الموضوع: انسة .. استاذ .... الفانوس اللي ورا فيه ميه !!

السلام عليكم اهالي المنتدى الكرام

موقف غريب حصل معايا مرتين وفي فترة متقاربة يعني الفرق بينهم شهرين تلاتة بالكتير

اول مرة كانت عربية سوزوكي ماروتي ماشية قدامي ولقيت الفانوس اللي ورا شمال مليان ميه و الميه بتترجرج جواه زي ما يكون زمزمية و كان منظر غريب جدا ومبقيتش مصدقة لان الاغرب ان الفانوس كان منور وشغال عااااااااااادي جدا فاقربت من العربية وجيت جنبها وكانت اللي سياقاها بنت وطبعا ساعتين عشان تبص جنبها تفهم اني عاوزة اقولها حاجة واني مش راجل بيعاكس ولا حد بيستظرف وإلا كانت سمعتني وقلتلها الفانوس اللس ورا شمال فيه ميه وبصلتي بدهشة واستعجاب وكانت غالبا بتقول عليا انا اللي عبيطة.


تاني مرة من اسبوعين تقريبا ومن ساعتها و انا عاوزة اكتب الموضوع عشان افهم ازاي يعني دا نممكن يحصل ، المرة دي كانت عربية فيات بونتو وبردو الميه في الفانوس اللي ورا بس يمين بس كنا بالنهار والفانوس مش منور فا معرفتش هوا سليم ولا لأ وكنت عاوزة اقول للي سايق بس ملحقتش عشان كان لازم اركن وهوا مشي في طريقو

حد بقى يفسرلي ايه اللي ممكن يكون جاب ميه كتير كدا في الفانوس و الفانوس محتفظ بالميه جواه ومسربهاش تقولشي زمزمية !! لأ وكماااااااااااان منور وشغال !!

لما حكيت لاخويا قاللي ممكن يكون ازازوة ميه اتدلقت في شنطة العربية ودخلت جوة الفانوس بس التفسير دا مأقنعنيش لان الاهم من كل دا ان الفانوس جواه ميه وبخار وشغاااال

المشاركة الأصلية كتبت بواسطة K_E

وتوصيل المية للكهربا ضعيف

!!!!!!!!!!!!!!!!!!!!!!!!