ياجماعة عايز حد يكون عندة خبرة يوضحلى الفرق بين الملاكمة والجودو بالنسبة لطفل 7 سنين اىهما افضل ؟ محتار ومحتاج حد يكون عندة خبرة او حاصل على بطولة يوضحلى
عرض للطباعة
ياجماعة عايز حد يكون عندة خبرة يوضحلى الفرق بين الملاكمة والجودو بالنسبة لطفل 7 سنين اىهما افضل ؟ محتار ومحتاج حد يكون عندة خبرة او حاصل على بطولة يوضحلى
عندى نفس السوال و ياريت تقولى هتلاعب ابنك فين ؟؟؟ عشان عايز اودية
متابع
متهيقلى الجودو احسن علشان الملاكمه فيها عدوانيه بالنسبه للسن الصغير بتاع ابن حضرتك انما الجودو تقريبا اغلب تدريباتها سويدى
بص انا كنت بلعب جودو ومعايا احزمه
الجودو طبعا احسن لأنه بيعلمه فن التحرك مع الخصم وكيفية التصرف وقت الإلتحام مع الشخص الآخر
انما الملاكمة ضرب الوجه والبطن وطبعا فيها خطوره كبيره على الأنف والفك
الملاكمة اصلا حرام
نهى رسول الله صل الله عليه وسلم عن ضرب الوجه
ليه العنف ده بس !! lol
طب ليه مفكرتش في حاجة زي الجمباز ؟ بتبقى كويسة للسن الصغير..
أنا لعبت الأتنين و الجودو أفضل بكثير و أكثر متعة
الملاكمة حرام شرعا كلعب متشات مع منافسين و ضربهم فى الوجة و بالتالى التمرين هيقتصر على ضرب الساند باج و خلاص
الجودو أفضل بكتير و بيقوى الجسم كله و هو شبه المصارعة جدا
يعنى الهدف الأساسى فى الجودو إنك توقع خصمك على الأرض و تسيطر عليه
و بيتم تعليم الطفل كيفية السقوط على الأرض بدون ما يتأذى و بيتعلم فن الخنق و الكسر و التثبيت فى الأرض
و طبعاً بشكل رياضى بحت بدون أذية و الجودو مصنف من أكثر ألعاب الإلتحام أماناً فى العالم للأطفال
توكل على الله و ربنا يكرمك فى ولادك و يجعلهم ذرية صالحة بإذن الله
الجودو افضل
هايخلى جسمه ناشف و قوى و فى نفس الوقت هايكسبه ثقه قويه بالنفس
الجودو أفضل طبعاً
والملاكمة يكاد يكون هناك إتفاق على حرمتها لأن ضرب الوجه أحد قواعدها وهو حرام
أنا قصدي حرام في الإسلام طبعاً
-
-
سن السبع سنوات مناسب له اكثر لعبه الجودو
الملاكمه اعنف من الجودو فيفضل له الان الجودو هيأسسه كويس جدا لان لاعب الجودو بنقول عليه (ترباس أو وتد )
يعنى تحريكه من مكانه مش بسهوله زى اى لعبه تانيه وهى لعبه اخلاقياتها عاليه ونضيفه يعنى نادر ان نجد لاعب ينزف ولكن الكسر موجود بها وهى بتعتمد على تكنيك توازن وطرح الخصم على الارض يعنى بالبلدى يمسح بواحد الارض وينفضه كمان بدون خدش أو نزيف والفوز بالتثبيت او النقاط ولها مسميات
لكن الملاكمه تختلف فهى لعبه تحتاج الى سرعه زراعين وارجل وتعتمد على قوه الذراعين فى اللكم والتحكم فى الخصر والارجل بطريقه سريعه وخفيفه وهى لعبه ممتعه جدا وعنيفه ايضا وبها فنيات عاليه
اما بخصوص الاصابات فهى فى الملاكمه اكثر مع وجود واقى الرأس والاسنان وتعتمد على اللكم بقبضه اليد فى النصف العلوى من الجسم والوجه من فوق الحزام (الصره) والفووز فيها بالنقاط او الانسحاب أو الضربه الفنيه القاضيه
ومن ناحيه تحريم اللعبه فحدث خلاف عليها ولكن الحديث المذكور فى موضوع ضرب الوجه حديث مرفوع
[url=http://library.islamweb.net/hadith/display_hbook.php?bk_no=158&pid=107825&hid=3959]
متشكر جداً يا حماعة على معلوماتكم واراكم المحترمة ، بس هو سؤال صغير ؟ انا من سكان 6 اكتوبر حد يعرف مكان ادربة فية جودو يكون اخلاقيات الناس فية عالية ومستواهم الرياضى كويس ؟؟؟؟؟؟؟؟؟؟؟؟؟؟؟
ولكم جزيل الشكر وجزاكم الله خيراً
الملاكمة دي لعبة ضد الانسانية
وبتسبب اصابات رهيبة بالمخ ومنها الشلل الرعاش اللي عند كلاي
ده طبعا غير حرامنيتها اللي الاخوة ذكروها
الجودو افضل كتير
والعاب القوي والسباحة افضل منهم كلهم