-
الحمد لله رب العالمين
الحمد لله على كل شئ
انا عاوز اقولكم اللى حصل معايا فى ال 10 ايام اللى فاتو عشان الناس تاخد بالها من كذا حاجه
من 10 ايام روحت اغير زيت روحت لوكيل كاسترول فى اسكندريه لقيته محل مش كبير قوى عادى يعنى واول حاجه مستريحتش ليها ان ماكينه شفط الزيت كانت عطلانه ونزل الزيت من الطبه وكمان حط ربع كيلو زياده المهم خليتو نزل شويه من الطبه تانى وبرضه مقياس الزيت عالى مشيت يومين لقيت اويل سيل الكرنك بيسيل زيت ( ودى اول حاجه تاخد بالك منها وانت بتغير زيت المقياس بتاعك لازم يبقى تمام ) المهم روحت لميكانيكى جمب البيت كان عملى شويه حاجات بسيطه فى العربيه وانا استريحت له نفسيا (للاسف) ماهو مش بالطيبه والكلام ده
المهم قالى هاتلى اويل سيل دى حاجه بسيطه غيره وهو بيقفل الظاهر قفل التقسيمه غلط والعربيه لقيتها متلته وصوت رجرجه فى الموتور والعربيه مش مظبوطه ( ودى تانى حاجه تاخد بالك منها متروحش لاى حد يعملك شغل مهم فى العربيه ) بس انا مكنتش فاكر ان الاويل سيل حاجه مهمه قوى كده
روحت للشيخ ابراهيم عندنا فى اسكندريه قالى مفيش ضغط فى الصباب الاولانى لازم احل وش السليندر عشان اشوف انا قلبى وقع طبعا المهم تانى يوم روحت وكنت سايبله العربيه قالى صبابين اتعوجو ولازم يتغيروا (صباح الفل ) استلمت الحمد لله العربيه بعد 5 ايام عنده فى الورشه ( طبعا كتييييييييييير جدااااا ) بس الحمد لله من تجربتى للعربيه من الورشه للبيت الحمد لله ( بس عمرها ما حترجع زى الاول اكيد ) وبرضو لسه بتسيل شويه زيت وهيا واقفه من عند الوش بتاع الكامه وبرضه من اويل سيل انا ان شاء الله ؤايحله تانى عشان كان فيه كوبلن بيطقطق وحقوله على الزيت ده
اللى عايز اقولكم عليه بقى
خلى بالك وانت بتغير زيت مقياسكم يبقى سليم جداااااااااااااااااااااا
تانى حاجه لما تودى العربيه لصنايعى وديها لواحد شغال فيها مش اى حد (حتى لو حيزهقك شويه ) مغ انى زهقت شويتين تلاته كده
اخر حاجه لو عربيتك موديل قديم متبقاش حنبلى اوى معاها وكل حاجه تجرى على الميكانيكى مش عارف ده بقى صح ولا غلط بس انا اخدت درس غبى جداااا
العربيه تشر تخر تهر زيت تطقطق تهلفط مدام هيا ماشيه سيبها ماشيه عارف ناس كتير حتقولى غلط بس انا كل ما الاقى مسمار مش مظبوط اجرى اشوفه بتاع ايه دفعت فلوس وحرقه دم وبرضه مبترجعش زى الاول
خلوووووو بالكووووووووووو
شكر واجب لاستاذ كريم ابيزا منسق مساعد قسم السيات على اهتمامه ومتابعته معايا الموضوع بالتليفون
-
شكراً ع التنبيه
وربنا يعوضك خير ان شاء الله
الاهتمام بالعربية شئ مهم - بس الاهم تبقي عارف حدود الميكانيكي بتاعك وكمان تبقي فاهم هو بيعمل ايه وهيعمله ازاي
تحياتي
والله المستعان
،
،
-
نصيحه مهمة ومعلش مفيش حد بيتعلم ببلاش
طبعا انا معاك فى موضوع مقاس الزيت
ومش معاك فى موضوع انك تهمل العربيه لأن ده هيسبب مشاكل اكبر واكبر فى المستقبل
-
الحمد لله انها جت على قد كده
ومتزعلش لأن العلام مش ببلاش
-
الحمد لله و قدر الله و ما شاء فعل
و كلامك مضبوط و لكن نسبي ... يعني مش كل حاجه تكبر دماغك منها و لا كل حاجه تروح تعملها المهم قوي قوي انك تكون عارف ايه المشكلة و هل تستاهل تروح لميكانيكي ولا ممكن تكبر دماغك
-
الحمد لله على كل حال
ربنا يسترها معانا ومعاك
-
شكرا استاذ سيد وشكرا استاذ ايهاب على مروركم
وشكرا لكل اللى اضاف رد فى الموضوع
وطبعا شكرا جزيلا لاستاذ كريم ابيزا
انا كتبت الموضوع هنا مخصوص عشان خاطر استاذ كريم يشوفه بس اتمنى نقله لقسم الفولكس برضه عشان الناس تشوفه وتستفيد
-
الحمد لله على كل شيء
كلام مظبوط بس مع اختلاف نسبة العطل ومكانه
ونصيحه مقبوله جداا
واى فنى له سقف وحدود وقدرات بس للاسف مابتتعرفش بسهوله
وفى الغالب لازم تجرب وتتعلم عشان تبقى معلم
تحياتى
Content Relevant URLs by
vBSEO 3.6.0 PL2