت من المعرض وإني مش هلاقي مشتري بسهولة يعني بالبلدي كدة سوقها مش ماشي حسب ما قالولي. فإيه رأيكم في كل النقاط اللي اتكلمت فيها.

رأيكم هيساعدني كتير يا رجالة ربنا يكرمكم.

---

لو انت مش مقتنع بالستروين ماتركبهاش

اقتباس:

---

بص يا باشا ، نصيحة أخوية من واحد ركب كورى و يابانى و أوروبى ، سيبك من معايير السوق المصرى و ثقافة امشى مع القطيع دى ، شوف العربيات اللى انت محتار بينهم و اركبهم و قارن أوبشنز و أمان و خامات و صلى استخارة و اتكل على الله ، مبدأ اعادة البيع أنا معاك انه مبدأ يتحط فى الاعتبار بس من واقع اللى شوفته دايماً العبرة بحالة العربية ، لو عربيتك متحافظ عليها و حالتها ممتازة ، لو جيت تبيع هتتباع ، أنا قدام عينى شبه اتعمل مزاد على سيتروين سى 4 عشان كانت حالة ممتازة و صيانة توكيل فا كانت لقطة لكل واحد بيدور على سيتروين (أهم حاجة انه يكون بيدور عليها مش بيدور على عربية و خلاص أو أى حاجة صيانة رخيصة و خلاص ، يعنى من الاخر الأوروبى ليه زبونه) ، بس عموماً الفئات اللى نازلة من الأوروبى مؤخراً زى الاليزيه و 301 و قبلهم اللوجان و السانديرو (و دول فئات أقل طبعاً على قد سعرهم) نازلين أصلاً للمنافسة فى الفئات الاقتصادية و متوقع انتشارهم نظراً للقيمة مقابل السعر ، بالنسبة بقى لقطع الغيار و الصيانة فى الاليزيه اللى بتسأل عليها صعب حد يديك كلام أكيد بخصوص أسعار قطع الغيار لأن العربية لسة متسلمتش ، لو حابب العربية استنى شهر كده لما حد يستلم و يعمل عنها تقرير و اتصل بعز العرب اسأل على توافر قطع الغيار الاستهلاكية (تيل ، سيور ، فلاتر) و أسعارهم ، و ربنا يوفقك للى فيه الخير..

---

كلام جميل ومريح

اقتباس:

---

لو انت مش مقتنع بالستروين ماتركبهاش

---

مين قال اني مش مقتنع بالعربية بالعكس أنا عارف ان العربية تحفة وإنها لا تقارن أصلا بالكوري والياباني من فئتها أنا بس قلقان من التوكيل والصيانة وتوافر قطع الغيار لو كانت الحاجات دي كلها تمام يبقى العربية دي لازم تكتسح.

هايل .. انا متابع معاكوا علشان انا حجزت العربية اصلا ولسه مش عارف هجيبها ولا لأ .. المفروض استلم اخر مايو .. ربنا يسهل ونشوف من هنا لحد اخر مايو ايه اللى هيحصل

انا شخصيا شايف ان العربية هتبقى تحفة لو فعلا كانت ممتازة (لان سعرها اقل من الطبيعي بتاع سيتروين) .. ربنا يسهل ان شاء الله

اتصلت بعز العرب النهاردة وقال ان سعر الفوانيس الأمامية للـ Elysee بـ 1200 جنيه مش عارف ايه رأيكو هل 1200 غالي ولا ايه وقاللي انه أرخص من فوانيس الصني والريو الجداد واللي سعر الفوانيس الأمامية بتاعتها بـ 1800 جنيه بس أنا مش عارف هل فعلا الفوانيس الأمامية للصني والريو بتكون 1800 فعلاً ، محتاجين حد ركب الصني أو الريو وجرب عشان يقولنا وكمان قاللي ان التيل بـ 550 و 450 أعتقد قصده على الخلفي والأمامي وقاللي انهم أول مرة ينزلو عربيه بالفئة دي لأن كل العربيات اللي كانت بتنزل كانت فئات عالية وبسعر عالي وده سبب عدم انتشارها وقال انهم حاطين آمال كبيرة على العربية دي انها تنافس بقوة في السوق وعشان كدة هتكون قطع غيارها كمان منافسة على حسب ما قال.

مقالش العربية هتيجي امتى؟

اخر مرة سالت والكلام من خلال تواجدى فى فرع العجوزة يوم 12/4/2013 سعر الفانوس الامامى 800 جنية على حد قول مسؤل المبيعات ا/ جورج لما سالتة قالى انهم مرتبطين بسعر الدولار ودة البيغلى اسعار سياراتهم وبالتالى اسعار قطع الغيار بالتتابع وواضح انها زادت زى ما حضرتك ذكرت


بالنسبة لاسعار الصنى لو حابب تعمل مقارنة :
فانوس امامى : 945
- تيل امامى = 530
- تيل خلفى = 358
- فلتر زيت = 50
- فانوس خلفى = 580

ستروين سى اليزية جيدة جدا فى ظل الاسعار الحالية ومن راى انها اعلى من فئة الصنى والريو لاكن لو بدأو يزيدو الاسعار ورفعو اسعار قطع الغيار يبقى مش حنتوقع نجاح للسيارة وانتشار زى ما بنتمنى

اقتباس:

---

المشاركة الأصلية كتبت بواسطة megop6m

كلام جميل ومريح



مين قال اني مش مقتنع بالعربية بالعكس أنا عارف ان العربية تحفة وإنها لا تقارن أصلا بالكوري والياباني من فئتها أنا بس قلقان من التوكيل والصيانة وتوافر قطع الغيار لو كانت الحاجات دي كلها تمام يبقى العربية دي لازم تكتسح.

---

كويس
بالنسبة للتوكيل ...انا المرات اللى اتعاملت معاهم فيها(قسم الستروين) كانوا محترمين بس طبعا اسعار غالية فى قطع الغيار والصيانات
بالنسبة لتوافر قطع الغيار اعتقد انك مش هاتلاقى برة التوكيل عى الاقل فى الفترة الاولى علشان العربية لسة جديدة وممكن كمان متلاقيش فى التوكيل نفسه بعض الحاجات...هو ده حال كل العربيات الجديدة

اقتباس:

---

المشاركة الأصلية كتبت بواسطة megop6m

يا جماعة أنا عايز أحجز الإليزية اليومين دول بس سألت اتنين من صحابي قالولي المشكلة في الستروين عموماً أن قطع غيارها غالية وصيانتها صعبة وتوكيلها مش معروف أوي بعكس توكيلات العربيات الكوري والياباني ، وكمان المشكلة في إعادة بيعها ونصحوني أشتري كوري أو ياباني عشان أريح دماغي. أنا العربية عجباني جداً وعايز أشتريها بس كلامهم قلقني جداً فأنا عايز أعرف رأيكم ضروري وخاصة في أسعار الصيانة هل فعلا مكلفة ، يعني الفانوس الأمامي مثلا بكام - المراية الجانبية بكام - تغيير الزيت والتيل بكام ومن خلال أسعار الحاجات دي هقدر أقيم أسعار صيانة باقي العربية وبالنسبة للتوكيل أنا عارف انه عز العرب فهل عز العرب توكيل محترم وبيقدم الصيانة بسهولة وبيحترم العملاء زي توكيلات الكوري والياباني. وهل أتوكل على الله وأنزل أحجزها - أنا خايف أندم بعد كدة لو لقيت ان صيانتها هتدوخني ، كمان موضوع إعادة البيع ده يمكن ميفرقش معايا كتير لأني مش ناوي أبيع قبل خمس سنين بس برضو مهما كان أنا مش عايز أرمي فلوسي على الأرض وخاصة إنهم قالولي أن سعرها هينزل نص الثمن بمجرد ما اتحركت من المعرض وإني مش هلاقي مشتري بسهولة يعني بالبلدي كدة سوقها مش ماشي حسب ما قالولي. فإيه رأيكم في كل النقاط اللي اتكلمت فيها.

رأيكم هيساعدني كتير يا رجالة ربنا يكرمكم.

---

عز العرب حلة الموشكله الاساسيه في سيارات الستروين!!!! هاتقولي ايه وازاي
موشكلة ستروين كان في سعر اعادة بيعها، صح؟؟ كانت العربيه سعرها ينزل الارض لو حبيت تبيعها
عزب العرب بقى حلة الموشكله دي لو حبيت تستغنى عن عربيتك عز العرب هاتشتريها منك وبأعلى سعر ليها ع حسب حالتها يعني ما تقلقش دوس فيها وربنا يباركلك فيها :S_thum1[1]:

طب تكييف العربية دى هيبقى عامل ازاى انا اسمع ان تكييف الستروين عموما بيبقى ضعيف و الا ايه؟

اقتباس:

---

المشاركة الأصلية كتبت بواسطة mucho

عز العرب حلة الموشكله الاساسيه في سيارات الستروين!!!! هاتقولي ايه وازاي
موشكلة ستروين كان في سعر اعادة بيعها، صح؟؟ كانت العربيه سعرها ينزل الارض لو حبيت تبيعها
عزب العرب بقى حلة الموشكله دي لو حبيت تستغنى عن عربيتك عز العرب هاتشتريها منك وبأعلى سعر ليها ع حسب حالتها يعني ما تقلقش دوس فيها وربنا يباركلك فيها :s_thum1[1]:

---

ايه ده ؟؟ حضرتك متأكد من الكلام ده؟

اقتباس:

---

المشاركة الأصلية كتبت بواسطة cameeron

طب تكييف العربية دى هيبقى عامل ازاى انا اسمع ان تكييف الستروين عموما بيبقى ضعيف و الا ايه؟

---

ياريييت اي حد من الخبره يتأكدلنا من موضوع التكيييف ده؟؟ عشان انا بقلق من تكييف الفرنساوي عامه؟

انا كنت سألت علي تكييف السيتروين سي اليزيه وقالولي انه ياباني :S_thum1[1]:

بس يارييت حد يأكدلنا المعلومه دي

اقتباس:

---

عز العرب حلة الموشكله الاساسيه في سيارات الستروين!!!! هاتقولي ايه وازاي
موشكلة ستروين كان في سعر اعادة بيعها، صح؟؟ كانت العربيه سعرها ينزل الارض لو حبيت تبيعها
عزب العرب بقى حلة الموشكله دي لو حبيت تستغنى عن عربيتك عز العرب هاتشتريها منك وبأعلى سعر ليها ع حسب حالتها يعني ما تقلقش دوس فيها وربنا يباركلك فيها

---

مين اللي قالك كدة ، أعتقد ان الكلام ده غلط لأن الكلام ده لو صح يسيء لسمعة الشركة ، يعني الشركة هتشتريها مستعملة تعمل بيها ايه هتظبطها وترشها وتبيعها تاني مثلا :)
بس لو متأكد ياريت تقولنا جبت الكلام ده منين ؟

اقتباس:

---

المشاركة الأصلية كتبت بواسطة megop6m

مين اللي قالك كدة ، أعتقد ان الكلام ده غلط لأن الكلام ده لو صح يسيء لسمعة الشركة ، يعني الشركة هتشتريها مستعملة تعمل بيها ايه هتظبطها وترشها وتبيعها تاني مثلا :)
بس لو متأكد ياريت تقولنا جبت الكلام ده منين ؟

---

عز العرب عنده قسم كامل للمستعمل و بيبيع انواع كتيرة جدا مستعمل مرسيدس و بى ام دابليو و فولفو و دودج و ستروين و ... .. و تقدر تتأكد من كلامى من الاهرام للسيارات كل جمعة بينزلوا اعلانات فى ماركات مختلفة عن العربيات اللى عندهم

هو يا باشا بياخد منك العربية مقابل انك تكمل الثمن و تجيب عربية تانية من عندهم trade in و بعدين لو فيها مشكلة ولا حاجة يظبطها و يبيعها مستعمل عادى خالص و الناس تشتريها على انها مستعملة يعنى مفيش اى غش او خداع حضرتك بس بتروح تشترى من عنده لأنه توكيل كبير يعنى مش هينصب عليك فى عربية او ورق مضروب او الكلام ده

الكلام ده موجود فعلا فى عز العرب و ناس هنا اشترت عربيات مستعملة من هناك و العربيات زى الفل مفيش مشاكل ..

بس معرفش هل السياسة ديه مطبقة على السى اليزيه ولا لا

اقتباس:

---

المشاركة الأصلية كتبت بواسطة mohab.nabil

عز العرب عنده قسم كامل للمستعمل و بيبيع انواع كتيرة جدا مستعمل مرسيدس و بى ام دابليو و فولفو و دودج و ستروين و ... .. و تقدر تتأكد من كلامى من الاهرام للسيارات كل جمعة بينزلوا اعلانات فى ماركات مختلفة عن العربيات اللى عندهم

هو يا باشا بياخد منك العربية مقابل انك تكمل الثمن و تجيب عربية تانية من عندهم trade in و بعدين لو فيها مشكلة ولا حاجة يظبطها و يبيعها مستعمل عادى خالص و الناس تشتريها على انها مستعملة يعنى مفيش اى غش او خداع حضرتك بس بتروح تشترى من عنده لأنه توكيل كبير يعنى مش هينصب عليك فى عربية او ورق مضروب او الكلام ده

الكلام ده موجود فعلا فى عز العرب و ناس هنا اشترت عربيات مستعملة من هناك و العربيات زى الفل مفيش مشاكل ..

بس معرفش هل السياسة ديه مطبقة على السى اليزيه ولا لا

---

والله دي حاجة جميلة جداً ده لو كدة يبقى كل المشاكل اللي أنا والناس كلها متخوفة منها اتحلت يعني اعادة البيع ومتوفر وسهل للشركة قطع الغيار مش غالية زي ما اعلن عنها في ملحق أهرام الجمعة اللي فاتت والتوكيل أعتقد انو أكيد هيكون توكيل محترم جداً وكفاية انه واخد توكيلات لـ 7 ماركات عالمية ومنهم فولفو.

اقتباس:

---

المشاركة الأصلية كتبت بواسطة Mohab.Nabil

عز العرب عنده قسم كامل للمستعمل و بيبيع انواع كتيرة جدا مستعمل مرسيدس و بى ام دابليو و فولفو و دودج و ستروين و ... .. و تقدر تتأكد من كلامى من الاهرام للسيارات كل جمعة بينزلوا اعلانات فى ماركات مختلفة عن العربيات اللى عندهم

هو يا باشا بياخد منك العربية مقابل انك تكمل الثمن و تجيب عربية تانية من عندهم trade in و بعدين لو فيها مشكلة ولا حاجة يظبطها و يبيعها مستعمل عادى خالص و الناس تشتريها على انها مستعملة يعنى مفيش اى غش او خداع حضرتك بس بتروح تشترى من عنده لأنه توكيل كبير يعنى مش هينصب عليك فى عربية او ورق مضروب او الكلام ده

الكلام ده موجود فعلا فى عز العرب و ناس هنا اشترت عربيات مستعملة من هناك و العربيات زى الفل مفيش مشاكل ..

بس معرفش هل السياسة ديه مطبقة على السى اليزيه ولا لا

---

فعلا موضوع trade in ده حقيقي وأنا كنت هناك النهاردة وسألتهم عليه وإتأكدت انو حقيقي بس لازم تشتري عربية تانية من عندهم.
الحمد لله حجزت C-Elysee Exclusive اللون السيلفر ومقدم الحجز 500 جنيه.

عز العرب فعلاً عنده قسم للمستعمل و ساعات كمان بينزلوا اعلانات على كونتاكت كارز (أنا شوفت واحد قبل كده و كلمتهم كمان ساعتها) و بيبقوا كاتبين تحتيه مجموعة عز العرب و بتتفرج هناك...

طيب من فضلكم يا جماعه قولولي عنوان فرع العجوزه بتاعهم ده عنوانه ايه ؟؟ او فين فى العجوزه بالظبط عشان عايز اروح النهارده

لو جاي من الجيزة هتوصل لحد كوبري الدقي تطلع وتنزل هيقابلك مطلع كوبري اكتوبر على اليمين متطلعوش ، هتنزل من تحتو يمين في شارع اسمه شارع شاهين هتلاقي عز العرب على اليمين.

اقتباس:

---

المشاركة الأصلية كتبت بواسطة megop6m

مين اللي قالك كدة ، أعتقد ان الكلام ده غلط لأن الكلام ده لو صح يسيء لسمعة الشركة ، يعني الشركة هتشتريها مستعملة تعمل بيها ايه هتظبطها وترشها وتبيعها تاني مثلا :)
بس لو متأكد ياريت تقولنا جبت الكلام ده منين ؟

---

مش بيسئ لسمعة الشركه ولا حاجه
النظام ده متبع في الخليج من زمان
وموجود في مصر في توكيل رينو وواحد صاحبي جايب الميجان بتاعته مستعمله من الوكيل نفسه
وكمان موجود في توكيل بي أم دبليو و ميني كوبر
بس مش عارف موجود في توكيلات تانيه في مصر ولا لأ
ولو دخلت قسم هيونداي هتلاقي اني سالت على الموضوع ده هل غبور بيعمله ولا لأ
وده لينك للموضوع لو حابب تشوفه

http://www.nilemotors.net/Nile/355279-a.html

بس اللي انا متاكد منه ان التوكيل لما ييجي يشتري العربيه برضوا هيشتريها رخيصه لانها بتخسر كتير في سوق المستعمل وملهاش سوق والتوكيل مش هياخدها يشربها ده لسه عاوز يحط عليها مكسبه ويبيعها ولما يبيعها مش هتتباع لو رفع سعرها اوي عشان هي اصلا مش عليها طلب فأكيد العربيه هتخسر كتير
بس بصراحه العربيه حلوه لو اي حد عاوز يشتريها ومش فارق معاه اوي سعر اعاده البيع يبقى بالنسبه له العربيه دي لقطه بجد

اقتباس:

---

المشاركة الأصلية كتبت بواسطة megop6m

لو جاي من الجيزة هتوصل لحد كوبري الدقي تطلع وتنزل هيقابلك مطلع كوبري اكتوبر على اليمين متطلعوش ، هتنزل من تحتو يمين في شارع اسمه شارع شاهين هتلاقي عز العرب على اليمين.

---

هتلاقي عز العرب على الشمال آسف وهتلاقيه مكتوب عليه ستروين بالانجليزي بشكل واضح.