تغير مسمار العجلة المقطوم
السلام عليكم
الموضوع ده بسيط بس يمكن يفيد اللى عنده حاجة مشابهة
فى صيانة الخمسين للاسف فى احد مراكز الخدمة المعتمدة بيركيبوا صواميل العجل بالدريل
وطبعا الفنى المحترم بيحط الصامولة فى لقمة الدريل وم ش بيهون عليه يركبها ويلفها بأيده كام لفة قبل استخدام الدريل
طبعا هو "شبط" الصامولة غلط فبوظ سن المسمار - وانا اكتشفت بالصدفة
الموضوع ده بعدها بفترة لما احتجت اغير الكاوتش ولقينا ان الصامولة مستحيل تتفك الا لما يقطم المسمار
و ماكنش فيه حل الا كده - رحت اشتريت مسمار وصامولة من المنير فى شارع فيصل
المسمار ب 7.5 جنيه والصامولة ب 5 جنيه ... بس الحقيقة حسيت ان المعدن بتعهم مش قد كده
فقلت قبل ما افك واركب اشوف حاجة نضيفة لاقيت مسمارها الاصلى عند حلمى سليمان ب 20 جنيه
الموضوع بسيط وممكن تعمله بنفسك بس الميكانيكى كان فاضى وقاعد يشرب شاى خليته يعمله :ma: