ماهى عيوب الدايون 7

**fantstk2010** · 05-05-2013 03:56 AM

السلام عليكم و رحمه الله و بركاته

يا جماعه انا بجد عاوز مساعده فى الدايون 7
انا نفسى اركب حاجه كاستم و كل اللى معايا 6 الف
قررت انى اشترى دايون 7 و اعملها فنش حلو
بس ناس بتقولى حلوه و جيبها بس حافظ عليها
و ناس تانيه تقولى زباله و هتبوظ بسرعه و قطه غيرها غاليه على شان مش موجوده
روحت سئلت عند ابو حوا لاقيتها ب 5800
ياريت تقولولى عيبوها ايه

**SaSa.FireBlade** · 05-05-2013 05:53 PM

بوص يا باشا نصيحة منى سيبك من الصينى خالصصصصص هاتلك باجاج بوكسر 150 او ديسكفرى 150 هتكون فى رنج 5800 او 6000 بس مكنة محترمة

**thebast** · 06-05-2013 12:59 AM

الدايون 7 مكنة حلوة وشكلها حلو وتقيلة على الطريق
مميزاتها ان الكاوتش عريض جدا وشكلها انيق وتقيلة على الارض وسحبها كويس
عيوبها ان قطع الغيار هتلاقيها بس غالية شوية وسعرها كدة غااااااااااااااااااالى جدااااااااااااااااااا
هى تعمل 5200 كويس اوى

**fantstk2010** · 07-05-2013 06:49 AM

المشاركة الأصلية كتبت بواسطة sasa.fireblade

بوص يا باشا نصيحة منى سيبك من الصينى خالصصصصص هاتلك باجاج بوكسر 150 او ديسكفرى 150 هتكون فى رنج 5800 او 6000 بس مكنة محترمة

شكرا لهتمامك
بس زاى مانا كاتب كده انا عاوز اركب حاجه كاستم
فى واحد معاه واحده شديده شده عجبانى اوى
على شان كده دخله دماغى

**fantstk2010** · 07-05-2013 06:53 AM

المشاركة الأصلية كتبت بواسطة thebast

الدايون 7 مكنة حلوة وشكلها حلو وتقيلة على الطريق
مميزاتها ان الكاوتش عريض جدا وشكلها انيق وتقيلة على الارض وسحبها كويس
عيوبها ان قطع الغيار هتلاقيها بس غالية شوية وسعرها كدة غااااااااااااااااااالى جدااااااااااااااااااا
هى تعمل 5200 كويس اوى

ماهى دى المشكله كل الناس بتقولى كده
انا بقولك روح بولاق ابو العلاء
لافيتها حته حته مش لاقى غير اتنين بس
و كلو بيقولى ب 5800 و مافيش غير الاسود كمان و انا استحاله اجيب الاسود
و فعلا اى حد بسئلو عليها بيقولى دى المكنه مش لاقيها هتلاقى قعط غيارها
بس مش عارف اعمل ايه انا نفسى بصراحه اجيب الدايون 7
شكرا على ردك يا باشا

**thebast** · 08-05-2013 04:34 AM

الدايون 7 اعتقد مفيش منها غير الاسود فعلا
بس سعرها الى او كدة روح عند ابو حوا ممكن تلاقى السعر اقل شوية
وقطع الغيار هتلاقيها فى المحلات الكبيرة للصينى متوفرة بس اغلى نسبة بسيطة مش اكتر
وممكن تجيب دايون 40 او حلاوة وينج واهو يقضى غرض الكاستم

**fantstk2010** · 08-05-2013 07:01 AM

المشاركة الأصلية كتبت بواسطة thebast

الدايون 7 اعتقد مفيش منها غير الاسود فعلا
بس سعرها الى او كدة روح عند ابو حوا ممكن تلاقى السعر اقل شوية
وقطع الغيار هتلاقيها فى المحلات الكبيرة للصينى متوفرة بس اغلى نسبة بسيطة مش اكتر
وممكن تجيب دايون 40 او حلاوة وينج واهو يقضى غرض الكاستم

لا يا باشا فى الاحمر و السيرفر و مفيش احله من السيرفر بأمانه
تانى حاجه المشكله كلها قطع غيارها غليا و مش موجود و كلو بيقول نفس الكلام
بصراحه انا مش عارف اعمل ايه بس انا ان شاء الله مش هجيب غير الدايون 7

**malibuchevy** · 10-05-2013 05:38 AM

المشاركة الأصلية كتبت بواسطة fantstk2010

لا يا باشا فى الاحمر و السيرفر و مفيش احله من السيرفر بأمانه
تانى حاجه المشكله كلها قطع غيارها غليا و مش موجود و كلو بيقول نفس الكلام
بصراحه انا مش عارف اعمل ايه بس انا ان شاء الله مش هجيب غير الدايون 7

على فكره اسمه اللون السيلفر silver مش سيرفر

وهات اي بايك وبلاش صيني لانه زي الزفت بعد سنه بيبقى متبهدل حتى لو مهتم بيه

جمع وهات يباني احسن شكل وقوه واداء وبرستيج نوعا ما

**SpeeRace** · 20-05-2013 05:59 AM

المشاركة الأصلية كتبت بواسطة malibuchevy

على فكره اسمه اللون السيلفر silver مش سيرفر

وهات اي بايك وبلاش صيني لانه زي الزفت بعد سنه بيبقى متبهدل حتى لو مهتم بيه

جمع وهات يباني احسن شكل وقوه واداء وبرستيج نوعا ما

مش شايف ان الراجل أجرم أنه معرفش يقولها .. ومكنش لازم تفضحه ..
مش مهم الكلام المهم المعنى مفهوم
تانيا الراجل بيقول مش معاه غير 6 ألآف .. أكيد لو معاه تمن Honda Steed مكنش دخل وسأل
__________________________________________________ _________________
ردا على موضوع اللى بيسأل ..
انا عندى دايون 7 موديل 2008 وبصراحه الماكنه الله أكبر عليها وبتعيش أحسن من أى بايك كاستم صينى
عيبها ان الـ vibration ((الإهتزاز )) عالى شويه بس الإتزان الله أكبر عليه وبتميل زى الـ steed
وممكن كمان تقلب شكلها (( ستييد )) وانا عملت كده وبقت تحفه ومريحه جدا
من أكبر عيوبها قطع الغيار .. يعنى غاليه وفـى حاجات مش متوفره نهائى .. (زى ماستر الباكم الأمامى)
والفرامل الخلفيه بتاعتها زى الزفت .. وأخطر عيب انك ان كنت على سرعه عاليه مش بسهوله تثبت الموتوسيكل خصوصا لما تكون ف ميه ( وده عيب الكاستم عموما ) الا من رحم ربى

**mhmdabdo** · 20-05-2013 04:08 PM

السلام عليكم
اولا ابعد عن الياباني نهائي متجيش جنيه والصراحه انا اشتريت بوكسر والله بتاع الكشك بيحسدني هو معاه هوندا شوف الزمن بقا هو راكب هوندا وعاوز يبعها عشان قطع الغيار وانا معايه بوكسر مرتاح بيه من الاخر فلوسك مضمونه ومرتاح في الصيني او الهندي
الحاجه التانه شوف ايه المنتسر واشتريه متروحش للمتمير عشان يكون سهل في قطع الغيار و البيع كمان
عامتا في افندر في بجاج هو كاستم وجميل جدا 220 بس بردو قطع غياره قليله خليك في المنتشر وخصوصا في منطقتك وانصحك شوف محل في منطقتك يعني مثلا عندي كل معظم الناس راكبه برافا عشان في محل كبير هنا برافا وقطع غياره متورفه وفي كاستم وريس وكدا المهم انك حترجع للمحل في الورق مرتنين تلاته + انكلازم تشحن البطاريه ساعتين اول ما تستلم الموتوسيكل عشان مبيكنش فيها ميه وتغير زيت
انا شايف روح محل جنب بيتك واللي ترتاحلو خلص فيه بس يكون منتشر مش لازم مميز
وربنا يباركلك فيها انشاء الله مقدما