الموضوع: مصاريف نقل الملكية لنوبيرا

المشاركة الأصلية كتبت بواسطة mhopa2440

آسف بس كلام حضرت خطا اولا العربية موديل 2005 وانت كاتب 2003 ثانيا قيمة نقل الملكية اصلا خطا معرفش انت جبت الرقم دا من فين

عموما انا معايا جدول نقل ملكية اي عربية ف مصر من واحد معرفة من الشهر العقاري

عربيت حضرتك موديل 2005 لو مستورده هيكون 865ج لو محلي هيكون 667ج
حضرتك هتعرف و كانت محلي او مستورد من شهادة بيانات للعربية او روح للراجل اللي عنده الملف واسئله لو قالكم محلي خد منه شهادة بيانات عشان انت اولى بالفرق لو قالك مستورده يبقى خلاص روح ادفع وخلاص وكمان هتضيف على الملبغ اللي فات تقريبا 20ج

هيتبقى عندك الضربية تقريبا للسنة هيكون من 120 الى 150 جنية مش متأكد
التامين الاجباري هيكون ف حدود 110 تقريبا بردوا من مش متاكد قوي الرقم كام بالظبط بس ف الحدود يد

هيتبقى عندك المخالفات (ان شاء الله ميكونش ف حاجة) المثلث والاسعافات (75ج لو معندكش وصل شراء باسمك) الطفاية (140ج) لو اللي عندك مش عليها رقم الشاسيه مدقوق عليها

وربنا يوفقك واي حد عايز يعرف رسوم نقل اي ملكية يقولي وانا اقول عليه على فكرة انا حاول ارفع المستند دا على الموقع بس بسبب مشاكل فية والموقع طالب حجم معين وصيغة معينة مش متوافقه خالص مع الملف اللي عندي

هذا هو الرد الأقرب إلى الصحة
أنا لسه ناقل ملكية نوبيرا 2007 وموافقه في جميع ما قاله ما عدا
1- أنا مدفعتش لا مثلث ولا اسعافات
2- الطفاية كانت في العربية مش مدقوق عليها رقم الشاسيه رايح داقق عليه الرقم وخد 10 جنيه وبكده مجبتش طفاية جديدة
غير كده كل الكلام صح 100 %

بس خلي بالك التعب كله في مطابقة الشاسيه من المرور القديم واليك الخطوات بالترتيب
1- التوجه للشهر العقاري لنقل الملكية
2-المرور الي هترخص تبعه العربية دفع ( 25) جنيه ثمن ورق المرور
3- رقع بصمة العربية في المرور الي هترخص تبعه ( رقم الشاسيه ورقم الماتور )
4- الذهاب مباشرة إلى المرور التابع له الرخصة القديمة لعمل حاجتين
أ- مطابقة البصمة مع الملف
ب - استخراج شهادة المخالفات ومدتها 15 يوم فقط
5- الرجوع مرة أخرى إلى المرور الي هترخص تبعه للفحص الفني وفحص العادم والطفاية
6- أدفع التأمين وهات الوصل
7- روح على الشباك ومعاك جميع الأوراق ( عقد البيع - جميع التوكيلات - تقريبا 4 صور للبطاقة مع شوية ورق بيبعوهالك هناك - وصل التأمين - ورق الفحص الفني) + نمرة السيارة تكون فككها وفي أيدك
8- هيديك أذن دفع الضريبة روح أدفع في الخزنة - وروح أعمل نمرة السيارة الجديدة في قسم نمر السيارة )
9- أرجع أدي الوصلات للشباك وأستنى الرخصة .
10 - هتتفاجأ في النهاية أنه مش هيديك رخصة السيارة ده هيديلك حاجة زي الرخصة تمشي بيها مدة ست شهور وترجع بعد ستة شهور يكون الملف جه من المرور التابع له رخصة السيارة فتستخرج الرخصة الثانية
أرجو أن أكون أفدتك والله يعينك ويقويك