السلام عليكم
يا جماعة انا كنت عايز اعرف اجيب مازدا 3 ولا بيجو 307
مين احسن من ناحية كفائة العربية وقطع غيارها؟؟؟؟
عرض للطباعة
السلام عليكم
يا جماعة انا كنت عايز اعرف اجيب مازدا 3 ولا بيجو 307
مين احسن من ناحية كفائة العربية وقطع غيارها؟؟؟؟
بالتأكيد المازدا
البيجو قطع غيار ناااار و معقده و مش اعتماديه بدرجه كبيره
رأيي الشخصي المازدا
البيجو قطع غيارها نار و استهلاك بنزينها وحش اوي واحد صاحبي بيصوت منها بيقولي استهلاك بنزينها اكتر من المرسيدس E200بتاعة والده,واسمع ان توكيلها مش بيفهموا,و سحبها مش حلو,بس اوبشنز بتاعتها عالية اوي.
المازدا حلوة جدا بس ضيقة من ورا و واطية,و طبعا غبور موتها في مصر يعني ملهاش توكيل معتمد,و متعرفش تجيب اي قطعة غيار من غبور الا لو شاريها من عنده و هوا مش عنده الايام دي مازدا.
استخير كده و ربنا يوفقك
بص يا سيدي
انت اخترت عربيتين انا بحبهم جدا بس ما افكرش اشتريهم لأني مش شجاع زيك
العربيتين فيهم امكانيات و كماليات أكتر من اي سيارة في فئتهم ما عدا الميجان التحفة الهاتش
و بما ان الاتنين توكيلهم تعبان و مش اي حد بيفهم فيهم يبقى انت داخل طريق مظلم كده أو كده
شوف بقى مين اللي عاجباك اكتر و ابسط نفسك و ماتقارنش
بصراحه كركوبه يبقى البيجو ليها طعم تانى
كاداء من حيث التسارع الماذدا طبعا افضل بكتير
كثبات البيجو طبعا افضل من الماذدا بكتير
شكرا يا جماعة علي الردود وانا برده لسة محتار مبينهم اصل العربيتين شبابيتين لكن المازدا شبابية اكتير
بتقارن ايه ايه بس!!
بيجو هنا فى مصر سمعتها قريبة من المرسيدس,
و طبعا البيجو 307 كعربية أفضل بمراحل من حيث الأداء و الفخامة و الجودة و التكنولوجيا,
المازدا فيه مثل كان بيتقال عليها "المازدا فاسدة و لو زيرو"!
و لو انو مازدا اتحسنت بعض الشىء بعد شرائها من قبل فورد, و المازدا 3 فيها الكثير من قطع الفورد فوكاس, لكن برضو خليك فى المضمون و بيجو لا يعلى عليها.
بالنسبة للتوكيل فمقدرش أفيدك.