عرض للطباعة
السلام عليكم ورحمة الله وبركاته
لو سمحتوا يا جماعة انا اول مرة اشارك فى منتدى البيجو هنا بس عارف ان انتوا اكتر ناس هتفيدنى
انا معايا اوبل استر 2002 وقطع غيارها غالية جدا
والمفروض انى هروح النهاردة او الاثنين هشوف عربية بيجو 406 موديل 2003
فكنت عاوز اعرف كل حاجة عنها اسعار قطع الغيار من سير كاتينة وقواعد موتور وسير مجموعة وطقم الدبرياج الموتور يتاعها ايه اهم العيوب اللى فيه (بالرغم من انى سمعت انها عربية محترمة جدا) واسعار الفوانيس الاصلية والرفارف
كل حاجة افادكم الله
بص هي عربيه وحش عالارض و فخامه بلا حدود و تصميم ولا اروع
بس 2000 سي سي و المصيبه 2 كامه يعني غول بنزين حبتين
المشكله غالبا كباقي البيجو قبل 2008 الفتيس و دي يؤكدهالك الميكانيكيه بتوع البيجو
و قطع غيارها غاليه حبتين و الدينامو برضه فيه شويه مشاكل بس من بورسعيد القطع رخيصه عن باقي الجمهوريه
و فكر كويس لانها 2000 سي سي يعني حضرتك بره الدعم رسمي و الماتور الكبير
و ربنا يوفقك
و برضه استني رأي الناس و اقرا كويس عنها سواء بالايجاب او السلب
و كون فكره عامه عنها و شوف و ضعك المادي يسمح ولا لأ
و ربنا يوفقك
من احشن ما انتجت بيجو
عربيه محترمه الي ابعد مما تتخيل
انت راجل نازل من اوبل حتحس بطفره
العربيه لو مضبوطه استهلاك البنزين بتاعها اقل من 1600 في السفر ومتوسط معدلات الاستهلاك بتاعها داخل البلد وقياده متنوعه تقارب 1600 .
قطع غيارها في العادي ذيها ذي الكوري والياباني
وتتفوق ان في منها استيراد كتير
اهم حاجه فيها الفتيس انصحك بموديل 2004 الي 2006
موتور احسن وفتيس افضل
اكشف عليها كويس جدا ولاترضي بحاله نص نص
اخي الفاضل
هذا موضوع لاحد الأعضاء
http://www.nilemotors.net/Nile/355534-405-2013-a.html
أنا عارف أنك بتحاول تساعد, بس اللنك أللي أنت حاطة دا عن البيجو 405اقتباس:
المشاركة الأصلية كتبت بواسطة unreachable123
والموضوع هنا بيتكلم عن البيجو 406,, فالعربيتين مختلفتين.
ده غير الموضوع قدييييييييييييييييم
بس العربيه تستاهل
حمدلله علي السلامة يا أبويحي,
عاش من شافك في القسم.
حبيبي واللهاقتباس:
المشاركة الأصلية كتبت بواسطة leitosr
بس منها لله السياسه
معلش بس أبعد عن المنتدي بتاع أحوال الشارع المصري دا,اقتباس:
المشاركة الأصلية كتبت بواسطة abou-yahia
هيرفع لك الضغط, وهيضيع لك الوقت, ومش هتاخد منه حاجة في الأخر,
غير حرقة دم كل يوم..
واللي عايزة ربنا هيكون إن شاء الله,
وإن شاء الله هيكون كل خير لمصر. :tumb:
عربيه جميله جدا بس من 2003 وطالع علشان قبل 2001 كان فى مشاكل فى الفتيس والموتور وعاجوها من اول 2003
ويستحسن انك تكشف عليها فى التوكيل علشان العربيه دى لو ميكاميكى مش فاهم لعب فيها بيبوظها وبيبقى شغل عك
والعربيه دى لو فعلا نضيفه هاتحس انك راكب طياره فخامه وشياكه وثبات وامان
السلام عليكم .. حضرتك انا معايا اختها الكبيره 605 ونفس موتور الموديل القديم منها وواحد صاحبى معاه ال2004 اللى حضرتك تقصدها .. العربيات دى احلى عربيات ممكن حضرتك تركبها بعد المرسيدس فى نفس الموديل واسعارها رخيصه وانا لما بحتاج حاجه فى عربيتى بدور لو زى ال406 عشان حاجتها ارخص نسبيا من عربيتى وبالتوفيق ان شاء الله
عربية محترمة ولا تتردد وحتتعب في اﻷول بس لغاية متلاقي ميكانيكي دماغه تمشي مع دماغك ويريحك وقطع غيارها موجودة.في الحرفيين وموجودة في التوفيقية وموجودة في في لازوغلي والفوانيس اﻷمامية جديدة ب 800 جنيه اﻹثنين وتوكل على الله
ودمتم للنضال....اقتباس:
المشاركة الأصلية كتبت بواسطة saddam
ياراجل متزهقش أستاذ صدام. :grinder: :grinder: :grinder:اقتباس:
المشاركة الأصلية كتبت بواسطة جيفارا
وهوا فعلاً بقي ينساها كتير اليومين دوول, وأحنا كذا مرة نفكرة. :M_yes[1]:
طيب يا جماعة انا كنت هجيب 307 اس دابليو 2008 وعرفت ان فيها مشاكل كتير .... وانا اصلا كنت بفكر فى ال 406 قبليها بس حبيت ابص للرفاهية اكتر وحاجة اوسع ..... بعد اذنكم ممكن حد يقولي انا معايا 75 _85 ومش عارف استقر على حاجة كويسة ممكن تدوني رأيكم مع العلم انى بسافر كل 10 ايام تقريبا اسكندرية وبرجع تاني القاهرة
محتاج راى باقى الملاك للاهميه يا شباب ؟