الموضوع: قصة حب انتهت بالزواج (اشتريت ميجان 2008)

اشتريت ميجان سيدان الى بـ 136000 الف (Full option without sun roof or parking sensors)

الحمد لله الذى وفقنى فى تحقيق رغبة ملحة لدى لاقتناء هذه التحفة التكنولوجية العظيمة. يكفى ان كل ما جائت به رينو فى هذه السيارة اصبح مقلد من معظم مصنعى السيارات - فى هذه الفئة طبعا - فى الاعوام اللاحقة لبيع هذه السياراة منذ عام 2002 على سبيل المثل لا الحصر:

1 - الرفارف الفيبر - المستوحاه من Formula 1 - و التى يعتبرها المصريين من عيوب السيارة لان المصرى عايز صاج لما يتعوج يدقدق فيه يتعدل لكن عمره ما يفكر ان الفيبر يشتت الطاقة الناتجة عن اى صدمة خارج المقصورة و بالتالى يوفر امان اعلى للركاب.
2 - عدم وجود مفتاح Start\Stop Button
3 - Steptronic من 2002


الكثير من المؤشرات تجعلك تحترم السيارة (رغم كل الاشاعات العجيبة):

1 - حصول هذه السيارة على لقب افضل سيارة اوروبية فى العام و هذا عام 2003 يحمل الكثير من المعانى (الارقام السابقة للسيارة تمثل عدد الاصوات التى تضع السيارة اما فى المركز الاول او الثانى و الثالث):

2002 -------------------------
1 - Peugeot 307 286
2 - Renault Laguna 244
3 - Fiat Stilo 243
2003 -------------------------
1 - Renault Mégane 322
2 - Mazda 6 302
3 - Citroën C3 214
2004 -------------------------
1 - Fiat Panda 281
2 - Mazda 3 241
3 - Volkswagen Golf 241
2005 -------------------------
1 - Toyota Prius 406
2 - Citroën C4 267
3 - Ford Focus 228
2006 -------------------------
1 - Renault Clio 256
2 - Volkswagen Passat 251
3 - Alfa Romeo 159 212
2007 -------------------------
1 - Ford S-Max 235
2 - Opel/Vauxhall Corsa 233
3 - Citroën C4 Picasso 222
2008 -------------------------
1 - Fiat 500 385
2 - Mazda2 325
3 - Ford Mondeo 202


تعمدت ان اضع الترتيب كامل – اول و ثانى و ثالث – و السنوات من 2002 و حتى 2008 حتى يرى الجميع السيارة الاوربية مش المانى و بس – مع كامل الاحترام و التقدير للالمانى الى هو نمرة واحد بس مش بالفرق الكبير الى المصريين عاملينه – مع احصاء بسيط للنتائج السابقة سنجد ان السيارات الفرنسية تمثل 7 و السيارات الالمانية 3 و السيارات الايطالية 4

2 - اول سيارة فى فئتها تحصل على 5 نجوم فى اختبارات الـ Euro NCAP الاوربية
3 - فى اول سنة مبيعات تصدرت مبيعات السيارات فى فرنسا بالكامل بحجم مبيعات وصل 198874 سيارة للميجان فقط.
4 - حققت مبيعات ممتازة فى انجلترا (على الرغم من عدم وجود وفاق بين الانجليز و الفرنساويين فى العربيات) كالتالى:
- 2004 خامس اكثر السيارات مبيعا
- 2005 رابع اكثر السيارات مبيعا
- 2006 خامس اكثر السيارات مبيعا
- 2007 خامس اكثر السيارات مبيعا
5 - ابتداء من 2006 تم تغيير نظام التعليق الامامى ليصبح مثل الموديل الرياضى – 225 حصان ربنا يعطينا – ليعطى ثبات اكثر على الطريق



ليه الميجان و مش اى سيارة منافسة (بالنسبة لى شخصيا) ؟؟؟؟؟؟؟؟؟؟؟؟؟
---------------------------------------------

Mazda 3 : سيارة رائعة بامكانيات ممتازة لكن مفيش وكيل محترم فى ضهرك و مفيهاش مثبت سرعة
Corolla : مشاكل الـ Gear Box مسموعة للجميع بالاضافة لضعف مستوى الخامات المستخدمة فى المقصورة و بنزين 95
Lancer : شكل ثورى جذاب و مستوى الخامات المستخدمة فى المقصورة افضل من الشكل السابق و لكن مفيهاش مثبت سرعة و لا Steptronic
Astra : من اقرب السيارات للمنافسة و لن اكون متحيز و ساعترف انها قد تكون اختيار اقوى و لكن فرق 19000 لتحصل على نفس الامكانات – من 136000 الى 155000 – و جنوط 15 بدل 16 و صيانات خمسات مش عشرات و قطع غيار اغلى من الميجان
Impreza : سيارة ممتعة فى القيادة (يكفى انك مهما حاولت تمرمط فيها عشان الثبات يتهز تقولك ... متقدرش) و لكن حجم شنطة صغير لدرجة مثيرة للسخرية و قطع غيار نار نار نار و بنزين 95 اجبارى و ليس اختيارى


لكن اكرر كلام كتير جميل ذكر فى مواضيع سابقة عن هذه السيارة ( Sharky قام بالواجب و زيادة ) و لكن ساركز على ما اثر فى شخصيا:


الايجابيات:
1 - عفشة ناعمة جدا
2 - فرامل حساسة للغاية و دقيقة للغاية (عملت تجربة متهورة عشان اشوف الـ ABS و الـ EBD و كانت النتائج مبهرة)
3 - صالون مريح و واسع فى الامام و الخلف
4 - اماكن منوعة للتخزين
5 - عزل الصوت جيد جدا داخل المقصورة
6 - مساحة الشنطة "رهيب و الله رهيب"
7 - توكيل محترم جدا (تانى يوم ماشتريت العربية البطرية عملتها و العربية ما دارتش كلمت 16202 الساعة 11 صباحا, الساعة 9 مساء مهندس التوكيل كان عندى فى الرحاب بيغير البطارية)
8 - مثبت السرعة ممتع ممتع ممتع ( انا باسافر اسكندرية كل خميس و ارجع كل سبت و كمان باسافر بليل قوى عشان الرادار, فمش قادر اوصفلكوا قد ايه المتعة انك تسوق الطريق كله بزرارين + و - )
9 - فى عداد فى كمبيوتر العربية يوضح استهلاك البنزين اللحظى - بمعنى انه مش بيدى متوسط لكن بيقولك دوسة البنزين الى انت دايسها دلوقتى متوسطها كام لكل 100 كم - انا شايف انه عداد هايل يعلمك ازاى تسوق بطريقة اقتصادية


السلبيات:
1 - هزات طفيفة اشعر بها فى الدركسيون فى الطرق الغير ممهدة و لكن لا ترقى لدرجة الشكوى
2 - اصوات عجيبة فى الفرامل عند بداية الحركة او التوقف (تزييق) لكن غير مؤثرة على اداء الفرامل الممتاز


اخيرا اوجه سؤال لكل مالكى الميجان: اركب فرش ازاى؟ و لو مش ممكن عشان الـ air bags احافظ على الفرش الفبريكة ازاى؟