أنسب لون سيارة للشوارع المصرية ...

السلام عليكم و رحمة الله و بركاتة .....

ان شاء الله هشترى عربية جديدة و محتار جدا فى اللون ... لأنى ببص للون من حيث الناحية العملية أكتر من الناحية الشكلية وا بحبة ولا مبحبوش ..... يعنى مثلا الأسود اغلبنا بيفضلة فى العربيات لكن فى الواقع هو لون مش عملى معانا فى مصر لانة بيمتص حرارة الشمس و بيخلى العربية فورن فى الصيف و بيرهق التكييف لحد ميقدر يبرد العربية دة غير انة بيلقط التراب بسهولة جدا و مش بيبان فية النظافة بسهولة... يعنى تبئ غاسل عربيتك و نص ساعة الغسلة تروح من شوية عفار فى الشارع ......

المهم العربية اللى هشتريها متوفر منها ( الأبيض - الأسود - الفضى - الأحمر - الموكا ( البرونزى) )

أنا من الناحية العملية جربت الفضى قبل كدة فى عربيتى القديمة وكان ممتاز و مش بيبان فية التراب بسهولة لكن بيبان فىة الخدوش علشان لون فاتح .....

دلؤت انا محتار بين السيلفر تانى و اللون الجديد اللى لسة نازل الى هو الموكا (البرونزى)

أفيدووووووووووووووووووووو ونىىىىىىىىىىىىىىىىىىىىىىى ىىىىىىىىىى:shyy: وياريت محدش يرشحلى الأحمر لأنى مبحبوش و بعتبرة حريمى شوية ....

.... معلومة العربية اللى هشتريها هى بروتون برسونا اليجانس الجديدة

الفضى والفيراني افضل لون لشوارع مصر ولجو مصر

فضى ياباشا انا جايبه وعملى وممتاز جدا

ومين الى قال انه بيبان فيه الخدوش بسهوله !!!!!!!!

امال الغوامق بيبان فيها بصعوبه ؟؟!!!

الفضى كلون فاتح بيبان فية الخدوش و خصوصا لو فى الاكصدام و لون الفيبر الاسود بان من الحكة

الفيرانى افضل من الفضى ومبروك على العربية!!!

يا جماعة مفيش فيرانى فى الالوان اللى قولتها انا قولت موكا اللى هو فى الكتالوج اسمة (برونز جرانيت) هو دة بالنسبالكوا فيرانى ؟؟؟

https://www.facebook.com/photo.php?f...type=1&theater

الفضى مناسب لمصر

الفضى والفيراني

اي لون بيبان فيه الخدوش و الحكات يا فندم ولذلك النقطه دي نقدر تخرجها من معايير الاختيار . الحاجات اللي بتختلف من عربيه للتانيه هي إذا كان بيبان عليها الغبار بسهوله و لا لأ و في النقطه دي تتفوق الالوان الفاتحه اكيد و كذلك في قله امتصاص أشعه الشمس كمان و نقطه تالته ان الالوان الفاتحه بتعطي احساس بوسع السياره و كبر حجمها . بالنسبه لل لون اللي انصح حضرتك به هو اللون الفضي و بالمناسبه كنت قرأت عن دراسه بتقول انه اكتر لون بيلفت النظر الي السياره بالنسبه للسائقين خاصه لو الاضاءه ضعيفه و ده بيساهم في تقليل نسبه حوادث السيارات ذات اللون الفضي مقارنه بالألوان الداكنه. طبعا كل شيء نصيب لكننا بنحاول ناخد بالأسباب و بالتوفيق لما فيه الخير

الفضي

الابيض احسن لون فى الحر
بس اوحش لون فى التراب
لو انتا ساكن فى منطقة مفيهاش تراب كتير
زى اسكندرية او منطقة فها زراعة كتير و مفيش صحرا قريبا منك
دوسسسس فى الابيض
و زيو الفضى و البلاتنيوم و اللبنى الفاتح (blue water)

اقتباس:

---

المشاركة الأصلية كتبت بواسطة hulk_ahmed

الفضى كلون فاتح بيبان فية الخدوش و خصوصا لو فى الاكصدام و لون الفيبر الاسود بان من الحكة

---

كلامك سليم اذا كان بخصوص الاكصدامات لكن باقى العربيه لا اختلف معاك

اقتباس:

---

المشاركة الأصلية كتبت بواسطة abogogo

الفضى والفيراني افضل لون لشوارع مصر ولجو مصر

---

+111111111111111111:Ta_clap[1]::Ta_clap[1]::Ta_clap[1]::plusone2::plusone2::plusone2::Bravo::Bravo:

الفضى
بس الناس زهقت منة بالرغم انة معايا

تقريبا صاحب الموضوع اعتزل
يا جماعه الراجل بيقول مفيش فراني تقولو هات فراني
الفضي جميل والموكا لو عايز تيجيبه بردو كويس جدا والتجديد مطلوب

ههههههههههههههههه معتزلتش ولا حاجة .... و شكرا جدا لاهتمامكوا جميعا بس فعلا انا عربيتى اللى قبل اللى هشتريها كانت فضى فعايز اجدد فاية رئيكوا فى الموكا ؟؟!! الللى هو البرونزى ؟

اقتباس:

---

المشاركة الأصلية كتبت بواسطة hulk_ahmed

ههههههههههههههههه معتزلتش ولا حاجة .... و شكرا جدا لاهتمامكوا جميعا بس فعلا انا عربيتى اللى قبل اللى هشتريها كانت فضى فعايز اجدد فاية رئيكوا فى الموكا ؟؟!! الللى هو البرونزى ؟

---

نوع العربيه الي بتشتريها ايه؟

مصر افضل الالوان .. فضى - فيرانى - احمر غير كدة انسى

الفضى هو أفضل لون مناسب لمصر وربنا يوفقك ومبروك مقدما على السيارة

العربية بروتون بيرسونا اليجانس 2013

اقتباس:

---

المشاركة الأصلية كتبت بواسطة hulk_ahmed

العربية بروتون بيرسونا اليجانس 2013

---

العربيه دي اللون الابيض عليها تحفه وبعدين الفضي وبعدين البرونزي

الفضي افضل لون
والفيراني تاني لون كغامق

انا جربت اكثر من لون فى العربيات
منهم الابيض
النبيتى -الرمادى - الفضى - الفيرانى حاليا

احسن لون مناسب لقرف شوارعنا كان

الفضى