الميكانيكى غيرلى زيت الفتيس من 90 الى 140

**benmatar** · 05-05-2013 07:00 PM

المشاركة الأصلية كتبت بواسطة end.doaa

السلام عليكم ورحمة الله وبركاته
اعتذر عن دخولى على موضوع حضرتك بس عشان انا جديدة فى المنتدى معرفتش اوصل للمواضيع وكمان يمكن الموضوع له علاقة
العربية انا جايباها مستعملة طبعا فيورا 127 موديل 85 وطبعا دى اول تجربة ليه
بس هى بتنزل زيت والمياكنيكى العفشة قال ده من الفتيس وغير كاوتشه كده بصراحة معرفش اسمها ايه وبعدين لقيتها بتنزل تانى رجعت له قال محتاجة اونسيل جيبناه وركبها وزود الزيت وع ذلك لسه بتنزل زيت وقالى لو فضلت تنزل يبقى الزيت بيقع من الكارتيرة
عايزة نصيحتكم هل فى مشكلة لو مشيت بيها كده ولو كان من الكارتيرة دى اعرف منين وبعدين هو انا هقعد اجرب كل الاماكن اللى ممكن يقع منها زيت ولا اعمل ايه
وشكرا و اسفة مرة تانية لصاحب الموضوع

1- ممكن يتعمل نفسه في قسم فيات وبنفس الخطوات.
2- وبصفة عامة يفضل تغيير الميكانيكي شخصيا لأنه مش عارف مصدر التسريب منين
3- لا ينصح بالتهاون في مواضيع تسريب الزيت لأنه لو زيت موتور خطير ولو زيت فيتيس برضه خطير
4- ممكن يتشاف منسوب زيت الموتور، لو بينقص يبقى التسريب من زيت الموتور بكل بساطة.
5- أكيد أساتذة الفيات عندهم حلول كويسة برضه
6- أهلا وسهلا في المنتدى الموقر

**benmatar** · 05-05-2013 07:04 PM

المشاركة الأصلية كتبت بواسطة adiaa222

السلام عليكم
من يومين غيرت طقم الدبرياج وكنت جايب الساكس على 500 جنية المهم العربية سحبها بقا كويس ولكن لحظيت الاتى
صوتها بقى غريب كل مدوس بنزين بحس انى مركب تربو فى العربية او راكب عربية نص نقل
النقلات بقت تقيلة
كنت ماشى على الطريق السريع وجايب بيها سرعة 120 لكن كان صوتها عالى جدا جدا

اكتشفت ان الميكانيكى غيرى زيت الفتيس من 90 الى 140 وقالى دة المناسب للعربية بتاعتك. مش عارف هو مأثر فى العربية ولا دية تهيئات منى

حضرتك متحطش زيت 140، وإنما تحط 75w90 هتشتري 3 عبوات زيت موبيل للفيتيس المانيوال، العبوة تعمل حوالي 25ج.م وسعتها 1 لتر.
فيتيس الفيليشيا بياخد 2.7 لتر درجة 75w90 وموبيل كويس
أنصح حضرتك تشتري انبوبة شحم للفيتيس المانيوال ماركة ليكوي مولي عاملة زي انبوبة معجون الاسنان وتمنها 36-40ج.م وتفضيها مع الزيت الجديد، وتقفل وتتوكل على الله ومتحكمش غير لما تمشي 500كم. الفيتيس هيبقى معاك ممتاز، وبالتوفيق

**sakr_skoda** · 05-05-2013 07:08 PM

نزل الشحم اللى فى صندوق التروس وحط زيت............*

**adiaa222** · 06-05-2013 08:20 AM

المشاركة الأصلية كتبت بواسطة benmatar

حضرتك متحطش زيت 140، وإنما تحط 75w90 هتشتري 3 عبوات زيت موبيل للفيتيس المانيوال، العبوة تعمل حوالي 25ج.م وسعتها 1 لتر.
فيتيس الفيليشيا بياخد 2.7 لتر درجة 75w90 وموبيل كويس
أنصح حضرتك تشتري انبوبة شحم للفيتيس المانيوال ماركة ليكوي مولي عاملة زي انبوبة معجون الاسنان وتمنها 36-40ج.م وتفضيها مع الزيت الجديد، وتقفل وتتوكل على الله ومتحكمش غير لما تمشي 500كم. الفيتيس هيبقى معاك ممتاز، وبالتوفيق

وياترى اشترى منين شحم للفيتيس واحطة بعد اول لتر من الزيت ولا فى الاخر وشكرا

**benmatar** · 06-05-2013 12:59 PM

المشاركة الأصلية كتبت بواسطة adiaa222

وياترى اشترى منين شحم للفيتيس واحطة بعد اول لتر من الزيت ولا فى الاخر وشكرا

أنبوبة ليكوي مولي دي تلاقيها عند أي موزع لمنتجاتهم وزيوتهم، شارع دمشق فيها موزع وشارع فيصل والدقي ومدينة نصر الحي السادس واكتوبر والعاشر والمعادي. وغيرهم
والمادة لونها رمادي ومش تقيلة زي الشحم بس لها لزوجة عالية جدا وحجمها زي اتبوبة معجون الاسنان. اللي عملته إني لما جبت زيت فيتيس موبيل فتحت عبوة من التلاتة وفضيت الانبوبة فيها ورجيتها، وحطيت 3 عبوات زيت موبيل إلا ربع (2.7 لتر) وقفلت طبة سلك السرعة اللي بنحط فيه زيت الفيتيس، وتوكلت على الله ومشيت بيها والفرق هتحسه لما تمشي مشوارين تلاتة طوال.

**أحمد جودة** · 07-05-2013 01:00 PM

بالنسبة للزيت
90 مناسب للفليشيا أكتر من الـ 140
الزيت الـ 140 بيتحط لعربيات النقل والنقل التقيل
سألت مرة ميكانيكي على زيت الـ 140 قالي بيتحط فى حالة واحدة بس لو حالة الفتيس تعبانة
وأعتقد الزيت مالوش علاقة بالصوت لاني حطيط 140 فى مرة وكان الصوت العادي بتاع العربية

**EngAhmedSayed** · 07-05-2013 03:29 PM

انا كل اللى اقدر اقوله لسياتك
التزم بالكتالوج و موصفات العربية

**Amr_Azab** · 07-05-2013 05:09 PM

المشاركة الأصلية كتبت بواسطة eng_gouda2000

بالنسبة للزيت
90 مناسب للفليشيا أكتر من الـ 140
الزيت الـ 140 بيتحط لعربيات النقل والنقل التقيل
سألت مرة ميكانيكي على زيت الـ 140 قالي بيتحط فى حالة واحدة بس لو حالة الفتيس تعبانة
وأعتقد الزيت مالوش علاقة بالصوت لاني حطيط 140 فى مرة وكان الصوت العادي بتاع العربية

+1111
كلام مظبوط جدا
عربيتك تحطلها 75w90 موبيل عامل دلوقتي 88 جنيه 3 لتر تقريبا
لكن 140 ده لعربيات النقل ويمكن يستخدم في الملاكي لو الفتيس فيه عيب أو صوت وعايز تتلافاه غير كده حتلاقي الغيارات تقيلة جدا معاك

**aw2100** · 08-05-2013 01:42 AM

المشاركة الأصلية كتبت بواسطة adiaa222

السلام عليكم
من يومين غيرت طقم الدبرياج وكنت جايب الساكس على 500 جنية المهم العربية سحبها بقا كويس ولكن لحظيت الاتى
صوتها بقى غريب كل مدوس بنزين بحس انى مركب تربو فى العربية او راكب عربية نص نقل
النقلات بقت تقيلة
كنت ماشى على الطريق السريع وجايب بيها سرعة 120 لكن كان صوتها عالى جدا جدا

اكتشفت ان الميكانيكى غيرى زيت الفتيس من 90 الى 140 وقالى دة المناسب للعربية بتاعتك. مش عارف هو مأثر فى العربية ولا دية تهيئات منى

زيت الفتيس 140 ده بيبوظ فتيس الفليشيا وبيحرق مجموعة تروس الخامس لانها اعلى حاجة فى الفتيس والزيت ده تقيل فمبيوصلش لمجموعة الخامس فبتتحرق يريت تغيره فورا وانصحك تحط زيت شل 90/80 افضل بالنسبة للصوت العالى من الواضح ان الميكانيكى كسر حاجة فى الجاكمان وهو بيشتغل وعلشان كده بتحس صوت التيربو ده من الجكمان والزيت 140 ده بيتحط فى الفتيس العادى للعربيات الفيات القديمة واللادا والكارونة بتاعت العربيات الدفع الخلفى انا كنت بحطه فى ال128 طبيعى ومرة حطيت غلط زيت 90 وخلى الفتيس بتعها خشن قوى ونزلته وحطيت ال 140 ومبروك على طقم الدبرياج !!!

المشاركة الأصلية كتبت بواسطة end.doaa

السلام عليكم ورحمة الله وبركاته
اعتذر عن دخولى على موضوع حضرتك بس عشان انا جديدة فى المنتدى معرفتش اوصل للمواضيع وكمان يمكن الموضوع له علاقة
العربية انا جايباها مستعملة طبعا فيورا 127 موديل 85 وطبعا دى اول تجربة ليه
بس هى بتنزل زيت والمياكنيكى العفشة قال ده من الفتيس وغير كاوتشه كده بصراحة معرفش اسمها ايه وبعدين لقيتها بتنزل تانى رجعت له قال محتاجة اونسيل جيبناه وركبها وزود الزيت وع ذلك لسه بتنزل زيت وقالى لو فضلت تنزل يبقى الزيت بيقع من الكارتيرة
عايزة نصيحتكم هل فى مشكلة لو مشيت بيها كده ولو كان من الكارتيرة دى اعرف منين وبعدين هو انا هقعد اجرب كل الاماكن اللى ممكن يقع منها زيت ولا اعمل ايه
وشكرا و اسفة مرة تانية لصاحب الموضوع

مبروك على العربية انصحك تروحى لميكانيكى فاهم وعموما الزيت اللى بينزل ده لو من الفتيس محتاج كاوتشات زيت وليها 3 مقاسات لازم الميكانيكى يفك الأكس ويجيب نفس مقاسه ولو ركبت اى مقاس تانى حيخر برضة ولو الزيت من الموتور يبقى محتاج جوانات للكارتيرة ورداخ البنزين وممكن يكون فية اويل سيل الكرنك بيخر نقص الزيت خطير ياريت تشوفى الموضوع ده بسرعة !!

-

الموضوع: الميكانيكى غيرلى زيت الفتيس من 90 الى 140

LinkBack

أدوات الموضوع

عرض

-

-

-

-

-

-

-

المواضيع المتشابهه

الميكانيكى المحمول d:

واحد غيرلى ركنه العربيه وخلاها راكنه عمودى

الميكانيكى ابن ال......

الوكيل غيرلى الاربع طنابير على حسابه بسبب عيب صناعة ؟؟؟؟؟؟

التوكيل غيرلى علبه الدريكسيون وعندى استفسار

الكلمات الدلالية لهذا الموضوع

المفضلات

المفضلات

ضوابط المشاركة