سائقين التوك توك ... يقطعون طريق مصر اسكندرية الصحراوي اعتراض على ارتفاع سعر التكاتك!

سائقين التوك توك ... يقطعون طريق مصر اسكندرية الصحراوي اعتراض على ارتفاع سعر التكاتك!

http://elgornalimages.elgornal.net/i...0122620649.jpg

كتب محمود عبد الراضى

قطع عدد من تجار مركبات "التوك توك" طريق مصر إسكندرية الصحراوى، بالقرب من بوابات الرسوم التابعة لمركز شرطة كرداسة بسبب ارتفاع أسعارها فى الشركات التى تقوم ببيعها للتجار.

وانتقل ضباط المباحث بقيادة العميد محمد جبر مأمور المركز، إلى مكان الواقعة، وأقنعوا المتجمهرين بإعادة فتح الطريق بعد التنسيق مع الجهات المختصة لحل أزمتهم المالية.

وقال المتجمهرون إنهم فؤجئوا بزيادة تصل إلى 500 جنيه على سعر الـ"توك توك"، ما دفعهم لقطع الطريق لإلغاء هذه الزيادة، وتم تسيير حركة المرور وتحرر محضر بالواقعة.

فتح طريق مصر إسكندرية بعد قطعه احتجاجا على ارتفاع أسعار الـ"توك توك"

انا من ساعت ماقريت الخبر حاسس بتشنج في جنبي الشمال وايدي ورجلي مش شايلاني وحاسس برعشة ايدي بتترعش كده وبوقي حاسس انوا اتعوج ياترى دي اعراض دبحة ولا شلل نصفي !
وعاوز اشتم خمسمية وستين شتيمه في الثانية بس ... بس الدكتور ما نعني من الشتيمة علشان صحتي .... بس عامةً الله يرحمك يا حج سعد قولتها زمان مفيش فايدة. المره دي قطعوا طريق الصحراوي قبل كده طريق الدائري وياعالم هيقطعوا ايه بكرة إلاهي يقطع عمرهم واشوفهم اشلاء كده. موشلشلة في توسونامي واشوفهم غرقانين يارب العالمين في بلاعة مجاري مفتوحة كده والاقيه. بيمدلي ايدوا وبيقولي والنبي يا حج إلحقني. هغرق في البلاعة يا حج فقولوا ولا يهمك ياحبيبي واطلع اخبط على بيت بيت وشقة شقة في الحارة وفي الحته كلها واقولهم شدوا السفون يا ولاد .

انا بجد حاسس ان ربنا غاضب علينا ... واكيد عملنا حاجة وحشة في حياتنا علشان كده ربنا ابتلانا. بهذا التوك توك اللعين. ... والمشكلة كل عيل فاشل صايع ضايع ومتشرد يروح يقول لاموا ماما عاوز توك توك ... واموا تبيع الغوشتين الي معاها وتروح تجيبلوا ... حسبي الله ونعم الوكيل .... حسبي الله ونعم الوكيل
توب عليا بقه يارب
هو احنا كل ما نخلص من مشكلة نوقع في مشكلة اكبر منها
زمان كانت مشكلة الموتسيكلات والفيزب
خلصنا منها خشينا في موشكلة سواقين النقل العام الاتوبيسات بيزحموا الدنيا وبيوقفوا فجئة
خلصنا منها دخلنا في مشكلة سواقين الميكروبصات خلصنا منها
خلصنا منها دخلنا في مشكلة سواقين النقل التقيل الي بيحششو في الشوارع وهما سيقين
خلنا منها نزلت موشكلة الموتسيكلات الصيني غزت الشوارع
خلصنا منها دخلنا في مشكلة التكاتيك
الله هيا البلد دي ملهاش كبيررررر ولا ايه حكايتها
ياترى رايحه فييييين يا مصر !!!

وخاصة الموتوسكلات الصيني الله يحرقه اللي صنعها دي كارثه وكمان لما تلاقيها بتتآجر كمان لعيال ف ابتدائي بيسوقوا وبهبل وتلاقيه طالع من شارع ضيق طاير لو زي حالاتي وبتتعلم هتلاقي نفسك بتفرمل بعنف خوفا من انك لو لمسته يبقي البقاء لله ف اللي كان سايق فعلا لكي الله يامصر

أنا معترض على آخر مقطع
كل مشكلة بتقول خلصنا منها بيطلعلنا التانية
انا شايف ان مفيش ولا مشكلة من اللى انت قولتهم خلصنا منها
ده المشاكل بتتراكم مشكلة ورا التانية وكل يوم بيظهر اختراع جديد بيمشى فى الشوارع يساء استخدامه
وكله على دمغنا

عفوا ايها التوكتك لا اريدك ..

المنتدى بيعمل حاجات غريبة من امبارح
انا كنت كاتب مشاركة واختفت !!!!

وبعدين ظهرت تانى !!!

حد بيحصل معاه كده !!!

كثرة الموتوسيكلات الصينى دى يسبب مشاكل كثير بدءا من الحوادث وحتى استخدامها فى السرقات والجرائم

انا اسف اكيد كتير هيعرضونى لكن انا اسف انا مش معاك التوك توك فتح بيوت ناس غلابة كتييير اوى و كمان العيل الشمام البلطجى الحشاش الى بتقول علية تحسنلوا يشتغل على توك توك و يجيب فلوس حلال ولا يسرق وينهب و كمان ممكن يقتل علشان 10 جنية معلش انا اسف على الازعاج و الاطالة

بصراحة انا شايف ان الحاجات دي علي قد مافتحت بيوت علي قد مابهدلت ناس كتير اوي من استخدامها ف السرقة وجرايم الترويع وخاصة الموتوسكلات لانهم بيآجروها لعيال سن ابتدائي يعني بيضحي بسلامة الواد واللي ف الشارع عشان 5 جنية والله ده تهريج ويا ما الموتوسكلات دي عملت كوارث مش حوادث

اقتباس:

---

المشاركة الأصلية كتبت بواسطة elawany13

المنتدى بيعمل حاجات غريبة من امبارح
انا كنت كاتب مشاركة واختفت !!!!

وبعدين ظهرت تانى !!!

حد بيحصل معاه كده !!!

---

انا كل ما اكتب تعليق يختفى مش عارف اية الحل

قطعوا الطريق عشان التوكتوك غلي 500 جنيه ؟؟؟

ياللا يا رجالة نقطع نهر النيل , العربيات غليت 50 الف جنيه :@ :@ :@ :@

المنتدى مش مخليني اعرف اعمل مواضيع كل ما انزل حاجة بتتمسح
المهم هكتب وامري لله .... انا كاني لمحت من شويه اخ صديق عزيز بيقول انهم فاتحين بيوت ناس كتيرة وانو يفتح بيوت ناس ولا يسرق احسن. ، انا بصراحة بصراحة بصراحة من رأيي الشخصي لا يسرق احسن

قولي ليه !! هقولك لمن ينط على بيوت علشان يسرقها اكمن هو كده كده فاشل هيتمسك وهيتزبط ويتقبض عليه ويتزبط كمان في القسم وبكده المجتمع يطون خلص من مجرم شمام ومصر خسرت واحد يا حبيبتي يا مصر .هههههه

يا صديقي لمن سواق التوك توك بيسرق او يختلس هيضر واحد او اتنين الي هو سرقهم لكن لمن تديلوا توك توك وتطلعوا في الشارع هيضر امة لا إله. إلا الله ... ده كفاية اعصابك الي هيحرقها كفاية عربيتك الي هتتكحرت وانا شايف حضرتك كاتب عندك مرسيدس وحته بومة ياترى معقول لغاية دلوقتي مفيش ولا توك توك او حتى تك تووكة عدت من جمب عربيتك كده وسابلك علامة او ذكرى او حتى رزعلك مراية او فانوس وحط بركاتوا على عربياتك ( طبعاً بعد الشر ) بهزر ... بس انا بقول مثلاً ياترى برضوا هتقول اصلوا فاتح بيوت كتير (( ربنا يسمحو)) !!

طيب بلاش كده هل لازم الي فاتحين بيوت ناس كتيررر (( تقلش بيصرفوا على الحارة )) مش على البرشام والترامدول الي بياكلوه هل لازم العيال الشمامة دي تسوق عكس وتوقف في اي حته وفي اي وقت وتمشي تزعجر الناس بزماميرها وكلاكستها وكاسيتتها ... ويعدوا في لجان وميتفتشوش علشان نقول واللهي اصلهم فاتحين بيوت ناس كتير

يافندم دول اااااافه. ربنا ابتلانا بيهم ... واحقررررر ناس والعن سواقين تكاتيك هما سواقين تكاتيك اكتوبر ... سواقين تكاتيك جمهورية مصر العربية دي كوووم والسواقين عندنا كوووووم تاني خالص

وهنروح بعيد ليه في اكتوبر سواق توك توك عيلين راكبين جمب بعض على الدريكسيون جي يخطف شنطة من ست كبيرة التاني رابطة الشنطة في رقبتها قام ساحلها هيا والشنطة على الارض وجاريرها يجي ١٥٠ متر على الاسفلت كده لما حت عليها فيالاخر وسايبلها الشنطة

ولاالبت السورية بتاعت الحي السابع الي قام خبطها سواق توك توك مفيم البرفريز بتاعوا وخد بعضوا وجري هتعرفهم منين وهتفرق بينهم ازاي وكل ما تيجي تكلم واحد يقلك مش انا ده توك توك تاني وكلهم سووود وكل الي ركبينها ولاد ستين تيت. ... عارف لو ام كل واحد فيهم بركت عليه كده وهيا بتهليفهم او جابت لنا بدالوا دكر بط كان زمان مصر من كبار المصدرين للبط والويز في العالم بدل المعاتيه والاشكال الضالة الي بنشوفها :) وتحياتي

ربنا يرحمنا برحمتة
التوكتك الزيرو دلوقتى وصل 22000 ج حد يصدق !!!!!!!!!
اكيد هتقولوا عليا مجنون

حسبي الله ونعم الوكيل .. بلد سايبه لا حكومه ولا ريس ولا شعب عدل ...

هو فعلا شغلهم على التكاتك احسن ما يمارسوا الاجرام , بس ده مش معناه اننا لازم نختار بين سيء و اسوأ كالعادة :(

انا نفسي اقتل كل سواقين التكاتك اللي في اكتوبر ، في مره كنت واحد جاي عكس رحت حااارق جامد عالتاني وكنت خلاص داخلين وش في وش بس فاديته في اخر لحظة ، الراجل صرخ و كان هيعيط وانا راكن ع جنب بضحك

للأسف السيئة تعم : هؤلاء من اقذر واحقر طبقات المجتمع...ممكن نستثنى الدلتا والاقاليم

اقتباس:

---

المشاركة الأصلية كتبت بواسطة elawany13

المنتدى بيعمل حاجات غريبة من امبارح
انا كنت كاتب مشاركة واختفت !!!!

وبعدين ظهرت تانى !!!

حد بيحصل معاه كده !!!

---

لو حد المنتدى بيخرف معاه زى حالاتى
جربوا احذفوا الكوكيز
هتلاقوا الوضع اتحسن

:120146b

مفيش فايده المنتدى بيعمل حركات غريبه زى التكاتيك :B4_556:

التوكتك غلى 500جنيه يارب يغلى 50 الف جنيه مش خمسميه بس يعنى هيا البلد ناقسه حراميه وشمامين والله ما شوفت فيهم حد محترم ودمى محروق من البوظه اللى بقت فى الشوارع بسبب الهباب ده ولسه غبور بستورد الزفت ده ماهى اصل البلد ناقسه تكاتك تانى والله حسبنا الله ونعمه الوكيل فى كل واحد بيخرب فى البلد بقصد ومنغير قصد

العيب مش عليهم العيب على اللى لسه بيسمح ان العملة الصعبة بتاعة البلد تروح فى استيراد التك تك اصلا

اقتباس:

---

المشاركة الأصلية كتبت بواسطة ahmedalaahosny

وخاصة الموتوسكلات الصيني الله يحرقه اللي صنعها دي كارثه وكمان لما تلاقيها بتتآجر كمان لعيال ف ابتدائي بيسوقوا وبهبل وتلاقيه طالع من شارع ضيق طاير لو زي حالاتي وبتتعلم هتلاقي نفسك بتفرمل بعنف خوفا من انك لو لمسته يبقي البقاء لله ف اللي كان سايق فعلا لكي الله يامصر

---

على فكرة لو موته فى الحالة اللى بتقول عليها هتطلع براءة قتل خطأ

قطعوا طريق علشان بيتاجروا فى سلعة وجودها فى الشارع اصلا غير قانونى ؟؟؟
طب ما تيجى نعمل احنا اعتصام ونقطع كل الطرق لحد ما الحكومة تحس وتشيلة خالص م البلد
والله والله البلد حتفرق كتيــــــــــــــــــــــ ـــــــــــــــر جدا لو لغيت التوكتوك والموتوسيكل الصينى
والفرق حيبان فى لحظتها
ربنا ياخدهم وياخد المتسبب عن استمرار المهزلة دى فى البلد
يعنى نفسى اعرف البلد لية سايبة كدة ؟ فين الداخلية
فين ادارة المرور ووزير النقل ؟
ازاى مفيش ضوابط لحد دلوقتى
ازاى ملهمش خط سير وترخيص ؟
ازاى متلغوش طيب ؟؟
مين المستفيد والشعب كلة متضرر من وجود الطبقة الزباله دى فى الشارع وعلى احتكاك مباشر بيا وبيك طول اليوم
العيال دى اقسم بالله لما بتتكلم معاهم بتبقى هاين عليك تنزل تموتة او تضربة طلقة فى نفوخة وتخلص البلد منة ومن شرة

ياراجل دا التكاتكت بتقفل علينا الطريق وللأسف فى حضرة السيد قائد المرور شخصيا اه والله فى يوم شفتهم كابسن على الطريق الصحراوى اكنهم جراد قرفت واتزمرت ولاكن ذهب كل هذا بعد ما رئيت السيد قائد المرور واقف على الطريق والتكاتك تمر من بين قدمية (فلس) ههههههههههههه

حـــــــــــــــــــــــر يـــــــــــــــــــــة....

اقتباس:

---

المشاركة الأصلية كتبت بواسطة mohammed dodda

للأسف السيئة تعم : هؤلاء من اقذر واحقر طبقات المجتمع...ممكن نستثنى الدلتا والاقاليم

---

وتستثنى ليه الدلتا والاقاليم
دول عايزين الابادة
حسبنا الله ونعم الوكيل فيهم

اقتباس:

---

المشاركة الأصلية كتبت بواسطة kokowasfy

انا اسف اكيد كتير هيعرضونى لكن انا اسف انا مش معاك التوك توك فتح بيوت ناس غلابة كتييير اوى و كمان العيل الشمام البلطجى الحشاش الى بتقول علية تحسنلوا يشتغل على توك توك و يجيب فلوس حلال ولا يسرق وينهب و كمان ممكن يقتل علشان 10 جنية معلش انا اسف على الازعاج و الاطالة

---

مع احترامى لوجهة نظرك. اة فتح بيوت غلابة كتير. بس الشمام و البلطجى زى ما هو بس بقى راكب توكتوك يبلطج و يعمل بلاوى و معاة وسيلة مساعداه, دة غير الاطفال دول مصيبة تانية مش عارف اهلهم فين

ههههههههههههههههههههههههه ههه ههههههههههههههههههههههههه ههههه
ظاهره شعبيه مريره التكتوك دا بالنسبالي عامل زي كلو الصباع

اقتباس:

---

المشاركة الأصلية كتبت بواسطة تامر.محمد

هو فعلا شغلهم على التكاتك احسن ما يمارسوا الاجرام ,


بعد إذن حضرتك هما بيستخدموا التكاتك عشان يمارسوا بيه إجرامهم ...
بالإضافة لترويع الناس وسائقي السيارات الملاكي أيضاً ...

بس ده مش معناه اننا لازم نختار بين سيء و اسوأ كالعادة

الله ينور على حضرتك !!!

---

تحياتي

اقتباس:

---

المشاركة الأصلية كتبت بواسطة elawany13

وتستثنى ليه الدلتا والاقاليم
دول عايزين الابادة
حسبنا الله ونعم الوكيل فيهم

---

....حضرتك لو رحت مناطق زى الشرقية والدقهلية وغيرها من الارياف هتعرف التكتوك بالنسبة لهم زى لامؤاخذة الجاموسة او الحمار بس بموتور وأرخص وبيشيل 3 افراد غير الطرق اللى هناك استحالة تمشى فيها غير بالتوكتوك والناس هناك اكثر احتراما وتحضرا من بلطجية المدن

اشكال زبالة وتقرف