الموضوع: مشكلة تأخر دوران المحرك بعد ايقافه بلحظات في الجو الحار

المشاركة الأصلية كتبت بواسطة amrmamdooh

مشكلة تأخر دوران المحرك بعد ايقافه بلحظات في الجو الحار

السياره سوزوكي ماروتي 2013 عامله 4350 كيلو
المشكله هيا اني لما ببطل العربيه ف الحر ييجي مثلا ربع ساعه وآآجي ادور تاني بتأخر جدا و ما تدورش الا بعد 3 محاولات و بستنى طبعا 10 ثواني بين كل تدويره و التانيه
انا سمعت ان ده من تأثير الحر و سخونة الماتور على الموبينه - طيب لو الكلام ده صحيح ايه الحل و اعمل اي تفاديا لتلف الموبينه و انتوا طبعا عارفين ان حاجة الفابريكه ما تتعوضش و شكرا مقدما ً

حاجه من اتنين...
اما ظبطية الكهربا مش قد كده
او ان الموبينا تعبانه ومع السخونه بتريح
الحل سهل
اما انك تظبط الكهربا عند حد كويس (متقوليش التوكيل لانهم اكتر ناس بتظبطها غلط) او انك تغير الموبينه لواحده الكتروني ودي تمنها من 75 الى 90 جنيه


تحياتي

المشاركة الأصلية كتبت بواسطة مهند-النجار

الحكاية دي بتحصل معايا لحد دلوقتي
و ده طبيعي بصيت ف الكتالوج بتاع العربية لقيته بيقول عند تدوير العربية و هيا سخنه تدوس سنة بنزين بسيطه و الله اعلم
للعلم انا مغير موبينه الكتروني

مهو ده معناته ان الكهربا عندك مش مظبوطه....

بالنسبه للكتالوج ممكن تقولي الكلام ده في انهي صفحه؟؟؟
تحياتي

المشاركة الأصلية كتبت بواسطة مهند-النجار

دكتور حازم يعني اية الكهربه مش مظبوطه و اية العلامات اللي تخليك تعرف ان الكهربا مش مظبوطة

الكتالوج صفحه 51

5-2

operating your vehichle

اي خدمه

هتكلم عن الاعراض كمان شويه
لكن انا راجعت الكتالوج واعتقد انك مقرأتش قبل الموضوع ده
http://www.nilemotors.net/Nile/280941-a.html

الموضوع ده اتكلمت عن الطريقه المثلى لتشغيل العربيه الماروتي....

واعتقد انك تقصد الجزئيه دي من الكتالوج..


طبعا الكلام المكتوب ميختلفش كتير عن اللي انا كتبته في الموضوع السابق ذكره

مبدئيا هما كاتبن ان الكلام ده بخصوص العربيه الانجكشن لكنه فعليا ينطبق عن الكربيراتير جزئيا

اول نقطه انه تم تعريف المحرك البارد بانه المحرك اللي بيقعد 6 ساعات او اكتر دون تشغيل
هو بيتكلم انك تشغل بدون متدوس حاجه وتوقف تشغيل المارش اول اما المحرك ميدورش

تاني نقطه ان لو المحرك مشتغلش خلال 15 ثانيه مارش هتستنى 15 ثانيه وتضغط ثلث البدال بتاع البنزين وانت بتشغل...
بيقولك لو بعد كل ده مشتغلش الماتور هتدوس الدواسه لآخرها وانت بتشغل...

الكلام ده جميل جدا لو فعلا العربيه انجكشن مش على رداخ بنزين وكربيراتير
اما لان العربيه برداخ وطرمبه ميكانيكيه الكلام ده مش هينفع...

عربيتنا بتحتاج طريقة معينه تم ذكرها مسبقا ...

وهتكلم في المشاركه الجايه على قصة مشاكل ظبط الكهربا وبعض اعراضها ان شاء الله

تحياتي

على سبيل المثال لا الحصر من مشاكل ظبط كهربة العربيه (او الكلام العلمي ظبط نظام الاشتعال وتوقيت الشراره ):
طبعا عندنا في مصر ظبط الكهربا مش بس ظبط الاسبراتير لكنه يشمل ظبط خليط الهوا والبنزين من الكربيراتير

*مشاكل في الدواره كالتاخير ودي بتنتج من ان اما مسمار الهوا مقفول اكتر من اللازم او البنزين مفتوح اكتر من اللازم بالاضافه الى البوجيهات وثغرتها لو مش مناسبه هتضعف الشراره وطبعا الابلاتين بماكله وقرفه

*عدم انتظام السياره في دورانها بحيث تشتغل والماتور يترج جامد جدا حتى مع شد الشفاط

*انطفاء المحرك مع دعس البنزين

* صدور صوت ما يعرف ب الصفع او التسقيف في الحر حتى مع بنزين 92

*تنتيش كتير اثناء السير بالسياره

*ضرب مدافع من السياره

*تعطيس او تفتفه من الشكمان

*وجود هباب اسود في الشكمان او على البوجيهات

*ضعف السحب ونقصان التسارع

*سخونة الماتور بشكل مش طبيعي وسرعة عمل المروحه وعدم انطفاءها والمؤشر دايما عالنص حتى في الطريق المفتوح..

*زيادة استهلاك البنزبن مع وجود عادم اسود عند الحرق على الغيارات...


دي اغلب الحاجات ولو افتكرت حاجه هكتبها لاحقا ان شاء الله....


تحياتي